| Library / Tipiṭaka / ติปิฎก • Tipiṭaka / อุทานปาฬิ • Udānapāḷi |
๒. ทุติยลกุณฺฑกภทฺทิยสุตฺตํ
2. Dutiyalakuṇḍakabhaddiyasuttaṃ
๖๒. เอวํ เม สุตํ – เอกํ สมยํ ภควา สาวตฺถิยํ วิหรติ เชตวเน อนาถปิณฺฑิกสฺส อาราเมฯ เตน โข ปน สมเยน อายสฺมา สาริปุโตฺต อายสฺมนฺตํ ลกุณฺฑกภทฺทิยํ เสขํ 1 มญฺญมาโน ภิโยฺยโสมตฺตาย อเนกปริยาเยน ธมฺมิยา กถาย สนฺทเสฺสติ สมาทเปติ สมุเตฺตเชติ สมฺปหํเสติฯ
62. Evaṃ me sutaṃ – ekaṃ samayaṃ bhagavā sāvatthiyaṃ viharati jetavane anāthapiṇḍikassa ārāme. Tena kho pana samayena āyasmā sāriputto āyasmantaṃ lakuṇḍakabhaddiyaṃ sekhaṃ 2 maññamāno bhiyyosomattāya anekapariyāyena dhammiyā kathāya sandasseti samādapeti samuttejeti sampahaṃseti.
อทฺทสา โข ภควา อายสฺมนฺตํ สาริปุตฺตํ อายสฺมนฺตํ ลกุณฺฑกภทฺทิยํ เสขํ มญฺญมานํ ภิโยฺยโสมตฺตาย อเนกปริยาเยน ธมฺมิยา กถาย สนฺทเสฺสนฺตํ สมาทเปนฺตํ สมุเตฺตเชนฺตํ สมฺปหํเสนฺตํฯ
Addasā kho bhagavā āyasmantaṃ sāriputtaṃ āyasmantaṃ lakuṇḍakabhaddiyaṃ sekhaṃ maññamānaṃ bhiyyosomattāya anekapariyāyena dhammiyā kathāya sandassentaṃ samādapentaṃ samuttejentaṃ sampahaṃsentaṃ.
อถ โข ภควา เอตมตฺถํ วิทิตฺวา ตายํ เวลายํ อิมํ อุทานํ อุทาเนสิ –
Atha kho bhagavā etamatthaṃ viditvā tāyaṃ velāyaṃ imaṃ udānaṃ udānesi –
‘‘อเจฺฉจฺฉิ 3 วฎฺฎํ พฺยคา นิราสํ, วิสุกฺขา สริตา น สนฺทติ;
‘‘Acchecchi 4 vaṭṭaṃ byagā nirāsaṃ, visukkhā saritā na sandati;
ฉินฺนํ วฎฺฎํ น วตฺตติ, เอเสวโนฺต ทุกฺขสฺสา’’ติฯ ทุติยํ;
Chinnaṃ vaṭṭaṃ na vattati, esevanto dukkhassā’’ti. dutiyaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / ขุทฺทกนิกาย (อฎฺฐกถา) • Khuddakanikāya (aṭṭhakathā) / อุทาน-อฎฺฐกถา • Udāna-aṭṭhakathā / ๒. ทุติยลกุณฺฑกภทฺทิยสุตฺตวณฺณนา • 2. Dutiyalakuṇḍakabhaddiyasuttavaṇṇanā
