| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
6. д̣̇уд̇ияалогад̇хаммасуд̇д̇ам̣
6. Dutiyalokadhammasuttaṃ
6. ‘‘адтимз, бхигкавз, логад̇хаммаа логам̣ анубаривад̇д̇анд̇и, лого жа адта логад̇хаммз анубаривад̇д̇ад̇и. гад̇амз адта? лаабхо жа, алаабхо жа, яасо жа, аяасо жа, нинд̣̇аа жа, басам̣саа жа, сукан̃жа, д̣̇угкан̃жа. имз ко, бхигкавз, адта логад̇хаммаа логам̣ анубаривад̇д̇анд̇и, лого жа имз адта логад̇хаммз анубаривад̇д̇ад̇и.
6. ‘‘Aṭṭhime, bhikkhave, lokadhammā lokaṃ anuparivattanti, loko ca aṭṭha lokadhamme anuparivattati. Katame aṭṭha? Lābho ca, alābho ca, yaso ca, ayaso ca, nindā ca, pasaṃsā ca, sukhañca, dukkhañca. Ime kho, bhikkhave, aṭṭha lokadhammā lokaṃ anuparivattanti, loko ca ime aṭṭha lokadhamme anuparivattati.
‘‘ассуд̇авад̇о, бхигкавз, бут̇уж̇ж̇анасса уббаж̇ж̇ад̇и лаабхоби алаабхоби яасоби аяасоби нинд̣̇ааби басам̣сааби сукамби д̣̇угкамби. суд̇авад̇оби, бхигкавз, арияасаавагасса уббаж̇ж̇ад̇и лаабхоби алаабхоби яасоби аяасоби нинд̣̇ааби басам̣сааби сукамби д̣̇угкамби. д̇ад̇ра, бхигкавз, го висзсо го ад̇хиббаяаасо 1 гим̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзнаа’’д̇и? ‘‘бхаг̇авам̣муулагаа но, бханд̇з, д̇хаммаа бхаг̇авам̣нзд̇д̇игаа бхаг̇авам̣бадисаран̣аа. саад̇ху вад̇а, бханд̇з, бхаг̇аванд̇ам̣язва бадибхаад̇у зд̇асса бхаасид̇асса ад̇т̇о. бхаг̇авад̇о суд̇ваа бхигкуу д̇хаарзссанд̇ий’’д̇и.
‘‘Assutavato, bhikkhave, puthujjanassa uppajjati lābhopi alābhopi yasopi ayasopi nindāpi pasaṃsāpi sukhampi dukkhampi. Sutavatopi, bhikkhave, ariyasāvakassa uppajjati lābhopi alābhopi yasopi ayasopi nindāpi pasaṃsāpi sukhampi dukkhampi. Tatra, bhikkhave, ko viseso ko adhippayāso 2 kiṃ nānākaraṇaṃ sutavato ariyasāvakassa assutavatā puthujjanenā’’ti? ‘‘Bhagavaṃmūlakā no, bhante, dhammā bhagavaṃnettikā bhagavaṃpaṭisaraṇā. Sādhu vata, bhante, bhagavantaṃyeva paṭibhātu etassa bhāsitassa attho. Bhagavato sutvā bhikkhū dhāressantī’’ti.
‘‘д̇зна хи, бхигкавз, сун̣аат̇а, саад̇хугам̣ манаси гарот̇а; бхаасиссаамий’’д̇и. ‘‘звам̣, бханд̇з’’д̇и ко д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа – ‘‘ассуд̇авад̇о, бхигкавз, бут̇уж̇ж̇анасса уббаж̇ж̇ад̇и лаабхо. со на ид̇и бадисан̃жигкад̇и – ‘уббанно ко мз аяам̣ лаабхо; со жа ко анижжо д̣̇угко вибарин̣аамад̇хаммо’д̇и яат̇аабхууд̇ам̣ наббаж̇аанаад̇и. уббаж̇ж̇ад̇и алаабхо…бз… уббаж̇ж̇ад̇и яасо… уббаж̇ж̇ад̇и аяасо… уббаж̇ж̇ад̇и нинд̣̇аа… уббаж̇ж̇ад̇и басам̣саа… уббаж̇ж̇ад̇и сукам̣… уббаж̇ж̇ад̇и д̣̇угкам̣. со на ид̇и бадисан̃жигкад̇и – ‘уббаннам̣ ко мз ид̣̇ам̣ д̣̇угкам̣; д̇ан̃жа ко анижжам̣ д̣̇угкам̣ вибарин̣аамад̇хамма’нд̇и яат̇аабхууд̇ам̣ наббаж̇аанаад̇и’’.
‘‘Tena hi, bhikkhave, suṇātha, sādhukaṃ manasi karotha; bhāsissāmī’’ti. ‘‘Evaṃ, bhante’’ti kho te bhikkhū bhagavato paccassosuṃ. Bhagavā etadavoca – ‘‘assutavato, bhikkhave, puthujjanassa uppajjati lābho. So na iti paṭisañcikkhati – ‘uppanno kho me ayaṃ lābho; so ca kho anicco dukkho vipariṇāmadhammo’ti yathābhūtaṃ nappajānāti. Uppajjati alābho…pe… uppajjati yaso… uppajjati ayaso… uppajjati nindā… uppajjati pasaṃsā… uppajjati sukhaṃ… uppajjati dukkhaṃ. So na iti paṭisañcikkhati – ‘uppannaṃ kho me idaṃ dukkhaṃ; tañca kho aniccaṃ dukkhaṃ vipariṇāmadhamma’nti yathābhūtaṃ nappajānāti’’.
‘‘д̇асса лаабхоби жид̇д̇ам̣ барияаад̣̇ааяа д̇идтад̇и, алаабхоби жид̇д̇ам̣ барияаад̣̇ааяа д̇идтад̇и, яасоби жид̇д̇ам̣ барияаад̣̇ааяа д̇идтад̇и, аяасоби жид̇д̇ам̣ барияаад̣̇ааяа д̇идтад̇и, нинд̣̇ааби жид̇д̇ам̣ барияаад̣̇ааяа д̇идтад̇и, басам̣сааби жид̇д̇ам̣ барияаад̣̇ааяа д̇идтад̇и, сукамби жид̇д̇ам̣ барияаад̣̇ааяа д̇идтад̇и, д̣̇угкамби жид̇д̇ам̣ барияаад̣̇ааяа д̇идтад̇и. со уббаннам̣ лаабхам̣ ануруж̇жхад̇и, алаабхз бадивируж̇жхад̇и; уббаннам̣ яасам̣ ануруж̇жхад̇и, аяасз бадивируж̇жхад̇и; уббаннам̣ басам̣сам̣ ануруж̇жхад̇и, нинд̣̇ааяа бадивируж̇жхад̇и; уббаннам̣ сукам̣ ануруж̇жхад̇и, д̣̇угкз бадивируж̇жхад̇и. со звам̣ анурод̇хавирод̇хасамаабанно на баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘на баримужжад̇и д̣̇угкасмаа’д̇и вад̣̇аами’’.
‘‘Tassa lābhopi cittaṃ pariyādāya tiṭṭhati, alābhopi cittaṃ pariyādāya tiṭṭhati, yasopi cittaṃ pariyādāya tiṭṭhati, ayasopi cittaṃ pariyādāya tiṭṭhati, nindāpi cittaṃ pariyādāya tiṭṭhati, pasaṃsāpi cittaṃ pariyādāya tiṭṭhati, sukhampi cittaṃ pariyādāya tiṭṭhati, dukkhampi cittaṃ pariyādāya tiṭṭhati. So uppannaṃ lābhaṃ anurujjhati, alābhe paṭivirujjhati; uppannaṃ yasaṃ anurujjhati, ayase paṭivirujjhati; uppannaṃ pasaṃsaṃ anurujjhati, nindāya paṭivirujjhati; uppannaṃ sukhaṃ anurujjhati, dukkhe paṭivirujjhati. So evaṃ anurodhavirodhasamāpanno na parimuccati jātiyā jarāya maraṇena sokehi paridevehi dukkhehi domanassehi upāyāsehi. ‘Na parimuccati dukkhasmā’ti vadāmi’’.
‘‘суд̇авад̇о жа ко, бхигкавз, арияасаавагасса уббаж̇ж̇ад̇и лаабхо. со ид̇и бадисан̃жигкад̇и – ‘уббанно ко мз аяам̣ лаабхо; со жа ко анижжо д̣̇угко вибарин̣аамад̇хаммо’д̇и яат̇аабхууд̇ам̣ баж̇аанаад̇и. уббаж̇ж̇ад̇и алаабхо…бз… уббаж̇ж̇ад̇и яасо… уббаж̇ж̇ад̇и аяасо… уббаж̇ж̇ад̇и нинд̣̇аа… уббаж̇ж̇ад̇и басам̣саа… уббаж̇ж̇ад̇и сукам̣… уббаж̇ж̇ад̇и д̣̇угкам̣. со ид̇и бадисан̃жигкад̇и – ‘уббаннам̣ ко мз ид̣̇ам̣ д̣̇угкам̣; д̇ан̃жа ко анижжам̣ д̣̇угкам̣ вибарин̣аамад̇хамма’нд̇и яат̇аабхууд̇ам̣ баж̇аанаад̇и’’.
‘‘Sutavato ca kho, bhikkhave, ariyasāvakassa uppajjati lābho. So iti paṭisañcikkhati – ‘uppanno kho me ayaṃ lābho; so ca kho anicco dukkho vipariṇāmadhammo’ti yathābhūtaṃ pajānāti. Uppajjati alābho…pe… uppajjati yaso… uppajjati ayaso… uppajjati nindā… uppajjati pasaṃsā… uppajjati sukhaṃ… uppajjati dukkhaṃ. So iti paṭisañcikkhati – ‘uppannaṃ kho me idaṃ dukkhaṃ; tañca kho aniccaṃ dukkhaṃ vipariṇāmadhamma’nti yathābhūtaṃ pajānāti’’.
‘‘д̇асса лаабхоби жид̇д̇ам̣ на барияаад̣̇ааяа д̇идтад̇и, алаабхоби жид̇д̇ам̣ на барияаад̣̇ааяа д̇идтад̇и, яасоби жид̇д̇ам̣ на барияаад̣̇ааяа д̇идтад̇и, аяасоби жид̇д̇ам̣ на барияаад̣̇ааяа д̇идтад̇и, нинд̣̇ааби жид̇д̇ам̣ на барияаад̣̇ааяа д̇идтад̇и, басам̣сааби жид̇д̇ам̣ на барияаад̣̇ааяа д̇идтад̇и, сукамби жид̇д̇ам̣ на барияаад̣̇ааяа д̇идтад̇и, д̣̇угкамби жид̇д̇ам̣ на барияаад̣̇ааяа д̇идтад̇и. со уббаннам̣ лаабхам̣ наануруж̇жхад̇и, алаабхз наббадивируж̇жхад̇и; уббаннам̣ яасам̣ наануруж̇жхад̇и, аяасз наббадивируж̇жхад̇и; уббаннам̣ басам̣сам̣ наануруж̇жхад̇и, нинд̣̇ааяа наббадивируж̇жхад̇и; уббаннам̣ сукам̣ наануруж̇жхад̇и, д̣̇угкз наббадивируж̇жхад̇и. со звам̣ анурод̇хавирод̇хавиббахийно баримужжад̇и ж̇аад̇ияаа ж̇арааяа маран̣зна согзхи барид̣̇звзхи д̣̇угкзхи д̣̇оманассзхи убааяаасзхи. ‘баримужжад̇и д̣̇угкасмаа’д̇и вад̣̇аами. аяам̣ ко, бхигкавз, висзсо аяам̣ ад̇хиббаяаасо ид̣̇ам̣ наанаагаран̣ам̣ суд̇авад̇о арияасаавагасса ассуд̇авад̇аа бут̇уж̇ж̇анзнаа’’д̇и.
‘‘Tassa lābhopi cittaṃ na pariyādāya tiṭṭhati, alābhopi cittaṃ na pariyādāya tiṭṭhati, yasopi cittaṃ na pariyādāya tiṭṭhati, ayasopi cittaṃ na pariyādāya tiṭṭhati, nindāpi cittaṃ na pariyādāya tiṭṭhati, pasaṃsāpi cittaṃ na pariyādāya tiṭṭhati, sukhampi cittaṃ na pariyādāya tiṭṭhati, dukkhampi cittaṃ na pariyādāya tiṭṭhati. So uppannaṃ lābhaṃ nānurujjhati, alābhe nappaṭivirujjhati; uppannaṃ yasaṃ nānurujjhati, ayase nappaṭivirujjhati; uppannaṃ pasaṃsaṃ nānurujjhati, nindāya nappaṭivirujjhati; uppannaṃ sukhaṃ nānurujjhati, dukkhe nappaṭivirujjhati. So evaṃ anurodhavirodhavippahīno parimuccati jātiyā jarāya maraṇena sokehi paridevehi dukkhehi domanassehi upāyāsehi. ‘Parimuccati dukkhasmā’ti vadāmi. Ayaṃ kho, bhikkhave, viseso ayaṃ adhippayāso idaṃ nānākaraṇaṃ sutavato ariyasāvakassa assutavatā puthujjanenā’’ti.
‘‘лаабхо алаабхо жа яасааяасо жа,
‘‘Lābho alābho ca yasāyaso ca,
нинд̣̇аа басам̣саа жа сукам̣ д̣̇укан̃жа;
Nindā pasaṃsā ca sukhaṃ dukhañca;
зд̇з анижжаа мануж̇зсу д̇хаммаа,
Ete aniccā manujesu dhammā,
асассад̇аа вибарин̣аамад̇хаммаа.
Asassatā vipariṇāmadhammā.
‘‘зд̇з жа н̃ад̇ваа сад̇имаа сумзд̇хо,
‘‘Ete ca ñatvā satimā sumedho,
авзгкад̇и вибарин̣аамад̇хаммз;
Avekkhati vipariṇāmadhamme;
идтасса д̇хаммаа на мат̇знд̇и жид̇д̇ам̣,
Iṭṭhassa dhammā na mathenti cittaṃ,
анидтад̇о но бадигхаад̇амзд̇и.
Aniṭṭhato no paṭighātameti.
‘‘д̇ассаанурод̇хаа ат̇а ваа вирод̇хаа,
‘‘Tassānurodhā atha vā virodhā,
вид̇хуубид̇аа ад̇т̇ан̇г̇ад̇аа на санд̇и;
Vidhūpitā atthaṅgatā na santi;
бад̣̇ан̃жа н̃ад̇ваа вираж̇ам̣ асогам̣,
Padañca ñatvā virajaṃ asokaṃ,
саммаббаж̇аанаад̇и бхавасса баараг̇уу’’д̇и. чадтам̣;
Sammappajānāti bhavassa pāragū’’ti. chaṭṭhaṃ;
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 6. д̣̇уд̇ияалогад̇хаммасуд̇д̇аван̣н̣анаа • 6. Dutiyalokadhammasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 6-8. д̣̇уд̇ияалогад̇хаммасуд̇д̇аад̣̇иван̣н̣анаа • 6-8. Dutiyalokadhammasuttādivaṇṇanā
