| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ • Saṃyuttanikāya |
༤. དུཏིཡཀུལཔུཏྟསུཏྟཾ
4. Dutiyakulaputtasuttaṃ
༡༠༧༤. ‘‘ཡེ ཧི ཀེཙི, བྷིཀྑཝེ, ཨཏཱིཏམདྡྷཱནཾ ཀུལཔུཏྟཱ སམྨཱ ཨགཱརསྨཱ ཨནགཱརིཡཾ པབྦཛིཏཱ ཡཐཱབྷཱུཏཾ ཨབྷིསམེསུཾ, སབྦེ ཏེ ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམེསུཾ། ཡེ ཧི ཀེཙི, བྷིཀྑཝེ, ཨནཱགཏམདྡྷཱནཾ ཀུལཔུཏྟཱ སམྨཱ ཨགཱརསྨཱ ཨནགཱརིཡཾ པབྦཛིཏཱ ཡཐཱབྷཱུཏཾ ཨབྷིསམེསྶནྟི, སབྦེ ཏེ ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམེསྶནྟི། ཡེ ཧི ཀེཙི, བྷིཀྑཝེ, ཨེཏརཧི ཀུལཔུཏྟཱ སམྨཱ ཨགཱརསྨཱ ཨནགཱརིཡཾ པབྦཛིཏཱ ཡཐཱབྷཱུཏཾ ཨབྷིསམེནྟི, སབྦེ ཏེ ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམེནྟི།
1074. ‘‘Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajitā yathābhūtaṃ abhisamesuṃ, sabbe te cattāri ariyasaccāni yathābhūtaṃ abhisamesuṃ. Ye hi keci, bhikkhave, anāgatamaddhānaṃ kulaputtā sammā agārasmā anagāriyaṃ pabbajitā yathābhūtaṃ abhisamessanti, sabbe te cattāri ariyasaccāni yathābhūtaṃ abhisamessanti. Ye hi keci, bhikkhave, etarahi kulaputtā sammā agārasmā anagāriyaṃ pabbajitā yathābhūtaṃ abhisamenti, sabbe te cattāri ariyasaccāni yathābhūtaṃ abhisamenti.
‘‘ཀཏམཱནི ཙཏྟཱརི? དུཀྑཾ ཨརིཡསཙྩཾ, དུཀྑསམུདཡཾ ཨརིཡསཙྩཾ, དུཀྑནིརོདྷཾ ཨརིཡསཙྩཾ, དུཀྑནིརོདྷགཱམིནཱི པཊིཔདཱ ཨརིཡསཙྩཾ། ཡེ ཧི ཀེཙི, བྷིཀྑཝེ, ཨཏཱིཏམདྡྷཱནཾ ཀུལཔུཏྟཱ སམྨཱ ཨགཱརསྨཱ ཨནགཱརིཡཾ པབྦཛིཏཱ ཡཐཱབྷཱུཏཾ ཨབྷིསམེསུཾ …པེ॰… ཨབྷིསམེསྶནྟི…པེ॰… ཨབྷིསམེནྟི, སབྦེ ཏེ ཨིམཱནི ཙཏྟཱརི ཨརིཡསཙྩཱནི ཡཐཱབྷཱུཏཾ ཨབྷིསམེནྟི།
‘‘Katamāni cattāri? Dukkhaṃ ariyasaccaṃ, dukkhasamudayaṃ ariyasaccaṃ, dukkhanirodhaṃ ariyasaccaṃ, dukkhanirodhagāminī paṭipadā ariyasaccaṃ. Ye hi keci, bhikkhave, atītamaddhānaṃ kulaputtā sammā agārasmā anagāriyaṃ pabbajitā yathābhūtaṃ abhisamesuṃ …pe… abhisamessanti…pe… abhisamenti, sabbe te imāni cattāri ariyasaccāni yathābhūtaṃ abhisamenti.
‘‘ཏསྨཱཏིཧ, བྷིཀྑཝེ, ‘ཨིདཾ དུཀྑ’ནྟི ཡོགོ ཀརཎཱིཡོ…པེ॰… ‘ཨཡཾ དུཀྑནིརོདྷགཱམིནཱི པཊིཔདཱ’ཏི ཡོགོ ཀརཎཱིཡོ’’ཏི། ཙཏུཏྠཾ།
‘‘Tasmātiha, bhikkhave, ‘idaṃ dukkha’nti yogo karaṇīyo…pe… ‘ayaṃ dukkhanirodhagāminī paṭipadā’ti yogo karaṇīyo’’ti. Catutthaṃ.
Related texts:
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) / ༣. པཋམཀུལཔུཏྟསུཏྟཱདིཝཎྞནཱ • 3. Paṭhamakulaputtasuttādivaṇṇanā
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༣. པཋམཀུལཔུཏྟསུཏྟཱདིཝཎྞནཱ • 3. Paṭhamakulaputtasuttādivaṇṇanā
