| Library / Tipiṭaka / д̇ибидага • Tipiṭaka / ан̇г̇уд̇д̇аранигааяа • Aṅguttaranikāya |
8. д̣̇уд̇ияамахаабан̃хаасуд̇д̇ам̣
8. Dutiyamahāpañhāsuttaṃ
28. згам̣ самаяам̣ бхаг̇аваа гаж̇ан̇г̇алааяам̣ вихарад̇и взл̣уванз. ат̇а ко самб̣ахулаа гаж̇ан̇г̇алагаа убаасагаа язна гаж̇ан̇г̇алигаа бхигкуний д̇знубасан̇гамим̣су; убасан̇гамид̇ваа гаж̇ан̇г̇алигам̣ бхигкуним̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко гаж̇ан̇г̇алагаа убаасагаа гаж̇ан̇г̇алигам̣ бхигкуним̣ зд̇ад̣̇авожум̣ –
28. Ekaṃ samayaṃ bhagavā kajaṅgalāyaṃ viharati veḷuvane. Atha kho sambahulā kajaṅgalakā upāsakā yena kajaṅgalikā bhikkhunī tenupasaṅkamiṃsu; upasaṅkamitvā kajaṅgalikaṃ bhikkhuniṃ abhivādetvā ekamantaṃ nisīdiṃsu. Ekamantaṃ nisinnā kho kajaṅgalakā upāsakā kajaṅgalikaṃ bhikkhuniṃ etadavocuṃ –
‘‘вуд̇д̇амид̣̇ам̣, аяяз, бхаг̇авад̇аа махаабан̃хзсу – ‘зго бан̃хо зго уд̣̇д̣̇зсо згам̣ взяяаагаран̣ам̣, д̣̇вз бан̃хаа д̣̇вз уд̣̇д̣̇зсаа д̣̇вз взяяаагаран̣аани, д̇аяо бан̃хаа д̇аяо уд̣̇д̣̇зсаа д̇ийн̣и взяяаагаран̣аани, жад̇д̇ааро бан̃хаа жад̇д̇ааро уд̣̇д̣̇зсаа жад̇д̇аари взяяаагаран̣аани, бан̃жа бан̃хаа бан̃жуд̣̇д̣̇зсаа бан̃жа взяяаагаран̣аани, ча бан̃хаа ча уд̣̇д̣̇зсаа ча взяяаагаран̣аани, сад̇д̇а бан̃хаа сад̇д̇уд̣̇д̣̇зсаа сад̇д̇а взяяаагаран̣аани, адта бан̃хаа адтуд̣̇д̣̇зсаа адта взяяаагаран̣аани, нава бан̃хаа навуд̣̇д̣̇зсаа нава взяяаагаран̣аани, д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и. имасса ну ко, аяяз, бхаг̇авад̇аа сам̣кид̇д̇зна бхаасид̇асса гат̇ам̣ вид̇т̇аарзна ад̇т̇о д̣̇адтаб̣б̣о’’д̇и?
‘‘Vuttamidaṃ, ayye, bhagavatā mahāpañhesu – ‘eko pañho eko uddeso ekaṃ veyyākaraṇaṃ, dve pañhā dve uddesā dve veyyākaraṇāni, tayo pañhā tayo uddesā tīṇi veyyākaraṇāni, cattāro pañhā cattāro uddesā cattāri veyyākaraṇāni, pañca pañhā pañcuddesā pañca veyyākaraṇāni, cha pañhā cha uddesā cha veyyākaraṇāni, satta pañhā sattuddesā satta veyyākaraṇāni, aṭṭha pañhā aṭṭhuddesā aṭṭha veyyākaraṇāni, nava pañhā navuddesā nava veyyākaraṇāni, dasa pañhā dasuddesā dasa veyyākaraṇānī’ti. Imassa nu kho, ayye, bhagavatā saṃkhittena bhāsitassa kathaṃ vitthārena attho daṭṭhabbo’’ti?
‘‘на ко банзд̇ам̣, аавусо, бхаг̇авад̇о саммукаа суд̇ам̣ саммукаа бадиг̇г̇ахид̇ам̣, наби манобхааванийяаанам̣ бхигкуунам̣ саммукаа суд̇ам̣ саммукаа бадиг̇г̇ахид̇ам̣; аби жа, яат̇аа мзд̇т̇а кааяад̇и д̇ам̣ сун̣аат̇а, саад̇хугам̣ манаси гарот̇а, бхаасиссаамий’’д̇и. ‘‘звам̣, аяяз’’д̇и, ко гаж̇ан̇г̇алагаа убаасагаа гаж̇ан̇г̇алигааяа бхигкунияаа бажжассосум̣. гаж̇ан̇г̇алигаа бхигкуний зд̇ад̣̇авожа –
‘‘Na kho panetaṃ, āvuso, bhagavato sammukhā sutaṃ sammukhā paṭiggahitaṃ, napi manobhāvanīyānaṃ bhikkhūnaṃ sammukhā sutaṃ sammukhā paṭiggahitaṃ; api ca, yathā mettha khāyati taṃ suṇātha, sādhukaṃ manasi karotha, bhāsissāmī’’ti. ‘‘Evaṃ, ayye’’ti, kho kajaṅgalakā upāsakā kajaṅgalikāya bhikkhuniyā paccassosuṃ. Kajaṅgalikā bhikkhunī etadavoca –
‘‘‘зго бан̃хо зго уд̣̇д̣̇зсо згам̣ взяяаагаран̣а’нд̇и, ид̇и ко банзд̇ам̣ вуд̇д̇ам̣ бхаг̇авад̇аа. гин̃жзд̇ам̣ бадижжа вуд̇д̇ам̣? згад̇хаммз, аавусо, бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амасмим̣ згад̇хаммз? саб̣б̣з сад̇д̇аа аахаарадтид̇игаа – имасмим̣ ко, аавусо, згад̇хаммз бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘зго бан̃хо зго уд̣̇д̣̇зсо згам̣ взяяаагаран̣анд̇и, ид̇и яам̣ д̇ам̣ вуд̇д̇ам̣ бхаг̇авад̇аа ид̣̇амзд̇ам̣ бадижжа вуд̇д̇ам̣.
‘‘‘Eko pañho eko uddeso ekaṃ veyyākaraṇa’nti, iti kho panetaṃ vuttaṃ bhagavatā. Kiñcetaṃ paṭicca vuttaṃ? Ekadhamme, āvuso, bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamasmiṃ ekadhamme? Sabbe sattā āhāraṭṭhitikā – imasmiṃ kho, āvuso, ekadhamme bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Eko pañho eko uddeso ekaṃ veyyākaraṇanti, iti yaṃ taṃ vuttaṃ bhagavatā idametaṃ paṭicca vuttaṃ.
‘‘‘д̣̇вз бан̃хаа д̣̇вз уд̣̇д̣̇зсаа д̣̇вз взяяаагаран̣ааний’д̇и ид̇и, ко банзд̇ам̣ вуд̇д̇ам̣ бхаг̇авад̇аа. гин̃жзд̇ам̣ бадижжа вуд̇д̇ам̣? д̣̇вийсу, аавусо, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу д̣̇вийсу? наамз жа руубз жа…бз… гад̇амзсу д̇ийсу? д̇ийсу взд̣̇анаасу – имзсу ко, аавусо, д̇ийсу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘д̇аяо бан̃хаа д̇аяо уд̣̇д̣̇зсаа д̇ийн̣и взяяаагаран̣ааний’д̇и, ид̇и яам̣ д̇ам̣ вуд̇д̇ам̣ бхаг̇авад̇аа ид̣̇амзд̇ам̣ бадижжа вуд̇д̇ам̣.
‘‘‘Dve pañhā dve uddesā dve veyyākaraṇānī’ti iti, kho panetaṃ vuttaṃ bhagavatā. Kiñcetaṃ paṭicca vuttaṃ? Dvīsu, āvuso, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu dvīsu? Nāme ca rūpe ca…pe… katamesu tīsu? Tīsu vedanāsu – imesu kho, āvuso, tīsu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Tayo pañhā tayo uddesā tīṇi veyyākaraṇānī’ti, iti yaṃ taṃ vuttaṃ bhagavatā idametaṃ paṭicca vuttaṃ.
‘‘‘жад̇д̇ааро бан̃хаа жад̇д̇ааро уд̣̇д̣̇зсаа жад̇д̇аари взяяаагаран̣ааний’д̇и, ид̇и ко банзд̇ам̣ вуд̇д̇ам̣ бхаг̇авад̇аа. гин̃жзд̇ам̣ бадижжа вуд̇д̇ам̣? жад̇уусу, аавусо, д̇хаммзсу бхигку саммаа субхаавид̇ажид̇д̇о саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу жад̇уусу? жад̇уусу сад̇ибадтаанзсу – имзсу ко, аавусо, жад̇уусу д̇хаммзсу бхигку саммаа субхаавид̇ажид̇д̇о саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘жад̇д̇ааро бан̃хаа жад̇д̇ааро уд̣̇д̣̇зсаа жад̇д̇аари взяяаагаран̣ааний’д̇и, ид̇и яам̣ д̇ам̣ вуд̇д̇ам̣ бхаг̇авад̇аа ид̣̇амзд̇ам̣ бадижжа вуд̇д̇ам̣.
‘‘‘Cattāro pañhā cattāro uddesā cattāri veyyākaraṇānī’ti, iti kho panetaṃ vuttaṃ bhagavatā. Kiñcetaṃ paṭicca vuttaṃ? Catūsu, āvuso, dhammesu bhikkhu sammā subhāvitacitto sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu catūsu? Catūsu satipaṭṭhānesu – imesu kho, āvuso, catūsu dhammesu bhikkhu sammā subhāvitacitto sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Cattāro pañhā cattāro uddesā cattāri veyyākaraṇānī’ti, iti yaṃ taṃ vuttaṃ bhagavatā idametaṃ paṭicca vuttaṃ.
‘‘‘бан̃жа бан̃хаа бан̃жуд̣̇д̣̇зсаа бан̃жа взяяаагаран̣ааний’д̇и, ид̇и ко банзд̇ам̣ вуд̇д̇ам̣ бхаг̇авад̇аа. гин̃жзд̇ам̣ бадижжа вуд̇д̇ам̣? бан̃жасу, аавусо, д̇хаммзсу бхигку саммаа субхаавид̇ажид̇д̇о саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу бан̃жасу? бан̃жасу инд̣̇риязсу…бз… гад̇амзсу часу? часу ниссаран̣ийяаасу д̇хаад̇уусу…бз… гад̇амзсу сад̇д̇асу? сад̇д̇асу б̣ож̇жхан̇г̇зсу…бз… гад̇амзсу адтасу? адтасу арияаадтан̇г̇игамаг̇г̇зсу – имзсу ко, аавусо, адтасу д̇хаммзсу бхигку саммаа субхаавид̇ажид̇д̇о саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘адта бан̃хаа адтуд̣̇д̣̇зсаа адта взяяаагаран̣ааний’д̇и, ид̇и яам̣ д̇ам̣ вуд̇д̇ам̣ бхаг̇авад̇аа ид̣̇амзд̇ам̣ бадижжа вуд̇д̇ам̣.
‘‘‘Pañca pañhā pañcuddesā pañca veyyākaraṇānī’ti, iti kho panetaṃ vuttaṃ bhagavatā. Kiñcetaṃ paṭicca vuttaṃ? Pañcasu, āvuso, dhammesu bhikkhu sammā subhāvitacitto sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu pañcasu? Pañcasu indriyesu…pe… katamesu chasu? Chasu nissaraṇīyāsu dhātūsu…pe… katamesu sattasu? Sattasu bojjhaṅgesu…pe… katamesu aṭṭhasu? Aṭṭhasu ariyaaṭṭhaṅgikamaggesu – imesu kho, āvuso, aṭṭhasu dhammesu bhikkhu sammā subhāvitacitto sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Aṭṭha pañhā aṭṭhuddesā aṭṭha veyyākaraṇānī’ti, iti yaṃ taṃ vuttaṃ bhagavatā idametaṃ paṭicca vuttaṃ.
‘‘‘нава бан̃хаа навуд̣̇д̣̇зсаа нава взяяаагаран̣ааний’д̇и, ид̇и ко банзд̇ам̣ вуд̇д̇ам̣ бхаг̇авад̇аа. гин̃жзд̇ам̣ бадижжа вуд̇д̇ам̣? навасу, аавусо, д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу навасу? навасу сад̇д̇ааваасзсу – имзсу ко, аавусо, навасу д̇хаммзсу бхигку саммаа ниб̣б̣инд̣̇амаано саммаа вираж̇ж̇амаано саммаа вимужжамаано саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘нава бан̃хаа навуд̣̇д̣̇зсаа нава взяяаагаран̣ааний’д̇и, ид̇и яам̣ д̇ам̣ вуд̇д̇ам̣ бхаг̇авад̇аа ид̣̇амзд̇ам̣ бадижжа вуд̇д̇ам̣.
‘‘‘Nava pañhā navuddesā nava veyyākaraṇānī’ti, iti kho panetaṃ vuttaṃ bhagavatā. Kiñcetaṃ paṭicca vuttaṃ? Navasu, āvuso, dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu navasu? Navasu sattāvāsesu – imesu kho, āvuso, navasu dhammesu bhikkhu sammā nibbindamāno sammā virajjamāno sammā vimuccamāno sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Nava pañhā navuddesā nava veyyākaraṇānī’ti, iti yaṃ taṃ vuttaṃ bhagavatā idametaṃ paṭicca vuttaṃ.
‘‘‘д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и, ид̇и ко банзд̇ам̣ вуд̇д̇ам̣ бхаг̇авад̇аа. гин̃жзд̇ам̣ бадижжа вуд̇д̇ам̣? д̣̇асасу, аавусо, д̇хаммзсу бхигку саммаа субхаавид̇ажид̇д̇о саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. гад̇амзсу д̣̇асасу? д̣̇асасу гусалзсу гаммабат̇зсу – имзсу ко, аавусо, д̣̇асасу д̇хаммзсу бхигку саммаа субхаавид̇ажид̇д̇о саммаа барияанд̇ад̣̇ассаавий саммад̣̇ад̇т̇ам̣ абхисамзжжа д̣̇идтзва д̇хаммз д̣̇угкассанд̇агаро ход̇и. ‘д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и, ид̇и яам̣ д̇ам̣ вуд̇д̇ам̣ бхаг̇авад̇аа ид̣̇амзд̇ам̣ бадижжа вуд̇д̇ам̣.
‘‘‘Dasa pañhā dasuddesā dasa veyyākaraṇānī’ti, iti kho panetaṃ vuttaṃ bhagavatā. Kiñcetaṃ paṭicca vuttaṃ? Dasasu, āvuso, dhammesu bhikkhu sammā subhāvitacitto sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. Katamesu dasasu? Dasasu kusalesu kammapathesu – imesu kho, āvuso, dasasu dhammesu bhikkhu sammā subhāvitacitto sammā pariyantadassāvī sammadatthaṃ abhisamecca diṭṭheva dhamme dukkhassantakaro hoti. ‘Dasa pañhā dasuddesā dasa veyyākaraṇānī’ti, iti yaṃ taṃ vuttaṃ bhagavatā idametaṃ paṭicca vuttaṃ.
‘‘ид̇и ко, аавусо, яам̣ д̇ам̣ вуд̇д̇ам̣ бхаг̇авад̇аа сам̣кид̇д̇зна бхаасид̇аасу махаабан̃хаасу – ‘зго бан̃хо зго уд̣̇д̣̇зсо згам̣ взяяаагаран̣ам̣…бз… д̣̇аса бан̃хаа д̣̇асуд̣̇д̣̇зсаа д̣̇аса взяяаагаран̣ааний’д̇и, имасса ко ахам̣, аавусо, бхаг̇авад̇аа сам̣кид̇д̇зна бхаасид̇асса звам̣ вид̇т̇аарзна ад̇т̇ам̣ ааж̇аанаами. ааган̇камаанаа жа бана д̇умхз, аавусо, бхаг̇аванд̇ан̃н̃зва убасан̇гамид̇ваа зд̇амад̇т̇ам̣ бадибужчзяяаат̇а. яат̇аа во 1 бхаг̇аваа б̣яаагарод̇и д̇ат̇аа нам̣ д̇хаарзяяаат̇аа’’д̇и. ‘‘звам̣, аяяз’’д̇и ко гаж̇ан̇г̇алагаа убаасагаа гаж̇ан̇г̇алигааяа ко бхигкунияаа бхаасид̇ам̣ абхинанд̣̇ид̇ваа анумод̣̇ид̇ваа удтааяаасанаа гаж̇ан̇г̇алигам̣ бхигкуним̣ абхиваад̣̇зд̇ваа бад̣̇агкин̣ам̣ гад̇ваа язна бхаг̇аваа д̇знубасан̇гамим̣су; убасан̇гамид̇ваа бхаг̇аванд̇ам̣ абхиваад̣̇зд̇ваа згаманд̇ам̣ нисийд̣̇им̣су. згаманд̇ам̣ нисиннаа ко гаж̇ан̇г̇алагаа убаасагаа яаавад̇аго ахоси гаж̇ан̇г̇алигааяа бхигкунияаа сад̣̇д̇хим̣ гат̇аасаллаабо, д̇ам̣ саб̣б̣ам̣ бхаг̇авад̇о аарожзсум̣.
‘‘Iti kho, āvuso, yaṃ taṃ vuttaṃ bhagavatā saṃkhittena bhāsitāsu mahāpañhāsu – ‘eko pañho eko uddeso ekaṃ veyyākaraṇaṃ…pe… dasa pañhā dasuddesā dasa veyyākaraṇānī’ti, imassa kho ahaṃ, āvuso, bhagavatā saṃkhittena bhāsitassa evaṃ vitthārena atthaṃ ājānāmi. Ākaṅkhamānā ca pana tumhe, āvuso, bhagavantaññeva upasaṅkamitvā etamatthaṃ paṭipuccheyyātha. Yathā vo 2 bhagavā byākaroti tathā naṃ dhāreyyāthā’’ti. ‘‘Evaṃ, ayye’’ti kho kajaṅgalakā upāsakā kajaṅgalikāya kho bhikkhuniyā bhāsitaṃ abhinanditvā anumoditvā uṭṭhāyāsanā kajaṅgalikaṃ bhikkhuniṃ abhivādetvā padakkhiṇaṃ katvā yena bhagavā tenupasaṅkamiṃsu; upasaṅkamitvā bhagavantaṃ abhivādetvā ekamantaṃ nisīdiṃsu. Ekamantaṃ nisinnā kho kajaṅgalakā upāsakā yāvatako ahosi kajaṅgalikāya bhikkhuniyā saddhiṃ kathāsallāpo, taṃ sabbaṃ bhagavato ārocesuṃ.
‘‘саад̇ху саад̇ху, г̇ахабад̇аяо! бан̣д̣ид̇аа, г̇ахабад̇аяо, гаж̇ан̇г̇алигаа бхигкуний. махаабан̃н̃аа, г̇ахабад̇аяо, гаж̇ан̇г̇алигаа бхигкуний. ман̃жзби д̇умхз, г̇ахабад̇аяо, убасан̇гамид̇ваа зд̇амад̇т̇ам̣ бадибужчзяяаат̇а, ахамби жзд̇ам̣ звамзвам̣ 3 б̣яаагарзяяам̣ яат̇аа д̇ам̣ гаж̇ан̇г̇алигааяа бхигкунияаа б̣яаагад̇ам̣. зсо жзва д̇асса 4 ад̇т̇о. зван̃жа нам̣ д̇хаарзяяаат̇аа’’д̇и. адтамам̣.
‘‘Sādhu sādhu, gahapatayo! Paṇḍitā, gahapatayo, kajaṅgalikā bhikkhunī. Mahāpaññā, gahapatayo, kajaṅgalikā bhikkhunī. Mañcepi tumhe, gahapatayo, upasaṅkamitvā etamatthaṃ paṭipuccheyyātha, ahampi cetaṃ evamevaṃ 5 byākareyyaṃ yathā taṃ kajaṅgalikāya bhikkhuniyā byākataṃ. Eso ceva tassa 6 attho. Evañca naṃ dhāreyyāthā’’ti. Aṭṭhamaṃ.
Footnotes:
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / ан̇г̇уд̇д̇аранигааяа (адтагат̇аа) • Aṅguttaranikāya (aṭṭhakathā) / 8. д̣̇уд̇ияамахаабан̃хасуд̇д̇аван̣н̣анаа • 8. Dutiyamahāpañhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / ан̇г̇уд̇д̇аранигааяа (дийгаа) • Aṅguttaranikāya (ṭīkā) / 8-9. д̣̇уд̇ияамахаабан̃хасуд̇д̇аад̣̇иван̣н̣анаа • 8-9. Dutiyamahāpañhasuttādivaṇṇanā
