| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) |
੮. ਦੁਤਿਯਮਹਾਪਞ੍ਹਸੁਤ੍ਤવਣ੍ਣਨਾ
8. Dutiyamahāpañhasuttavaṇṇanā
੨੮. ਅਟ੍ਠਮੇ ਕਜਙ੍ਗਲਾਯਨ੍ਤਿ ਏવਂਨਾਮਕੇ ਨਗਰੇ। ਕਜਙ੍ਗਲਾਤਿ ਕਜਙ੍ਗਲਾવਾਸਿਨੋ। ਮਹਾਪਞ੍ਹੇਸੂਤਿ ਮਹਨ੍ਤਅਤ੍ਥਪਰਿਗ੍ਗਾਹਕੇਸੁ ਪਞ੍ਹੇਸੁ। ਯਥਾ ਮੇਤ੍ਥ ਖਾਯਤੀਤਿ ਯਥਾ ਮੇ ਏਤ੍ਥ ਉਪਟ੍ਠਾਤਿ। ਸਮ੍ਮਾ ਸੁਭਾવਿਤਚਿਤ੍ਤੋਤਿ ਹੇਤੁਨਾ ਨਯੇਨ ਸੁਟ੍ਠੁ ਭਾવਿਤਚਿਤ੍ਤੋ। ਏਸੋ ਚੇવ ਤਸ੍ਸ ਅਤ੍ਥੋਤਿ ਕਿਞ੍ਚਾਪਿ ਭਗવਤਾ ‘‘ਚਤ੍ਤਾਰੋ ਧਮ੍ਮਾ’’ਤਿਆਦਯੋ ਪਞ੍ਹਾ ‘‘ਚਤ੍ਤਾਰੋ ਆਹਾਰਾ’’ਤਿਆਦਿਨਾ ਨਯੇਨ વਿਸ੍ਸਜ੍ਜਿਤਾ, ਯਸ੍ਮਾ ਪਨ ਚਤੂਸੁ ਆਹਾਰੇਸੁ ਪਰਿਞ੍ਞਾਤੇਸੁ ਚਤ੍ਤਾਰੋ ਸਤਿਪਟ੍ਠਾਨਾ ਭਾવਿਤਾ ਹੋਨ੍ਤਿ, ਤੇਸੁ ਚ ਭਾવਿਤੇਸੁ ਚਤ੍ਤਾਰੋ ਆਹਾਰਾ ਪਰਿਞ੍ਞਾਤਾવ ਹੋਨ੍ਤਿ। ਤਸ੍ਮਾ ਦੇਸਨਾવਿਲਾਸੇਨ ਬ੍ਯਞ੍ਜਨਮੇવੇਤ੍ਥ ਨਾਨਂ, ਅਤ੍ਥੋ ਪਨ ਏਕੋਯੇવ। ਇਨ੍ਦ੍ਰਿਯਾਦੀਸੁਪਿ ਏਸੇવ ਨਯੋ। ਤੇਨ વੁਤ੍ਤਂ – ‘‘ਏਸੋ ਚੇવ ਤਸ੍ਸ ਅਤ੍ਥੋ’’ਤਿ। ਅਤ੍ਥਤੋ ਹਿ ਉਭਯਮ੍ਪੇਤਂ ਮਜ੍ਝੇ ਭਿਨ੍ਨਸੁવਣ੍ਣਮਿવ ਹੋਤਿ।
28. Aṭṭhame kajaṅgalāyanti evaṃnāmake nagare. Kajaṅgalāti kajaṅgalāvāsino. Mahāpañhesūti mahantaatthapariggāhakesu pañhesu. Yathā mettha khāyatīti yathā me ettha upaṭṭhāti. Sammā subhāvitacittoti hetunā nayena suṭṭhu bhāvitacitto. Eso ceva tassa atthoti kiñcāpi bhagavatā ‘‘cattāro dhammā’’tiādayo pañhā ‘‘cattāro āhārā’’tiādinā nayena vissajjitā, yasmā pana catūsu āhāresu pariññātesu cattāro satipaṭṭhānā bhāvitā honti, tesu ca bhāvitesu cattāro āhārā pariññātāva honti. Tasmā desanāvilāsena byañjanamevettha nānaṃ, attho pana ekoyeva. Indriyādīsupi eseva nayo. Tena vuttaṃ – ‘‘eso ceva tassa attho’’ti. Atthato hi ubhayampetaṃ majjhe bhinnasuvaṇṇamiva hoti.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੮. ਦੁਤਿਯਮਹਾਪਞ੍ਹਾਸੁਤ੍ਤਂ • 8. Dutiyamahāpañhāsuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) / ੮-੯. ਦੁਤਿਯਮਹਾਪਞ੍ਹਸੁਤ੍ਤਾਦਿવਣ੍ਣਨਾ • 8-9. Dutiyamahāpañhasuttādivaṇṇanā
