| Library / Tipiṭaka / তিপিটক • Tipiṭaka / অঙ্গুত্তরনিকায • Aṅguttaranikāya |
১০. দুতিযমচ্ছরিযসুত্তং
10. Dutiyamacchariyasuttaṃ
২৪০. ‘‘পঞ্চহি, ভিক্খৰে, ধম্মেহি সমন্নাগতো আৰাসিকো ভিক্খু যথাভতং নিক্খিত্তো এৰং নিরযে। কতমেহি পঞ্চহি? আৰাসমচ্ছরী হোতি; কুলমচ্ছরী হোতি; লাভমচ্ছরী হোতি; ৰণ্ণমচ্ছরী হোতি; ধম্মমচ্ছরী হোতি। ইমেহি খো, ভিক্খৰে, পঞ্চহি ধম্মেহি সমন্নাগতো আৰাসিকো ভিক্খু যথাভতং নিক্খিত্তো এৰং নিরযে।
240. ‘‘Pañcahi, bhikkhave, dhammehi samannāgato āvāsiko bhikkhu yathābhataṃ nikkhitto evaṃ niraye. Katamehi pañcahi? Āvāsamaccharī hoti; kulamaccharī hoti; lābhamaccharī hoti; vaṇṇamaccharī hoti; dhammamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ niraye.
‘‘পঞ্চহি , ভিক্খৰে, ধম্মেহি সমন্নাগতো আৰাসিকো ভিক্খু যথাভতং নিক্খিত্তো এৰং সগ্গে। কতমেহি পঞ্চহি? ন আৰাসমচ্ছরী হোতি; ন কুলমচ্ছরী হোতি; ন লাভমচ্ছরী হোতি; ন ৰণ্ণমচ্ছরী হোতি; ন ধম্মমচ্ছরী হোতি। ইমেহি খো, ভিক্খৰে, পঞ্চহি ধম্মেহি সমন্নাগতো আৰাসিকো ভিক্খু যথাভতং নিক্খিত্তো এৰং সগ্গে’’তি। দসমং।
‘‘Pañcahi , bhikkhave, dhammehi samannāgato āvāsiko bhikkhu yathābhataṃ nikkhitto evaṃ sagge. Katamehi pañcahi? Na āvāsamaccharī hoti; na kulamaccharī hoti; na lābhamaccharī hoti; na vaṇṇamaccharī hoti; na dhammamaccharī hoti. Imehi kho, bhikkhave, pañcahi dhammehi samannāgato āvāsiko bhikkhu yathābhataṃ nikkhitto evaṃ sagge’’ti. Dasamaṃ.
আৰাসিকৰগ্গো চতুত্থো।
Āvāsikavaggo catuttho.
তস্সুদ্দানং –
Tassuddānaṃ –
আৰাসিকো পিযো চ সোভনো,
Āvāsiko piyo ca sobhano,
বহূপকারো অনুকম্পকো চ।
Bahūpakāro anukampako ca;
তযো অৰণ্ণারহা চেৰ,
Tayo avaṇṇārahā ceva,
Footnotes:
Related texts:
টীকা • Tīkā / সুত্তপিটক (টীকা) • Suttapiṭaka (ṭīkā) / অঙ্গুত্তরনিকায (টীকা) • Aṅguttaranikāya (ṭīkā) / ১-১০. পঠমদীঘচারিকসুত্তাদিৰণ্ণনা • 1-10. Paṭhamadīghacārikasuttādivaṇṇanā
