| Library / Tipiṭaka / තිපිටක • Tipiṭaka / විමානවත්‌ථුපාළි • Vimānavatthupāḷi |
9. දුතියකුණ්‌ඩලීවිමානවත්‌ථු
9. Dutiyakuṇḍalīvimānavatthu
1101.
1101.
‘‘අලඞ්‌කතො මල්‍යධරො සුවත්‌ථො, සුකුණ්‌ඩලී කප්‌පිතකෙසමස්‌සු;
‘‘Alaṅkato malyadharo suvattho, sukuṇḍalī kappitakesamassu;
ආමුත්‌තහත්‌ථාභරණො යසස්‌සී, දිබ්‌බෙ විමානම්‌හි යථාපි චන්‌දිමා.
Āmuttahatthābharaṇo yasassī, dibbe vimānamhi yathāpi candimā.
1102.
1102.
‘‘දිබ්‌බා ච වීණා පවදන්‌ති වග්‌ගුං, අට්‌ඨට්‌ඨකා සික්‌ඛිතා සාධුරූපා;
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
දිබ්‌බා ච කඤ්‌ඤා තිදසචරා උළාරා, නච්‌චන්‌ති ගායන්‌ති පමොදයන්‌ති.
Dibbā ca kaññā tidasacarā uḷārā, naccanti gāyanti pamodayanti.
1103.
1103.
‘‘දෙවිද්‌ධිපත්‌තොසි මහානුභාවො, මනුස්‌සභූතො කිමකාසි පුඤ්‌ඤං;
‘‘Deviddhipattosi mahānubhāvo, manussabhūto kimakāsi puññaṃ;
කෙනාසි එවං ජලිතානුභාවො, වණ්‌ණො ච තෙ සබ්‌බදිසා පභාසතී’’ති.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
1104.
1104.
සො දෙවපුත්‌තො අත්‌තමනො…පෙ.… යස්‌ස කම්‌මස්‌සිදං ඵලං.
So devaputto attamano…pe… yassa kammassidaṃ phalaṃ.
1105.
1105.
‘‘අහං මනුස්‌සෙසු මනුස්‌සභූතො, දිස්‌වාන සමණෙ සාධුරූපෙ 1;
‘‘Ahaṃ manussesu manussabhūto, disvāna samaṇe sādhurūpe 2;
සම්‌පන්‌නවිජ්‌ජාචරණෙ යසස්‌සී, බහුස්‌සුතෙ සීලවන්‌තෙ පසන්‌නෙ 3;
Sampannavijjācaraṇe yasassī, bahussute sīlavante pasanne 4;
අන්‌නඤ්‌ච පානඤ්‌ච පසන්‌නචිත්‌තො, සක්‌කච්‌ච දානං විපුලං අදාසිං.
Annañca pānañca pasannacitto, sakkacca dānaṃ vipulaṃ adāsiṃ.
1106.
1106.
‘‘තෙන මෙතාදිසො වණ්‌ණො…පෙ.…වණ්‌ණො ච මෙ සබ්‌බදිසා පභාසතී’’ති.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
දුතියකුණ්‌ඩලීවිමානං නවමං.
Dutiyakuṇḍalīvimānaṃ navamaṃ.
Footnotes:
Related texts:
අට්‌ඨකථා • Aṭṭhakathā / සුත්‌තපිටක (අට්‌ඨකථා) • Suttapiṭaka (aṭṭhakathā) / ඛුද්‌දකනිකාය (අට්‌ඨකථා) • Khuddakanikāya (aṭṭhakathā) / විමානවත්‌ථු-අට්‌ඨකථා • Vimānavatthu-aṭṭhakathā / 9. දුතියකුණ්‌ඩලීවිමානවණ්‌ණනා • 9. Dutiyakuṇḍalīvimānavaṇṇanā
