| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
4. து³தியகுலபுத்தஸுத்தங்
4. Dutiyakulaputtasuttaṃ
1074. ‘‘யே ஹி கேசி, பி⁴க்க²வே, அதீதமத்³தா⁴னங் குலபுத்தா ஸம்மா அகா³ரஸ்மா அனகா³ரியங் பப்³ப³ஜிதா யதா²பூ⁴தங் அபி⁴ஸமேஸுங், ஸப்³பே³ தே சத்தாரி அரியஸச்சானி யதா²பூ⁴தங் அபி⁴ஸமேஸுங். யே ஹி கேசி, பி⁴க்க²வே, அனாக³தமத்³தா⁴னங் குலபுத்தா ஸம்மா அகா³ரஸ்மா அனகா³ரியங் பப்³ப³ஜிதா யதா²பூ⁴தங் அபி⁴ஸமெஸ்ஸந்தி, ஸப்³பே³ தே சத்தாரி அரியஸச்சானி யதா²பூ⁴தங் அபி⁴ஸமெஸ்ஸந்தி. யே ஹி கேசி, பி⁴க்க²வே, ஏதரஹி குலபுத்தா ஸம்மா அகா³ரஸ்மா அனகா³ரியங் பப்³ப³ஜிதா யதா²பூ⁴தங் அபி⁴ஸமெந்தி, ஸப்³பே³ தே சத்தாரி அரியஸச்சானி யதா²பூ⁴தங் அபி⁴ஸமெந்தி.
1074. ‘‘Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajitā yathābhūtaṃ abhisamesuṃ, sabbe te cattāri ariyasaccāni yathābhūtaṃ abhisamesuṃ. Ye hi keci, bhikkhave, anāgatamaddhānaṃ kulaputtā sammā agārasmā anagāriyaṃ pabbajitā yathābhūtaṃ abhisamessanti, sabbe te cattāri ariyasaccāni yathābhūtaṃ abhisamessanti. Ye hi keci, bhikkhave, etarahi kulaputtā sammā agārasmā anagāriyaṃ pabbajitā yathābhūtaṃ abhisamenti, sabbe te cattāri ariyasaccāni yathābhūtaṃ abhisamenti.
‘‘கதமானி சத்தாரி? து³க்க²ங் அரியஸச்சங், து³க்க²ஸமுத³யங் அரியஸச்சங், து³க்க²னிரோத⁴ங் அரியஸச்சங், து³க்க²னிரோத⁴கா³மினீ படிபதா³ அரியஸச்சங். யே ஹி கேசி, பி⁴க்க²வே, அதீதமத்³தா⁴னங் குலபுத்தா ஸம்மா அகா³ரஸ்மா அனகா³ரியங் பப்³ப³ஜிதா யதா²பூ⁴தங் அபி⁴ஸமேஸுங் …பே॰… அபி⁴ஸமெஸ்ஸந்தி…பே॰… அபி⁴ஸமெந்தி, ஸப்³பே³ தே இமானி சத்தாரி அரியஸச்சானி யதா²பூ⁴தங் அபி⁴ஸமெந்தி.
‘‘Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ. Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajitā yathābhūtaṃ abhisamesuṃ …pe… abhisamessanti…pe… abhisamenti, sabbe te imāni cattāri ariyasaccāni yathābhūtaṃ abhisamenti.
‘‘தஸ்மாதிஹ, பி⁴க்க²வே, ‘இத³ங் து³க்க²’ந்தி யோகோ³ கரணீயோ…பே॰… ‘அயங் து³க்க²னிரோத⁴கா³மினீ படிபதா³’தி யோகோ³ கரணீயோ’’தி. சதுத்த²ங்.
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Catutthaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 3. பட²மகுலபுத்தஸுத்தாதி³வண்ணனா • 3. Paṭhamakulaputtasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 3. பட²மகுலபுத்தஸுத்தாதி³வண்ணனா • 3. Paṭhamakulaputtasuttādivaṇṇanā
