| Library / Tipiṭaka / д̇ибидага • Tipiṭaka / т̇зраг̇аат̇аа-адтагат̇аа • Theragāthā-aṭṭhakathā |
7. д̣̇уд̇ияагудивихаарид̇т̇зраг̇аат̇ааван̣н̣анаа
7. Dutiyakuṭivihārittheragāthāvaṇṇanā
аяамааху бураан̣ияаад̇и ааяасмад̇о гудивихаарид̇т̇зрасса г̇аат̇аа. гаа уббад̇д̇и? со гира бад̣̇умуд̇д̇арасса бхаг̇авад̇о басаннамаанасо барил̣аахагаалз нал̣авилийвзхи виражид̇ам̣ б̣ийж̇аним̣ ад̣̇ааси. д̇ам̣ сад̇т̇аа анумод̣̇анаг̇аат̇ааяа самбахам̣сзси. сзсам̣ яад̣̇зд̇т̇а вад̇д̇аб̣б̣ам̣, д̇ам̣ ан̃ж̇анаванияад̇т̇зравад̇т̇умхи вуд̇д̇асад̣̇исамзва. аяам̣ бана висзсо – аяам̣ гира вуд̇д̇анаязна баб̣б̣аж̇ид̇ваа ан̃н̃ад̇арааяа бураан̣агудигааяа вихаранд̇о саман̣ад̇хаммам̣ ажинд̇зд̇ваа, ‘‘аяам̣ гудигаа ж̇ин̣н̣аа, ан̃н̃ам̣ гудигам̣ гаад̇ум̣ ваддад̇ий’’д̇и навагаммавасзна жид̇д̇ам̣ уббаад̣̇зси. д̇асса ад̇т̇агаамаа д̣̇звад̇аа сам̣взг̇аж̇ананад̇т̇ам̣ имам̣ уд̇д̇аанобхаасам̣ г̇амбхийрад̇т̇ам̣ ‘‘аяамааху’’д̇и г̇аат̇амааха.
Ayamāhupurāṇiyāti āyasmato kuṭivihārittherassa gāthā. Kā uppatti? So kira padumuttarassa bhagavato pasannamānaso pariḷāhakāle naḷavilīvehi viracitaṃ bījaniṃ adāsi. Taṃ satthā anumodanagāthāya sampahaṃsesi. Sesaṃ yadettha vattabbaṃ, taṃ añjanavaniyattheravatthumhi vuttasadisameva. Ayaṃ pana viseso – ayaṃ kira vuttanayena pabbajitvā aññatarāya purāṇakuṭikāya viharanto samaṇadhammaṃ acintetvā, ‘‘ayaṃ kuṭikā jiṇṇā, aññaṃ kuṭikaṃ kātuṃ vaṭṭatī’’ti navakammavasena cittaṃ uppādesi. Tassa atthakāmā devatā saṃvegajananatthaṃ imaṃ uttānobhāsaṃ gambhīratthaṃ ‘‘ayamāhu’’ti gāthamāha.
57. д̇ад̇т̇а аяанд̇и аасаннабажжагкаважанам̣. аахууд̇и ахосийд̇и ад̇т̇о. г̇аат̇аасукад̇т̇ан̃хи д̣̇ийгхам̣ гад̇ваа вуд̇д̇ам̣. бураан̣ияаад̇и бураад̇аний ад̣̇д̇хаг̇ад̇аа. ан̃н̃ам̣ бад̇т̇аяасз навам̣ гудинд̇и имиссаа гудияаа бураан̣абхаавзна ж̇ин̣н̣ад̇ааяа ид̇о ан̃н̃ам̣ ид̣̇аани ниб̣б̣ад̇д̇анийяад̇ааяа навам̣ гудим̣ бад̇т̇аяасз бад̇т̇зси аасийсаси. саб̣б̣зна саб̣б̣ам̣ бана аасам̣ гудияаа вирааж̇аяа бураан̣ияам̣ вияа навааяамби гудияам̣ аасам̣ д̇ан̣хам̣ абзгкам̣ вирааж̇зхи, саб̣б̣асо д̇ад̇т̇а вирад̇д̇ажид̇д̇о хохи. гасмаа? яасмаа д̣̇угкаа бхигку буна наваа наама гуди бхигку буна ид̣̇аани ниб̣б̣ад̇д̇ияамаанаа д̣̇угкаавахад̇д̇аа д̣̇угкаа, д̇асмаа ан̃н̃ам̣ навам̣ д̣̇угкам̣ ануббаад̣̇знд̇о яат̇ааниб̣б̣ад̇д̇ааяам̣ бураан̣ияам̣язва гудияам̣ тад̇ваа ад̇д̇анаа гад̇аб̣б̣ам̣ гарохийд̇и. аяан̃хзд̇т̇а ад̇хиббааяо – д̇вам̣, бхигку, ‘‘аяам̣ бураан̣ий д̇ин̣агудигаа ж̇ин̣н̣аа’’д̇и ан̃н̃ам̣ навам̣ д̇ин̣агудигам̣ гаад̇ум̣ ижчаси, на саман̣ад̇хаммам̣, звам̣ ижчанд̇о бана бхааванааяа анануяун̃ж̇анзна бунаб̣бхаваабхиниб̣б̣ад̇д̇ияаа анад̇ивад̇д̇анад̇о ааяад̇им̣ ад̇д̇абхаавагудимби бад̇т̇знд̇о гаад̇ум̣ ижчанд̇оязва наама ход̇и. саа бана наваа д̇ин̣агуди вияа гаран̣ад̣̇угкзна д̇ад̇о бхияяоби ж̇араамаран̣асогабарид̣̇зваад̣̇ид̣̇угкасам̣садтад̇ааяа д̣̇угкаа, д̇асмаа д̇ин̣агудияам̣ вияа ад̇д̇абхаавагудияам̣ аасам̣ абзгкам̣ вирааж̇аяа саб̣б̣асо д̇ад̇т̇а вирад̇д̇ажид̇д̇о хохи, звам̣ д̇з ваддад̣̇угкам̣ на бхависсад̇ийд̇и. д̣̇звад̇ааяа жа важанам̣ суд̇ваа т̇зро сам̣взг̇аж̇аад̇о вибассанам̣ бадтабзд̇ваа гхадзнд̇о вааяаманд̇о нажирассзва арахад̇д̇з бад̇идтааси. д̇зна вуд̇д̇ам̣ абад̣̇аанз (аба. т̇зра 1.11.36-46) –
57. Tattha ayanti āsannapaccakkhavacanaṃ. Āhūti ahosīti attho. Gāthāsukhatthañhi dīghaṃ katvā vuttaṃ. Purāṇiyāti purātanī addhagatā. Aññaṃ patthayase navaṃ kuṭinti imissā kuṭiyā purāṇabhāvena jiṇṇatāya ito aññaṃ idāni nibbattanīyatāya navaṃ kuṭiṃ patthayase patthesi āsīsasi. Sabbena sabbaṃ pana āsaṃ kuṭiyā virājaya purāṇiyaṃ viya navāyampi kuṭiyaṃ āsaṃ taṇhaṃ apekkhaṃ virājehi, sabbaso tattha virattacitto hohi. Kasmā? Yasmā dukkhā bhikkhu puna navā nāma kuṭi bhikkhu puna idāni nibbattiyamānā dukkhāvahattā dukkhā, tasmā aññaṃ navaṃ dukkhaṃ anuppādento yathānibbattāyaṃ purāṇiyaṃyeva kuṭiyaṃ ṭhatvā attanā katabbaṃ karohīti. Ayañhettha adhippāyo – tvaṃ, bhikkhu, ‘‘ayaṃ purāṇī tiṇakuṭikā jiṇṇā’’ti aññaṃ navaṃ tiṇakuṭikaṃ kātuṃ icchasi, na samaṇadhammaṃ, evaṃ icchanto pana bhāvanāya ananuyuñjanena punabbhavābhinibbattiyā anativattanato āyatiṃ attabhāvakuṭimpi patthento kātuṃ icchantoyeva nāma hoti. Sā pana navā tiṇakuṭi viya karaṇadukkhena tato bhiyyopi jarāmaraṇasokaparidevādidukkhasaṃsaṭṭhatāya dukkhā, tasmā tiṇakuṭiyaṃ viya attabhāvakuṭiyaṃ āsaṃ apekkhaṃ virājaya sabbaso tattha virattacitto hohi, evaṃ te vaṭṭadukkhaṃ na bhavissatīti. Devatāya ca vacanaṃ sutvā thero saṃvegajāto vipassanaṃ paṭṭhapetvā ghaṭento vāyamanto nacirasseva arahatte patiṭṭhāsi. Tena vuttaṃ apadāne (apa. thera 1.11.36-46) –
‘‘бад̣̇умуд̇д̇араб̣уд̣̇д̇хасса , логаж̇здтасса д̇аад̣̇ино;
‘‘Padumuttarabuddhassa , lokajeṭṭhassa tādino;
д̇ин̣ад̇т̇арз нисиннасса, убасанд̇асса д̇аад̣̇ино.
Tiṇatthare nisinnassa, upasantassa tādino.
‘‘нал̣амаалам̣ г̇ахзд̇ваана, б̣анд̇хид̇ваа б̣ийж̇аним̣ ахам̣;
‘‘Naḷamālaṃ gahetvāna, bandhitvā bījaniṃ ahaṃ;
б̣уд̣̇д̇хасса убанаамзсим̣, д̣̇вибад̣̇инд̣̇асса д̇аад̣̇ино.
Buddhassa upanāmesiṃ, dvipadindassa tādino.
‘‘бадиг̇г̇ахзд̇ваа саб̣б̣ан̃н̃уу, б̣ийж̇аним̣ логанааяаго;
‘‘Paṭiggahetvā sabbaññū, bījaniṃ lokanāyako;
мама сан̇габбаман̃н̃ааяа, имам̣ г̇аат̇ам̣ абхаасат̇а.
Mama saṅkappamaññāya, imaṃ gāthaṃ abhāsatha.
‘‘яат̇аа мз гааяо ниб̣б̣аад̇и, барил̣аахо на виж̇ж̇ад̇и;
‘‘Yathā me kāyo nibbāti, pariḷāho na vijjati;
д̇ат̇зва д̇ивид̇хаг̇г̇ийхи, жид̇д̇ам̣ д̇ава вимужжад̇у.
Tatheva tividhaggīhi, cittaṃ tava vimuccatu.
‘‘саб̣б̣з д̣̇зваа самааг̇ажчум̣, яз гзжи вананиссид̇аа;
‘‘Sabbe devā samāgacchuṃ, ye keci vananissitā;
соссаама б̣уд̣̇д̇хаважанам̣, хаасаяанд̇ан̃жа д̣̇ааяагам̣.
Sossāma buddhavacanaṃ, hāsayantañca dāyakaṃ.
‘‘нисинно бхаг̇аваа д̇ад̇т̇а, д̣̇звасан̇гхабурагкад̇о;
‘‘Nisinno bhagavā tattha, devasaṅghapurakkhato;
д̣̇ааяагам̣ самбахам̣сзнд̇о, имаа г̇аат̇аа абхаасат̇а.
Dāyakaṃ sampahaṃsento, imā gāthā abhāsatha.
‘‘иминаа б̣ийж̇анид̣̇аанзна, жид̇д̇асса бан̣ид̇хийхи жа;
‘‘Iminā bījanidānena, cittassa paṇidhīhi ca;
суб̣б̣ад̇о наама наамзна, жаггавад̇д̇ий бхависсад̇и.
Subbato nāma nāmena, cakkavattī bhavissati.
‘‘д̇зна гаммаавасзсзна, суггамуулзна жод̣̇ид̇о;
‘‘Tena kammāvasesena, sukkamūlena codito;
маалуд̇о наама наамзна, жаггавад̇д̇ий бхависсад̇и.
Māluto nāma nāmena, cakkavattī bhavissati.
‘‘иминаа б̣ийж̇анид̣̇аанзна, саммаанавибулзна жа;
‘‘Iminā bījanidānena, sammānavipulena ca;
габбасад̇асахассамби, д̣̇уг̇г̇ад̇им̣ нубабаж̇ж̇ад̇и.
Kappasatasahassampi, duggatiṃ nupapajjati.
‘‘д̇им̣сагаббасахассамхи, суб̣б̣ад̇аа адтад̇им̣са д̇з;
‘‘Tiṃsakappasahassamhi, subbatā aṭṭhatiṃsa te;
згуунад̇им̣сасахассз, адта маалуд̇анаамагаа.
Ekūnatiṃsasahasse, aṭṭha mālutanāmakā.
‘‘гилзсаа жхаабид̇аа маяхам̣…бз… гад̇ам̣ б̣уд̣̇д̇хасса саасана’’нд̇и.
‘‘Kilesā jhāpitā mayhaṃ…pe… kataṃ buddhassa sāsana’’nti.
арахад̇д̇з бана бад̇идтид̇о ‘‘аяам̣ мз арахад̇д̇аббад̇д̇ияаа ан̇гусабхууд̇аа’’д̇и д̇амзва г̇аат̇ам̣ бажжуд̣̇аахааси. сааязва жа т̇зрасса ан̃н̃ааб̣яаагаран̣аг̇аат̇аа ахоси. гудиоваад̣̇зна лад̣̇д̇хависзсад̇д̇аа жасса гудивихаарийд̇взва саман̃н̃аа ахосийд̇и.
Arahatte pana patiṭṭhito ‘‘ayaṃ me arahattappattiyā aṅkusabhūtā’’ti tameva gāthaṃ paccudāhāsi. Sāyeva ca therassa aññābyākaraṇagāthā ahosi. Kuṭiovādena laddhavisesattā cassa kuṭivihārītveva samaññā ahosīti.
д̣̇уд̇ияагудивихаарид̇т̇зраг̇аат̇ааван̣н̣анаа нидтид̇аа.
Dutiyakuṭivihārittheragāthāvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / т̇зраг̇аат̇аабаал̣и • Theragāthāpāḷi / 7. д̣̇уд̇ияагудивихаарид̇т̇зраг̇аат̇аа • 7. Dutiyakuṭivihārittheragāthā
