| Library / Tipiṭaka / তিপিটক • Tipiṭaka / ৰিমানৰত্থুপাল়ি • Vimānavatthupāḷi |
৯. দুতিযকুণ্ডলীৰিমানৰত্থু
9. Dutiyakuṇḍalīvimānavatthu
১১০১.
1101.
‘‘অলঙ্কতো মল্যধরো সুৰত্থো, সুকুণ্ডলী কপ্পিতকেসমস্সু।
‘‘Alaṅkato malyadharo suvattho, sukuṇḍalī kappitakesamassu;
আমুত্তহত্থাভরণো যসস্সী, দিব্বে ৰিমানম্হি যথাপি চন্দিমা॥
Āmuttahatthābharaṇo yasassī, dibbe vimānamhi yathāpi candimā.
১১০২.
1102.
‘‘দিব্বা চ ৰীণা পৰদন্তি ৰগ্গুং, অট্ঠট্ঠকা সিক্খিতা সাধুরূপা।
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
দিব্বা চ কঞ্ঞা তিদসচরা উল়ারা, নচ্চন্তি গাযন্তি পমোদযন্তি॥
Dibbā ca kaññā tidasacarā uḷārā, naccanti gāyanti pamodayanti.
১১০৩.
1103.
‘‘দেৰিদ্ধিপত্তোসি মহানুভাৰো, মনুস্সভূতো কিমকাসি পুঞ্ঞং।
‘‘Deviddhipattosi mahānubhāvo, manussabhūto kimakāsi puññaṃ;
কেনাসি এৰং জলিতানুভাৰো, ৰণ্ণো চ তে সব্বদিসা পভাসতী’’তি॥
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
১১০৪.
1104.
সো দেৰপুত্তো অত্তমনো…পে॰… যস্স কম্মস্সিদং ফলং॥
So devaputto attamano…pe… yassa kammassidaṃ phalaṃ.
১১০৫.
1105.
‘‘অহং মনুস্সেসু মনুস্সভূতো, দিস্ৰান সমণে সাধুরূপে 1।
‘‘Ahaṃ manussesu manussabhūto, disvāna samaṇe sādhurūpe 2;
সম্পন্নৰিজ্জাচরণে যসস্সী, বহুস্সুতে সীলৰন্তে পসন্নে 3।
Sampannavijjācaraṇe yasassī, bahussute sīlavante pasanne 4;
অন্নঞ্চ পানঞ্চ পসন্নচিত্তো, সক্কচ্চ দানং ৰিপুলং অদাসিং॥
Annañca pānañca pasannacitto, sakkacca dānaṃ vipulaṃ adāsiṃ.
১১০৬.
1106.
‘‘তেন মেতাদিসো ৰণ্ণো…পে॰…ৰণ্ণো চ মে সব্বদিসা পভাসতী’’তি॥
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
দুতিযকুণ্ডলীৰিমানং নৰমং।
Dutiyakuṇḍalīvimānaṃ navamaṃ.
Footnotes:
Related texts:
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / খুদ্দকনিকায (অট্ঠকথা) • Khuddakanikāya (aṭṭhakathā) / ৰিমানৰত্থু-অট্ঠকথা • Vimānavatthu-aṭṭhakathā / ৯. দুতিযকুণ্ডলীৰিমানৰণ্ণনা • 9. Dutiyakuṇḍalīvimānavaṇṇanā
