| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
8. து³தியமஹாஸமுத்³த³ஸுத்தங்
8. Dutiyamahāsamuddasuttaṃ
1128. ‘‘ஸெய்யதா²பி, பி⁴க்க²வே, மஹாஸமுத்³தே³ உத³கங் பரிக்க²யங் 1 பரியாதா³னங் க³ச்செ²ய்ய ட²பெத்வா த்³வே வா தீணி வா உத³கபு²ஸிதானி. தங் கிங் மஞ்ஞத², பி⁴க்க²வே, கதமங் நு கோ² ப³ஹுதரங் – யங் வா மஹாஸமுத்³தே³ உத³கங் பரிக்கீ²ணங் பரியாதி³ன்னங், யானி த்³வே வா தீணி வா உத³கபு²ஸிதானி அவஸிட்டா²னீ’’தி? ‘‘ஏததே³வ, ப⁴ந்தே, ப³ஹுதரங் மஹாஸமுத்³தே³ உத³கங் யதி³த³ங் பரிக்கீ²ணங் பரியாதி³ன்னங்; அப்பமத்தகானி த்³வே வா தீணி வா உத³கபு²ஸிதானி அவஸிட்டா²னி. ஸங்க²ம்பி ந உபெந்தி, உபனித⁴ம்பி ந உபெந்தி, கலபா⁴க³ம்பி ந உபெந்தி மஹாஸமுத்³தே³ உத³கங் பரிக்கீ²ணங் பரியாதி³ன்னங் உபனிதா⁴ய த்³வே வா தீணி வா உத³கபு²ஸிதானி அவஸிட்டா²னீ’’தி. ‘‘ஏவமேவ கோ², பி⁴க்க²வே, அரியஸாவகஸ்ஸ…பே॰… யோகோ³ கரணீயோ’’தி. அட்ட²மங்.
1128. ‘‘Seyyathāpi, bhikkhave, mahāsamudde udakaṃ parikkhayaṃ 2 pariyādānaṃ gaccheyya ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ – yaṃ vā mahāsamudde udakaṃ parikkhīṇaṃ pariyādinnaṃ, yāni dve vā tīṇi vā udakaphusitāni avasiṭṭhānī’’ti? ‘‘Etadeva, bhante, bahutaraṃ mahāsamudde udakaṃ yadidaṃ parikkhīṇaṃ pariyādinnaṃ; appamattakāni dve vā tīṇi vā udakaphusitāni avasiṭṭhāni. Saṅkhampi na upenti, upanidhampi na upenti, kalabhāgampi na upenti mahāsamudde udakaṃ parikkhīṇaṃ pariyādinnaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Aṭṭhamaṃ.
Footnotes:
