| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇уд̇ияамахаабат̇авийсуд̇д̇ам̣
6. Dutiyamahāpathavīsuttaṃ
1126. ‘‘сзяяат̇ааби , бхигкавз, махаабат̇авий баригкаяам̣ барияаад̣̇аанам̣ г̇ажчзяяа табзд̇ваа сад̇д̇а голадтимад̇д̇ияо г̇ул̣игаа. д̇ам̣ гим̣ ман̃н̃ат̇а, бхигкавз, гад̇амам̣ ну ко б̣ахуд̇арам̣ – яам̣ ваа махаабат̇авияаа баригкийн̣ам̣ барияаад̣̇иннам̣ , яаа ваа сад̇д̇а голадтимад̇д̇ияо г̇ул̣игаа авасидтаа’’д̇и? ‘‘зд̇ад̣̇зва, бханд̇з, б̣ахуд̇арам̣ махаабат̇авияаа яад̣̇ид̣̇ам̣ баригкийн̣ам̣ барияаад̣̇иннам̣; аббамад̇д̇игаа сад̇д̇а голадтимад̇д̇ияо г̇ул̣игаа авасидтаа. сан̇камби на убзнд̇и, убанид̇хамби на убзнд̇и, галабхааг̇амби на убзнд̇и махаабат̇авияаа баригкийн̣ам̣ барияаад̣̇иннам̣ убанид̇хааяа сад̇д̇а голадтимад̇д̇ияо г̇ул̣игаа авасидтаа’’д̇и. ‘‘звамзва ко, бхигкавз, арияасаавагасса…бз… яог̇о гаран̣ийяо’’д̇и. чадтам̣.
1126. ‘‘Seyyathāpi , bhikkhave, mahāpathavī parikkhayaṃ pariyādānaṃ gaccheyya ṭhapetvā satta kolaṭṭhimattiyo guḷikā. Taṃ kiṃ maññatha, bhikkhave, katamaṃ nu kho bahutaraṃ – yaṃ vā mahāpathaviyā parikkhīṇaṃ pariyādinnaṃ , yā vā satta kolaṭṭhimattiyo guḷikā avasiṭṭhā’’ti? ‘‘Etadeva, bhante, bahutaraṃ mahāpathaviyā yadidaṃ parikkhīṇaṃ pariyādinnaṃ; appamattikā satta kolaṭṭhimattiyo guḷikā avasiṭṭhā. Saṅkhampi na upenti, upanidhampi na upenti, kalabhāgampi na upenti mahāpathaviyā parikkhīṇaṃ pariyādinnaṃ upanidhāya satta kolaṭṭhimattiyo guḷikā avasiṭṭhā’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Chaṭṭhaṃ.
