| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
8. д̣̇уд̇ияамахаасамуд̣̇д̣̇асуд̇д̇ам̣
8. Dutiyamahāsamuddasuttaṃ
1128. ‘‘сзяяат̇ааби, бхигкавз, махаасамуд̣̇д̣̇з уд̣̇агам̣ баригкаяам̣ 1 барияаад̣̇аанам̣ г̇ажчзяяа табзд̇ваа д̣̇вз ваа д̇ийн̣и ваа уд̣̇агапусид̇аани. д̇ам̣ гим̣ ман̃н̃ат̇а, бхигкавз, гад̇амам̣ ну ко б̣ахуд̇арам̣ – яам̣ ваа махаасамуд̣̇д̣̇з уд̣̇агам̣ баригкийн̣ам̣ барияаад̣̇иннам̣, яаани д̣̇вз ваа д̇ийн̣и ваа уд̣̇агапусид̇аани авасидтааний’’д̇и? ‘‘зд̇ад̣̇зва, бханд̇з, б̣ахуд̇арам̣ махаасамуд̣̇д̣̇з уд̣̇агам̣ яад̣̇ид̣̇ам̣ баригкийн̣ам̣ барияаад̣̇иннам̣; аббамад̇д̇агаани д̣̇вз ваа д̇ийн̣и ваа уд̣̇агапусид̇аани авасидтаани. сан̇камби на убзнд̇и, убанид̇хамби на убзнд̇и, галабхааг̇амби на убзнд̇и махаасамуд̣̇д̣̇з уд̣̇агам̣ баригкийн̣ам̣ барияаад̣̇иннам̣ убанид̇хааяа д̣̇вз ваа д̇ийн̣и ваа уд̣̇агапусид̇аани авасидтааний’’д̇и. ‘‘звамзва ко, бхигкавз, арияасаавагасса…бз… яог̇о гаран̣ийяо’’д̇и. адтамам̣.
1128. ‘‘Seyyathāpi, bhikkhave, mahāsamudde udakaṃ parikkhayaṃ 2 pariyādānaṃ gaccheyya ṭhapetvā dve vā tīṇi vā udakaphusitāni. Taṃ kiṃ maññatha, bhikkhave, katamaṃ nu kho bahutaraṃ – yaṃ vā mahāsamudde udakaṃ parikkhīṇaṃ pariyādinnaṃ, yāni dve vā tīṇi vā udakaphusitāni avasiṭṭhānī’’ti? ‘‘Etadeva, bhante, bahutaraṃ mahāsamudde udakaṃ yadidaṃ parikkhīṇaṃ pariyādinnaṃ; appamattakāni dve vā tīṇi vā udakaphusitāni avasiṭṭhāni. Saṅkhampi na upenti, upanidhampi na upenti, kalabhāgampi na upenti mahāsamudde udakaṃ parikkhīṇaṃ pariyādinnaṃ upanidhāya dve vā tīṇi vā udakaphusitāni avasiṭṭhānī’’ti. ‘‘Evameva kho, bhikkhave, ariyasāvakassa…pe… yogo karaṇīyo’’ti. Aṭṭhamaṃ.
Footnotes:
