| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
6. д̣̇уд̇ияамахааругкасуд̇д̇ам̣
6. Dutiyamahārukkhasuttaṃ
56. саавад̇т̇ияам̣ вихарад̇и…бз… ‘‘сзяяат̇ааби, бхигкавз, махааругко. д̇асса яаани жзва муулаани ад̇хог̇амаани, яаани жа д̇ирияан̇г̇амаани , саб̣б̣аани д̇аани уд̣̇д̇хам̣ ож̇ам̣ абхихаранд̇и. зван̃хи со, бхигкавз, махааругко д̇ад̣̇аахааро д̇ад̣̇убаад̣̇аано жирам̣ д̣̇ийгхамад̣̇д̇хаанам̣ д̇идтзяяа. звамзва ко, бхигкавз, убаад̣̇ааниязсу д̇хаммзсу ассаад̣̇аанубассино вихарад̇о д̇ан̣хаа бавад̣дхад̇и. д̇ан̣хаабажжаяаа убаад̣̇аанам̣ …бз… звамзд̇асса гзваласса д̣̇угкагканд̇хасса самуд̣̇аяо ход̇и’’.
56. Sāvatthiyaṃ viharati…pe… ‘‘seyyathāpi, bhikkhave, mahārukkho. Tassa yāni ceva mūlāni adhogamāni, yāni ca tiriyaṅgamāni , sabbāni tāni uddhaṃ ojaṃ abhiharanti. Evañhi so, bhikkhave, mahārukkho tadāhāro tadupādāno ciraṃ dīghamaddhānaṃ tiṭṭheyya. Evameva kho, bhikkhave, upādāniyesu dhammesu assādānupassino viharato taṇhā pavaḍḍhati. Taṇhāpaccayā upādānaṃ …pe… evametassa kevalassa dukkhakkhandhassa samudayo hoti’’.
‘‘сзяяат̇ааби, бхигкавз, махааругко. ат̇а бурисо ааг̇ажчзяяа гуд̣̇д̣̇аалабидагам̣ аад̣̇ааяа. со д̇ам̣ ругкам̣ муулз чинд̣̇зяяа, муулз чзд̇ваа баликан̣зяяа, баликан̣ид̇ваа муулаани уд̣̇д̇харзяяа…бз… над̣̇ияаа ваа сийгхасод̇ааяа баваахзяяа. зван̃хи со, бхигкавз, махааругко ужчиннамууло асса д̇аалаавад̇т̇угад̇о анабхааван̇гад̇о ааяад̇им̣ ануббаад̣̇ад̇хаммо. звамзва ко, бхигкавз, убаад̣̇ааниязсу д̇хаммзсу аад̣̇ийнаваанубассино вихарад̇о д̇ан̣хаа нируж̇жхад̇и. д̇ан̣хаанирод̇хаа убаад̣̇аананирод̇хо…бз… звамзд̇асса гзваласса д̣̇угкагканд̇хасса нирод̇хо ход̇ий’’д̇и. чадтам̣.
‘‘Seyyathāpi, bhikkhave, mahārukkho. Atha puriso āgaccheyya kuddālapiṭakaṃ ādāya. So taṃ rukkhaṃ mūle chindeyya, mūle chetvā palikhaṇeyya, palikhaṇitvā mūlāni uddhareyya…pe… nadiyā vā sīghasotāya pavāheyya. Evañhi so, bhikkhave, mahārukkho ucchinnamūlo assa tālāvatthukato anabhāvaṅkato āyatiṃ anuppādadhammo. Evameva kho, bhikkhave, upādāniyesu dhammesu ādīnavānupassino viharato taṇhā nirujjhati. Taṇhānirodhā upādānanirodho…pe… evametassa kevalassa dukkhakkhandhassa nirodho hotī’’ti. Chaṭṭhaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 6. д̣̇уд̇ияамахааругкасуд̇д̇аван̣н̣анаа • 6. Dutiyamahārukkhasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5-6. махааругкасуд̇д̇ад̣̇ваяаван̣н̣анаа • 5-6. Mahārukkhasuttadvayavaṇṇanā
