| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
2. д̣̇уд̇ияамахаанаамасуд̇д̇ам̣
2. Dutiyamahānāmasuttaṃ
12. згам̣ самаяам̣ бхаг̇аваа саггзсу вихарад̇и габилавад̇т̇усмим̣ ниг̇род̇хаараамз. д̇зна ко бана самаязна махаанаамо сагго г̇илаанаа вудтид̇о ход̇и ажиравудтид̇о г̇злан̃н̃аа. д̇зна ко бана самаязна самб̣ахулаа бхигкуу бхаг̇авад̇о жийварагаммам̣ гаронд̇и – ‘‘нидтид̇ажийваро бхаг̇аваа д̇змаасажжаязна жааригам̣ баггамиссад̇ий’’д̇и.
12. Ekaṃ samayaṃ bhagavā sakkesu viharati kapilavatthusmiṃ nigrodhārāme. Tena kho pana samayena mahānāmo sakko gilānā vuṭṭhito hoti aciravuṭṭhito gelaññā. Tena kho pana samayena sambahulā bhikkhū bhagavato cīvarakammaṃ karonti – ‘‘niṭṭhitacīvaro bhagavā temāsaccayena cārikaṃ pakkamissatī’’ti.
ассоси ко махаанаамо сагго – ‘‘самб̣ахулаа гира бхигкуу бхаг̇авад̇о жийварагаммам̣ гаронд̇и – ‘нидтид̇ажийваро бхаг̇аваа д̇змаасажжаязна жааригам̣ баггамиссад̇ий’’’д̇и. ат̇а ко махаанаамо сагго язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇и. згаманд̇ам̣ нисинно ко махаанаамо сагго бхаг̇аванд̇ам̣ зд̇ад̣̇авожа – ‘‘суд̇ам̣ мзд̇ам̣, бханд̇з – ‘самб̣ахулаа гира бхигкуу бхаг̇авад̇о жийварагаммам̣ гаронд̇и – нидтид̇ажийваро бхаг̇аваа д̇змаасажжаязна жааригам̣ баггамиссад̇ий’д̇и. д̇зсам̣ но, бханд̇з, наанаавихаарзхи вихарад̇ам̣ гзнасса вихаарзна вихаад̇аб̣б̣а’’нд̇и?
Assosi kho mahānāmo sakko – ‘‘sambahulā kira bhikkhū bhagavato cīvarakammaṃ karonti – ‘niṭṭhitacīvaro bhagavā temāsaccayena cārikaṃ pakkamissatī’’’ti. Atha kho mahānāmo sakko yena bhagavā tenupasaṅkami; upasaṅkamitvā bhagavantaṃ abhivādetvā ekamantaṃ nisīdi. Ekamantaṃ nisinno kho mahānāmo sakko bhagavantaṃ etadavoca – ‘‘sutaṃ metaṃ, bhante – ‘sambahulā kira bhikkhū bhagavato cīvarakammaṃ karonti – niṭṭhitacīvaro bhagavā temāsaccayena cārikaṃ pakkamissatī’ti. Tesaṃ no, bhante, nānāvihārehi viharataṃ kenassa vihārena vihātabba’’nti?
‘‘саад̇ху саад̇ху, махаанаама! зд̇ам̣ ко, махаанаама, д̇умхаагам̣ бад̇ируубам̣ гулабуд̇д̇аанам̣ яам̣ д̇умхз д̇ат̇ааг̇ад̇ам̣ убасан̇гамид̇ваа бужчзяяаат̇а – ‘д̇зсам̣ но, бханд̇з, наанаавихаарзхи вихарад̇ам̣ гзнасса вихаарзна вихаад̇аб̣б̣а’нд̇и? сад̣̇д̇хо ко, махаанаама, аараад̇хаго ход̇и, но ассад̣̇д̇хо; аарад̣̇д̇хавийрияо аараад̇хаго ход̇и, но гусийд̇о; убадтид̇ассад̇и аараад̇хаго ход̇и, но мудтассад̇и; самаахид̇о аараад̇хаго ход̇и , но асамаахид̇о; бан̃н̃аваа аараад̇хаго ход̇и, но д̣̇уббан̃н̃о. имзсу ко д̇вам̣, махаанаама, бан̃жасу д̇хаммзсу бад̇идтааяа ча д̇хаммз уд̇д̇ари бхаавзяяааси.
‘‘Sādhu sādhu, mahānāma! Etaṃ kho, mahānāma, tumhākaṃ patirūpaṃ kulaputtānaṃ yaṃ tumhe tathāgataṃ upasaṅkamitvā puccheyyātha – ‘tesaṃ no, bhante, nānāvihārehi viharataṃ kenassa vihārena vihātabba’nti? Saddho kho, mahānāma, ārādhako hoti, no assaddho; āraddhavīriyo ārādhako hoti, no kusīto; upaṭṭhitassati ārādhako hoti, no muṭṭhassati; samāhito ārādhako hoti , no asamāhito; paññavā ārādhako hoti, no duppañño. Imesu kho tvaṃ, mahānāma, pañcasu dhammesu patiṭṭhāya cha dhamme uttari bhāveyyāsi.
1 ‘‘ид̇ха д̇вам̣, махаанаама, д̇ат̇ааг̇ад̇ам̣ ануссарзяяааси – ‘ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’д̇и. яасмим̣, махаанаама, самаяз арияасааваго д̇ат̇ааг̇ад̇ам̣ ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и д̇ат̇ааг̇ад̇ам̣ аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. имам̣ ко д̇вам̣, махаанаама, б̣уд̣̇д̇хаануссад̇им̣ г̇ажчанд̇оби бхаавзяяааси, тид̇оби бхаавзяяааси, нисинноби бхаавзяяааси, саяааноби бхаавзяяааси, гамманд̇ам̣ ад̇хидтаханд̇оби бхаавзяяааси, буд̇д̇асамб̣аад̇хасаяанам̣ аж̇жхаавасанд̇оби бхаавзяяааси.
2 ‘‘Idha tvaṃ, mahānāma, tathāgataṃ anussareyyāsi – ‘itipi so bhagavā…pe… satthā devamanussānaṃ buddho bhagavā’ti. Yasmiṃ, mahānāma, samaye ariyasāvako tathāgataṃ anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti tathāgataṃ ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Imaṃ kho tvaṃ, mahānāma, buddhānussatiṃ gacchantopi bhāveyyāsi, ṭhitopi bhāveyyāsi, nisinnopi bhāveyyāsi, sayānopi bhāveyyāsi, kammantaṃ adhiṭṭhahantopi bhāveyyāsi, puttasambādhasayanaṃ ajjhāvasantopi bhāveyyāsi.
‘‘буна жабарам̣ д̇вам̣, махаанаама, д̇хаммам̣ ануссарзяяааси…бз… сан̇гхам̣ ануссарзяяааси…бз… ад̇д̇ано сийлаани ануссарзяяааси…бз… ад̇д̇ано жааг̇ам̣ ануссарзяяааси…бз… д̣̇звад̇аа ануссарзяяааси – ‘санд̇и д̣̇зваа жаад̇умахаарааж̇игаа…бз… санд̇и д̣̇зваа д̇ад̇уд̇д̇ари. яат̇ааруубааяа сад̣̇д̇хааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇уубабаннаа, маяхамби д̇ат̇ааруубаа сад̣̇д̇хаа сам̣виж̇ж̇ад̇и. яат̇ааруубзна сийлзна… суд̇зна… жааг̇зна… бан̃н̃ааяа саманнааг̇ад̇аа д̇аа д̣̇звад̇аа ид̇о жуд̇аа д̇ад̇т̇уубабаннаа , маяхамби д̇ат̇ааруубаа бан̃н̃аа сам̣виж̇ж̇ад̇ий’д̇и. яасмим̣, махаанаама, самаяз арияасааваго ад̇д̇ано жа д̇аасан̃жа д̣̇звад̇аанам̣ сад̣̇д̇хан̃жа сийлан̃жа суд̇ан̃жа жааг̇ан̃жа бан̃н̃ан̃жа ануссарад̇и, нзвасса д̇асмим̣ самаяз рааг̇абарияудтид̇ам̣ жид̇д̇ам̣ ход̇и, на д̣̇осабарияудтид̇ам̣ жид̇д̇ам̣ ход̇и, на мохабарияудтид̇ам̣ жид̇д̇ам̣ ход̇и; уж̇уг̇ад̇амзвасса д̇асмим̣ самаяз жид̇д̇ам̣ ход̇и д̣̇звад̇аа аараб̣бха. уж̇уг̇ад̇ажид̇д̇о ко бана, махаанаама, арияасааваго лабхад̇и ад̇т̇авзд̣̇ам̣, лабхад̇и д̇хаммавзд̣̇ам̣, лабхад̇и д̇хаммуубасам̣хид̇ам̣ баамож̇ж̇ам̣. бамуд̣̇ид̇асса бийд̇и ж̇ааяад̇и, бийд̇иманасса гааяо бассамбхад̇и, бассад̣̇д̇хагааяо сукам̣ взд̣̇ияад̇и, сукино жид̇д̇ам̣ самаад̇хияад̇и. имам̣ ко д̇вам̣, махаанаама, д̣̇звад̇аануссад̇им̣ г̇ажчанд̇оби бхаавзяяааси, тид̇оби бхаавзяяааси, нисинноби бхаавзяяааси, саяааноби бхаавзяяааси, гамманд̇ам̣ ад̇хидтаханд̇оби бхаавзяяааси, буд̇д̇асамб̣аад̇хасаяанам̣ аж̇жхаавасанд̇оби бхаавзяяаасий’’д̇и. д̣̇уд̇ияам̣.
‘‘Puna caparaṃ tvaṃ, mahānāma, dhammaṃ anussareyyāsi…pe… saṅghaṃ anussareyyāsi…pe… attano sīlāni anussareyyāsi…pe… attano cāgaṃ anussareyyāsi…pe… devatā anussareyyāsi – ‘santi devā cātumahārājikā…pe… santi devā tatuttari. Yathārūpāya saddhāya samannāgatā tā devatā ito cutā tatthūpapannā, mayhampi tathārūpā saddhā saṃvijjati. Yathārūpena sīlena… sutena… cāgena… paññāya samannāgatā tā devatā ito cutā tatthūpapannā , mayhampi tathārūpā paññā saṃvijjatī’ti. Yasmiṃ, mahānāma, samaye ariyasāvako attano ca tāsañca devatānaṃ saddhañca sīlañca sutañca cāgañca paññañca anussarati, nevassa tasmiṃ samaye rāgapariyuṭṭhitaṃ cittaṃ hoti, na dosapariyuṭṭhitaṃ cittaṃ hoti, na mohapariyuṭṭhitaṃ cittaṃ hoti; ujugatamevassa tasmiṃ samaye cittaṃ hoti devatā ārabbha. Ujugatacitto kho pana, mahānāma, ariyasāvako labhati atthavedaṃ, labhati dhammavedaṃ, labhati dhammūpasaṃhitaṃ pāmojjaṃ. Pamuditassa pīti jāyati, pītimanassa kāyo passambhati, passaddhakāyo sukhaṃ vediyati, sukhino cittaṃ samādhiyati. Imaṃ kho tvaṃ, mahānāma, devatānussatiṃ gacchantopi bhāveyyāsi, ṭhitopi bhāveyyāsi, nisinnopi bhāveyyāsi, sayānopi bhāveyyāsi, kammantaṃ adhiṭṭhahantopi bhāveyyāsi, puttasambādhasayanaṃ ajjhāvasantopi bhāveyyāsī’’ti. Dutiyaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 1-2. махаанаамасуд̇д̇ад̣̇ваяаван̣н̣анаа • 1-2. Mahānāmasuttadvayavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 1-4. батамамахаанаамасуд̇д̇аад̣̇иван̣н̣анаа • 1-4. Paṭhamamahānāmasuttādivaṇṇanā
