| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය • Aṅguttaranikāya |
6. දුතියකුලූපකසුත්‌තං
6. Dutiyakulūpakasuttaṃ
226. ‘‘පඤ්‌චිමෙ, භික්‌ඛවෙ, ආදීනවා කුලූපකස්‌ස භික්‌ඛුනො අතිවෙලං කුලෙසු සංසට්‌ඨස්‌ස විහරතො. කතමෙ පඤ්‌ච? මාතුගාමස්‌ස අභිණ්‌හදස්‌සනං, දස්‌සනෙ සති සංසග්‌ගො, සංසග්‌ගෙ සති විස්‌සාසො, විස්‌සාසෙ සති ඔතාරො, ඔතිණ්‌ණචිත්‌තස්‌සෙතං පාටිකඞ්‌ඛං – ‘අනභිරතො වා බ්‍රහ්‌මචරියං චරිස්‌සති අඤ්‌ඤතරං වා සංකිලිට්‌ඨං ආපත්‌තිං ආපජ්‌ජිස්‌සති සික්‌ඛං වා පච්‌චක්‌ඛාය හීනායාවත්‌තිස්‌සති’. ඉමෙ ඛො, භික්‌ඛවෙ, පඤ්‌ච ආදීනවා කුලූපකස්‌ස භික්‌ඛුනො අතිවෙලං කුලෙසු සංසට්‌ඨස්‌ස විහරතො’’ති. ඡට්‌ඨං.
226. ‘‘Pañcime, bhikkhave, ādīnavā kulūpakassa bhikkhuno ativelaṃ kulesu saṃsaṭṭhassa viharato. Katame pañca? Mātugāmassa abhiṇhadassanaṃ, dassane sati saṃsaggo, saṃsagge sati vissāso, vissāse sati otāro, otiṇṇacittassetaṃ pāṭikaṅkhaṃ – ‘anabhirato vā brahmacariyaṃ carissati aññataraṃ vā saṃkiliṭṭhaṃ āpattiṃ āpajjissati sikkhaṃ vā paccakkhāya hīnāyāvattissati’. Ime kho, bhikkhave, pañca ādīnavā kulūpakassa bhikkhuno ativelaṃ kulesu saṃsaṭṭhassa viharato’’ti. Chaṭṭhaṃ.
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) / 5-6. කුලූපකසුත්‌තාදිවණ්‌ණනා • 5-6. Kulūpakasuttādivaṇṇanā
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 1-10. පඨමදීඝචාරිකසුත්‌තාදිවණ්‌ණනා • 1-10. Paṭhamadīghacārikasuttādivaṇṇanā
