| Library / Tipiṭaka / තිපිටක • Tipiṭaka / අඞ්‌ගුත්‌තරනිකාය (අට්‌ඨකථා) • Aṅguttaranikāya (aṭṭhakathā) |
8. දුතියමහාපඤ්‌හසුත්‌තවණ්‌ණනා
8. Dutiyamahāpañhasuttavaṇṇanā
28. අට්‌ඨමෙ කජඞ්‌ගලායන්‌ති එවංනාමකෙ නගරෙ. කජඞ්‌ගලාති කජඞ්‌ගලාවාසිනො. මහාපඤ්‌හෙසූති මහන්‌තඅත්‌ථපරිග්‌ගාහකෙසු පඤ්‌හෙසු. යථා මෙත්‌ථ ඛායතීති යථා මෙ එත්‌ථ උපට්‌ඨාති. සම්‌මා සුභාවිතචිත්‌තොති හෙතුනා නයෙන සුට්‌ඨු භාවිතචිත්‌තො. එසො චෙව තස්‌ස අත්‌ථොති කිඤ්‌චාපි භගවතා ‘‘චත්‌තාරො ධම්‌මා’’තිආදයො පඤ්‌හා ‘‘චත්‌තාරො ආහාරා’’තිආදිනා නයෙන විස්‌සජ්‌ජිතා, යස්‌මා පන චතූසු ආහාරෙසු පරිඤ්‌ඤාතෙසු චත්‌තාරො සතිපට්‌ඨානා භාවිතා හොන්‌ති, තෙසු ච භාවිතෙසු චත්‌තාරො ආහාරා පරිඤ්‌ඤාතාව හොන්‌ති. තස්‌මා දෙසනාවිලාසෙන බ්‍යඤ්‌ජනමෙවෙත්‌ථ නානං, අත්‌ථො පන එකොයෙව. ඉන්‌ද්‍රියාදීසුපි එසෙව නයො. තෙන වුත්‌තං – ‘‘එසො චෙව තස්‌ස අත්‌ථො’’ති. අත්‌ථතො හි උභයම්‌පෙතං මජ්‌ඣෙ භින්‌නසුවණ්‌ණමිව හොති.
28. Aṭṭhame kajaṅgalāyanti evaṃnāmake nagare. Kajaṅgalāti kajaṅgalāvāsino. Mahāpañhesūti mahantaatthapariggāhakesu pañhesu. Yathā mettha khāyatīti yathā me ettha upaṭṭhāti. Sammā subhāvitacittoti hetunā nayena suṭṭhu bhāvitacitto. Eso ceva tassa atthoti kiñcāpi bhagavatā ‘‘cattāro dhammā’’tiādayo pañhā ‘‘cattāro āhārā’’tiādinā nayena vissajjitā, yasmā pana catūsu āhāresu pariññātesu cattāro satipaṭṭhānā bhāvitā honti, tesu ca bhāvitesu cattāro āhārā pariññātāva honti. Tasmā desanāvilāsena byañjanamevettha nānaṃ, attho pana ekoyeva. Indriyādīsupi eseva nayo. Tena vuttaṃ – ‘‘eso ceva tassa attho’’ti. Atthato hi ubhayampetaṃ majjhe bhinnasuvaṇṇamiva hoti.
Related texts:
තිපිටක (මූල) • Tipiṭaka (Mūla) / සුත්‌තපිටක • Suttapiṭaka / අඞ්‌ගුත්‌තරනිකාය • Aṅguttaranikāya / 8. දුතියමහාපඤ්‌හාසුත්‌තං • 8. Dutiyamahāpañhāsuttaṃ
ටීකා • Tīkā / සුත්‌තපිටක (ටීකා) • Suttapiṭaka (ṭīkā) / අඞ්‌ගුත්‌තරනිකාය (ටීකා) • Aṅguttaranikāya (ṭīkā) / 8-9. දුතියමහාපඤ්‌හසුත්‌තාදිවණ්‌ණනා • 8-9. Dutiyamahāpañhasuttādivaṇṇanā
