| Library / Tipiṭaka / ติปิฎก • Tipiṭaka / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) |
๘. ทุติยมหาปญฺหสุตฺตวณฺณนา
8. Dutiyamahāpañhasuttavaṇṇanā
๒๘. อฎฺฐเม กชงฺคลายนฺติ เอวํนามเก นคเรฯ กชงฺคลาติ กชงฺคลาวาสิโนฯ มหาปเญฺหสูติ มหนฺตอตฺถปริคฺคาหเกสุ ปเญฺหสุฯ ยถา เมตฺถ ขายตีติ ยถา เม เอตฺถ อุปฎฺฐาติฯ สมฺมา สุภาวิตจิโตฺตติ เหตุนา นเยน สุฎฺฐุ ภาวิตจิโตฺตฯ เอโส เจว ตสฺส อโตฺถติ กิญฺจาปิ ภควตา ‘‘จตฺตาโร ธมฺมา’’ติอาทโย ปญฺหา ‘‘จตฺตาโร อาหารา’’ติอาทินา นเยน วิสฺสชฺชิตา, ยสฺมา ปน จตูสุ อาหาเรสุ ปริญฺญาเตสุ จตฺตาโร สติปฎฺฐานา ภาวิตา โหนฺติ, เตสุ จ ภาวิเตสุ จตฺตาโร อาหารา ปริญฺญาตาว โหนฺติฯ ตสฺมา เทสนาวิลาเสน พฺยญฺชนเมเวตฺถ นานํ, อโตฺถ ปน เอโกเยวฯ อินฺทฺริยาทีสุปิ เอเสว นโยฯ เตน วุตฺตํ – ‘‘เอโส เจว ตสฺส อโตฺถ’’ติฯ อตฺถโต หิ อุภยเมฺปตํ มเชฺฌ ภินฺนสุวณฺณมิว โหติฯ
28. Aṭṭhame kajaṅgalāyanti evaṃnāmake nagare. Kajaṅgalāti kajaṅgalāvāsino. Mahāpañhesūti mahantaatthapariggāhakesu pañhesu. Yathā mettha khāyatīti yathā me ettha upaṭṭhāti. Sammā subhāvitacittoti hetunā nayena suṭṭhu bhāvitacitto. Eso ceva tassa atthoti kiñcāpi bhagavatā ‘‘cattāro dhammā’’tiādayo pañhā ‘‘cattāro āhārā’’tiādinā nayena vissajjitā, yasmā pana catūsu āhāresu pariññātesu cattāro satipaṭṭhānā bhāvitā honti, tesu ca bhāvitesu cattāro āhārā pariññātāva honti. Tasmā desanāvilāsena byañjanamevettha nānaṃ, attho pana ekoyeva. Indriyādīsupi eseva nayo. Tena vuttaṃ – ‘‘eso ceva tassa attho’’ti. Atthato hi ubhayampetaṃ majjhe bhinnasuvaṇṇamiva hoti.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๘. ทุติยมหาปญฺหาสุตฺตํ • 8. Dutiyamahāpañhāsuttaṃ
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๘-๙. ทุติยมหาปญฺหสุตฺตาทิวณฺณนา • 8-9. Dutiyamahāpañhasuttādivaṇṇanā
