| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
6. து³தியமஹாபத²வீஸுத்தங்
6. Dutiyamahāpathavīsuttaṃ
1126. ‘‘ஸெய்யதா²பி , பி⁴க்க²வே, மஹாபத²வீ பரிக்க²யங் பரியாதா³னங் க³ச்செ²ய்ய ட²பெத்வா ஸத்த கோலட்டி²மத்தியோ கு³ளிகா. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யங் வா மஹாபத²வியா பரிக்கீ²ணங் பரியாதி³ன்னங் , யா வா ஸத்த கோலட்டி²மத்தியோ கு³ளிகா அவஸிட்டா²’’தி? ‘‘ஏததே³வ, ப⁴ந்தே, ப³ஹுதரங் மஹாபத²வியா யதி³த³ங் பரிக்கீ²ணங் பரியாதி³ன்னங்; அப்பமத்திகா ஸத்த கோலட்டி²மத்தியோ கு³ளிகா அவஸிட்டா². ஸங்க²ம்பி ந உபெந்தி, உபனித⁴ம்பி ந உபெந்தி, கலபா⁴க³ம்பி ந உபெந்தி மஹாபத²வியா பரிக்கீ²ணங் பரியாதி³ன்னங் உபனிதா⁴ய ஸத்த கோலட்டி²மத்தியோ கு³ளிகா அவஸிட்டா²’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. ச²ட்ட²ங்.
1126. ‘‘Seyyathāpi , bhikkhave, mahāpathavī parikkhayaṃ pariyādānaṃ gaccheyya ṭhapetvā satta kolaṭṭhimattiyo guḷikā. Taṃ kiṃ maññatha, bhikkhave, katamaṃ nu kho bahutaraṃ – yaṃ vā mahāpathaviyā parikkhīṇaṃ pariyādinnaṃ , yā vā satta kolaṭṭhimattiyo guḷikā avasiṭṭhā’’ti? ‘‘Etadeva, bhante, bahutaraṃ mahāpathaviyā yadidaṃ parikkhīṇaṃ pariyādinnaṃ; appamattikā satta kolaṭṭhimattiyo guḷikā avasiṭṭhā. Saṅkhampi na upenti, upanidhampi na upenti, kalabhāgampi na upenti mahāpathaviyā parikkhīṇaṃ pariyādinnaṃ upanidhāya satta kolaṭṭhimattiyo guḷikā avasiṭṭhā’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Chaṭṭhaṃ.
