| Library / Tipiṭaka / തിപിടക • Tipiṭaka / വിമാനവത്ഥുപാളി • Vimānavatthupāḷi |
൯. ദുതിയകുണ്ഡലീവിമാനവത്ഥു
9. Dutiyakuṇḍalīvimānavatthu
൧൧൦൧.
1101.
‘‘അലങ്കതോ മല്യധരോ സുവത്ഥോ, സുകുണ്ഡലീ കപ്പിതകേസമസ്സു;
‘‘Alaṅkato malyadharo suvattho, sukuṇḍalī kappitakesamassu;
ആമുത്തഹത്ഥാഭരണോ യസസ്സീ, ദിബ്ബേ വിമാനമ്ഹി യഥാപി ചന്ദിമാ.
Āmuttahatthābharaṇo yasassī, dibbe vimānamhi yathāpi candimā.
൧൧൦൨.
1102.
‘‘ദിബ്ബാ ച വീണാ പവദന്തി വഗ്ഗും, അട്ഠട്ഠകാ സിക്ഖിതാ സാധുരൂപാ;
‘‘Dibbā ca vīṇā pavadanti vagguṃ, aṭṭhaṭṭhakā sikkhitā sādhurūpā;
ദിബ്ബാ ച കഞ്ഞാ തിദസചരാ ഉളാരാ, നച്ചന്തി ഗായന്തി പമോദയന്തി.
Dibbā ca kaññā tidasacarā uḷārā, naccanti gāyanti pamodayanti.
൧൧൦൩.
1103.
‘‘ദേവിദ്ധിപത്തോസി മഹാനുഭാവോ, മനുസ്സഭൂതോ കിമകാസി പുഞ്ഞം;
‘‘Deviddhipattosi mahānubhāvo, manussabhūto kimakāsi puññaṃ;
കേനാസി ഏവം ജലിതാനുഭാവോ, വണ്ണോ ച തേ സബ്ബദിസാ പഭാസതീ’’തി.
Kenāsi evaṃ jalitānubhāvo, vaṇṇo ca te sabbadisā pabhāsatī’’ti.
൧൧൦൪.
1104.
സോ ദേവപുത്തോ അത്തമനോ…പേ॰… യസ്സ കമ്മസ്സിദം ഫലം.
So devaputto attamano…pe… yassa kammassidaṃ phalaṃ.
൧൧൦൫.
1105.
‘‘അഹം മനുസ്സേസു മനുസ്സഭൂതോ, ദിസ്വാന സമണേ സാധുരൂപേ 1;
‘‘Ahaṃ manussesu manussabhūto, disvāna samaṇe sādhurūpe 2;
സമ്പന്നവിജ്ജാചരണേ യസസ്സീ, ബഹുസ്സുതേ സീലവന്തേ പസന്നേ 3;
Sampannavijjācaraṇe yasassī, bahussute sīlavante pasanne 4;
അന്നഞ്ച പാനഞ്ച പസന്നചിത്തോ, സക്കച്ച ദാനം വിപുലം അദാസിം.
Annañca pānañca pasannacitto, sakkacca dānaṃ vipulaṃ adāsiṃ.
൧൧൦൬.
1106.
‘‘തേന മേതാദിസോ വണ്ണോ…പേ॰…വണ്ണോ ച മേ സബ്ബദിസാ പഭാസതീ’’തി.
‘‘Tena metādiso vaṇṇo…pe…vaṇṇo ca me sabbadisā pabhāsatī’’ti.
ദുതിയകുണ്ഡലീവിമാനം നവമം.
Dutiyakuṇḍalīvimānaṃ navamaṃ.
Footnotes:
Related texts:
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / ഖുദ്ദകനികായ (അട്ഠകഥാ) • Khuddakanikāya (aṭṭhakathā) / വിമാനവത്ഥു-അട്ഠകഥാ • Vimānavatthu-aṭṭhakathā / ൯. ദുതിയകുണ്ഡലീവിമാനവണ്ണനാ • 9. Dutiyakuṇḍalīvimānavaṇṇanā
