| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៨-៩. ទុតិយមហាបញ្ហសុត្តាទិវណ្ណនា
8-9. Dutiyamahāpañhasuttādivaṇṇanā
២៨-២៩. អដ្ឋមេ ឯវំនាមកេតិ កជង្គលាតិ ឯវំ ឥត្ថិលិង្គវសេន លទ្ធនាមកេ មជ្ឈិមប្បទេសស្ស មរិយាទភូតេ នគរេ។ ‘‘និគមេ’’តិបិ វទន្តិ, ‘‘និចុលវនេ’’តិបិ វទន្តិ។ និចុលំ នាម ឯកា រុក្ខជាតិ, ‘‘នីបរុក្ខោ’’តិបិ វទន្តិ។ តេន សញ្ឆន្នោ មហាវនសណ្ឌោ, តត្ថ វិហរតីតិ អត្ថោ។ ហេតុនា នយេនាតិ ច ហេដ្ឋា វុត្តមេវ។ ននុ ច ‘‘ឯសោ ចេវ តស្ស អត្ថោ’’តិ កស្មា វុត្តំ។ ភគវតា ហិ ចត្តារោតិអាទិបញ្ហព្យាករណា ចត្តារោ អាហារា, បញ្ចុបាទានក្ខន្ធា, ឆ អជ្ឈត្តិកានិ អាយតនានិ, សត្ត វិញ្ញាណដ្ឋិតិយោ, អដ្ឋ លោកធម្មា ទស្សិតា។ ភិក្ខុនិយា បន ចត្តារោ សតិបដ្ឋានា, បញ្ចិន្ទ្រិយានិ, ឆ និស្សារណីយា ធាតុយោ, សត្ត ពោជ្ឈង្គា, អរិយោ អដ្ឋង្គិកោ មគ្គោតិ ទស្សិតធម្មា អញ្ញោយេវត្ថោ ភិក្ខុនិយា ទស្សិតោតិ ចោទនំ សន្ធាយាហ ‘‘កិញ្ចាបី’’តិអាទិ។ នវមេ នត្ថិ វត្តព្ពំ។
28-29. Aṭṭhame evaṃnāmaketi kajaṅgalāti evaṃ itthiliṅgavasena laddhanāmake majjhimappadesassa mariyādabhūte nagare. ‘‘Nigame’’tipi vadanti, ‘‘niculavane’’tipi vadanti. Niculaṃ nāma ekā rukkhajāti, ‘‘nīparukkho’’tipi vadanti. Tena sañchanno mahāvanasaṇḍo, tattha viharatīti attho. Hetunā nayenāti ca heṭṭhā vuttameva. Nanu ca ‘‘eso ceva tassa attho’’ti kasmā vuttaṃ. Bhagavatā hi cattārotiādipañhabyākaraṇā cattāro āhārā, pañcupādānakkhandhā, cha ajjhattikāni āyatanāni, satta viññāṇaṭṭhitiyo, aṭṭha lokadhammā dassitā. Bhikkhuniyā pana cattāro satipaṭṭhānā, pañcindriyāni, cha nissāraṇīyā dhātuyo, satta bojjhaṅgā, ariyo aṭṭhaṅgiko maggoti dassitadhammā aññoyevattho bhikkhuniyā dassitoti codanaṃ sandhāyāha ‘‘kiñcāpī’’tiādi. Navame natthi vattabbaṃ.
ទុតិយមហាបញ្ហសុត្តាទិវណ្ណនា និដ្ឋិតា។
Dutiyamahāpañhasuttādivaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៨. ទុតិយមហាបញ្ហាសុត្តំ • 8. Dutiyamahāpañhāsuttaṃ
៩. បឋមកោសលសុត្តំ • 9. Paṭhamakosalasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៨. ទុតិយមហាបញ្ហសុត្តវណ្ណនា • 8. Dutiyamahāpañhasuttavaṇṇanā
៩. បឋមកោសលសុត្តវណ្ណនា • 9. Paṭhamakosalasuttavaṇṇanā
