| Library / Tipiṭaka / তিপিটক • Tipiṭaka / সংযুত্তনিকায • Saṃyuttanikāya |
৮. দুতিযমহাসমুদ্দসুত্তং
8. Dutiyamahāsamuddasuttaṃ
১১২৮. ‘‘সেয্যথাপি, ভিক্খৰে, মহাসমুদ্দে উদকং পরিক্খযং 1 পরিযাদানং গচ্ছেয্য ঠপেত্ৰা দ্ৰে ৰা তীণি ৰা উদকফুসিতানি। তং কিং মঞ্ঞথ, ভিক্খৰে, কতমং নু খো বহুতরং – যং ৰা মহাসমুদ্দে উদকং পরিক্খীণং পরিযাদিন্নং, যানি দ্ৰে ৰা তীণি ৰা উদকফুসিতানি অৰসিট্ঠানী’’তি? ‘‘এতদেৰ, ভন্তে, বহুতরং মহাসমুদ্দে উদকং যদিদং পরিক্খীণং পরিযাদিন্নং; অপ্পমত্তকানি দ্ৰে ৰা তীণি ৰা উদকফুসিতানি অৰসিট্ঠানি। সঙ্খম্পি ন উপেন্তি, উপনিধম্পি ন উপেন্তি, কলভাগম্পি ন উপেন্তি মহাসমুদ্দে উদকং পরিক্খীণং পরিযাদিন্নং উপনিধায দ্ৰে ৰা তীণি ৰা উদকফুসিতানি অৰসিট্ঠানী’’তি। ‘‘এৰমেৰ খো, ভিক্খৰে, অরিযসাৰকস্স…পে॰… যোগো করণীযো’’তি। অট্ঠমং।
1128. ‘‘Seyyathāpi, bhikkhave, mahāsamudde udakaṃ parikkhayaṃ 2 pariyādānaṃ gaccheyya ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ – yaṃ vā mahāsamudde udakaṃ parikkhīṇaṃ pariyādinnaṃ, yāni dve vā tīṇi vā udakaphusitāni avasiṭṭhānī’’ti? ‘‘Etadeva, bhante, bahutaraṃ mahāsamudde udakaṃ yadidaṃ parikkhīṇaṃ pariyādinnaṃ; appamattakāni dve vā tīṇi vā udakaphusitāni avasiṭṭhāni. Saṅkhampi na upenti, upanidhampi na upenti, kalabhāgampi na upenti mahāsamudde udakaṃ parikkhīṇaṃ pariyādinnaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Aṭṭhamaṃ.
Footnotes:
