| Library / Tipiṭaka / д̇ибидага • Tipiṭaka / д̇хаммасан̇г̇ан̣и-адтагат̇аа • Dhammasaṅgaṇi-aṭṭhakathā |
д̣̇уд̇ияамаг̇г̇о
Dutiyamaggo
361. ид̣̇аани д̣̇уд̇ияамаг̇г̇аад̣̇ийнам̣ д̣̇ассанад̇т̇ам̣ буна гад̇амз д̇хаммаа гусалаад̇иаад̣̇и аарад̣̇д̇хам̣. д̇ад̇т̇а гаамарааг̇аб̣яаабаад̣̇аанам̣ д̇анубхаавааяаад̇и зд̇зсам̣ гилзсаанам̣ д̇анубхаавад̇т̇ааяа. д̇ад̇т̇а д̣̇вийхи гааран̣зхи д̇анубхааво взд̣̇ид̇аб̣б̣о – ад̇хижжуббад̇д̇ияаа жа барияудтаанаманд̣̇ад̇ааяа жа. сагад̣̇ааг̇аамисса хи, ваддаанусааримахааж̇анассзва, гилзсаа абхин̣хам̣ нуббаж̇ж̇анд̇и, гад̣̇аажи гад̣̇аажи уббаж̇ж̇анд̇и; уббаж̇ж̇анд̇ааби вирал̣аагаараа худ̇ваа уббаж̇ж̇анд̇и, вирал̣аваабид̇акзд̇д̇з ан̇гураа вияа. уббаж̇ж̇амаанааби, жа ваддаанусааримахааж̇анассзва, мад̣̇д̣̇анд̇аа паранд̇аа чаад̣̇знд̇аа анд̇хагаарам̣ гаронд̇аа нуббаж̇ж̇анд̇и. д̣̇вийхи бана маг̇г̇зхи бахийнад̇д̇аа манд̣̇аа манд̣̇аа уббаж̇ж̇анд̇и. д̇анугаагаараа худ̇ваа уббаж̇ж̇анд̇и, аб̣бхабадалам̣ вияа магкигаабад̇д̇ам̣ вияа жа.
361. Idāni dutiyamaggādīnaṃ dassanatthaṃ puna katame dhammā kusalātiādi āraddhaṃ. Tattha kāmarāgabyāpādānaṃ tanubhāvāyāti etesaṃ kilesānaṃ tanubhāvatthāya. Tattha dvīhi kāraṇehi tanubhāvo veditabbo – adhiccuppattiyā ca pariyuṭṭhānamandatāya ca. Sakadāgāmissa hi, vaṭṭānusārimahājanasseva, kilesā abhiṇhaṃ nuppajjanti, kadāci kadāci uppajjanti; uppajjantāpi viraḷākārā hutvā uppajjanti, viraḷavāpitakhette aṅkurā viya. Uppajjamānāpi, ca vaṭṭānusārimahājanasseva, maddantā pharantā chādentā andhakāraṃ karontā nuppajjanti. Dvīhi pana maggehi pahīnattā mandā mandā uppajjanti. Tanukākārā hutvā uppajjanti, abbhapaṭalaṃ viya makkhikāpattaṃ viya ca.
д̇ад̇т̇а гзжи т̇зраа вад̣̇анд̇и – ‘сагад̣̇ааг̇аамисса гилзсаа гин̃жааби жирзна уббаж̇ж̇анд̇и, б̣ахалаава бана худ̇ваа уббаж̇ж̇анд̇и, д̇ат̇аа хисса буд̇д̇аа жа д̇хийд̇аро жа д̣̇иссанд̇ий’д̇и. зд̇ам̣ бана аббамаан̣ам̣. буд̇д̇ад̇хийд̇аро хи ан̇г̇абажжан̇г̇абараамасанамад̇д̇знаби хонд̇и. д̣̇вийхи бана маг̇г̇зхи бахийнад̇д̇аа над̇т̇и гилзсаанам̣ б̣ахалад̇аад̇и. д̣̇вийхи зва гааран̣зхисса гилзсаанам̣ д̇анубхааво взд̣̇ид̇аб̣б̣о – ад̇хижжуббад̇д̇ияаа жа барияудтаанаманд̣̇ад̇ааяа жаад̇и.
Tattha keci therā vadanti – ‘sakadāgāmissa kilesā kiñcāpi cirena uppajjanti, bahalāva pana hutvā uppajjanti, tathā hissa puttā ca dhītaro ca dissantī’ti. Etaṃ pana appamāṇaṃ. Puttadhītaro hi aṅgapaccaṅgaparāmasanamattenapi honti. Dvīhi pana maggehi pahīnattā natthi kilesānaṃ bahalatāti. Dvīhi eva kāraṇehissa kilesānaṃ tanubhāvo veditabbo – adhiccuppattiyā ca pariyuṭṭhānamandatāya cāti.
д̣̇уд̇ияааяаад̇и г̇ан̣анавасзнааби д̣̇уд̇ияуббад̇д̇ивасзнааби д̣̇уд̇ияааяа. бхуумияаа бад̇д̇ияаад̇и сааман̃н̃апаласса бадилаабхад̇т̇ааяа. д̇ад̇ияажад̇уд̇т̇зсуби зсзва наяо. висзсамад̇д̇ам̣язва бана вагкаама.
Dutiyāyāti gaṇanavasenāpi dutiyuppattivasenāpi dutiyāya. Bhūmiyā pattiyāti sāmaññaphalassa paṭilābhatthāya. Tatiyacatutthesupi eseva nayo. Visesamattaṃyeva pana vakkhāma.
ан̃н̃инд̣̇рияанд̇и ааж̇аананагам̣ инд̣̇рияам̣. батамамаг̇г̇зна н̃аад̇амарияаад̣̇ам̣ анад̇иггамид̇ваа д̇зсам̣язва д̇зна маг̇г̇зна н̃аад̇аанам̣ жад̇усажжад̇хаммаанам̣ ж̇аананагам̣ инд̣̇рияанд̇и вуд̇д̇ам̣ ход̇и. нид̣̇д̣̇зсаваарзбисса иминаава наязна ад̇т̇о взд̣̇ид̇аб̣б̣о. годтаасаваарзби иминаава сад̣̇д̇хим̣ навинд̣̇рияаани хонд̇и. сзсам̣ буриманаязнзва взд̣̇ид̇аб̣б̣ам̣.
Aññindriyanti ājānanakaṃ indriyaṃ. Paṭhamamaggena ñātamariyādaṃ anatikkamitvā tesaṃyeva tena maggena ñātānaṃ catusaccadhammānaṃ jānanakaṃ indriyanti vuttaṃ hoti. Niddesavārepissa imināva nayena attho veditabbo. Koṭṭhāsavārepi imināva saddhiṃ navindriyāni honti. Sesaṃ purimanayeneva veditabbaṃ.
д̣̇уд̇ияамаг̇г̇о нидтид̇о.
Dutiyamaggo niṭṭhito.
Related texts:
д̇ибидага (муула) • Tipiṭaka (Mūla) / абхид̇хаммабидага • Abhidhammapiṭaka / д̇хаммасан̇г̇ан̣ийбаал̣и • Dhammasaṅgaṇīpāḷi / логуд̇д̇арагусалам̣ • Lokuttarakusalaṃ
дийгаа • Tīkā / абхид̇хаммабидага (дийгаа) • Abhidhammapiṭaka (ṭīkā) / д̇хаммасан̇г̇ан̣ий-мууладийгаа • Dhammasaṅgaṇī-mūlaṭīkā / д̣̇уд̇ияамаг̇г̇аван̣н̣анаа • Dutiyamaggavaṇṇanā
