| Library / Tipiṭaka / திபிடக • Tipiṭaka / அங்கு³த்தரனிகாய (டீகா) • Aṅguttaranikāya (ṭīkā) |
10. து³தியமரணஸ்ஸதிஸுத்தவண்ணனா
10. Dutiyamaraṇassatisuttavaṇṇanā
20. த³ஸமே நிக்க²ந்தேதி வீதிவத்தே. பதிக³தாயாதி பச்சாக³தாய, ஸம்பத்தாயாதி அத்தோ². தேனாஹ ‘‘படிபன்னாயா’’தி. ஸோ மமஸ்ஸ அந்தராயோதி யதா²வுத்தா ந கேவலங் காலகிரியாவ, மம அதிது³ல்லப⁴ங் க²ணங் லபி⁴த்வா தஸ்ஸ ஸத்து²ஸாஸனமனஸிகாரஸ்ஸ சேவ ஜீவிதஸ்ஸ ச ஸக்³க³மொக்கா²னஞ்ச அந்தராயோ அஸ்ஸ, ப⁴வெய்யாதி அத்தோ². தேனாஹ ‘‘திவிதோ⁴ அந்தராயோ’’திஆதி³. விபஜ்ஜெய்யாதி விபத்திங் க³ச்செ²ய்ய. ஸத்த²கேன விய அங்க³பச்சங்கா³னங் கந்தனகாரகா காயே ஸந்தி⁴ப³ந்த⁴னச்சே²த³கவாதா ஸத்த²கவாதா. கத்துகம்யதாச²ந்தோ³தி நிய்யானாவஹோ கத்துகம்யதாகுஸலச்ச²ந்தோ³. பயோக³வீரியந்தி பா⁴வனானுயோக³வீரியங். ந படிவாதி ந படினிவத்ததீதி அப்படிவானீ, அந்தரா வோஸானானாபஜ்ஜனவீரியங். தேனாஹ ‘‘அனுக்கண்ட²னா அப்படிஸங்க⁴ரணா’’தி.
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
து³தியமரணஸ்ஸதிஸுத்தவண்ணனா நிட்டி²தா.
Dutiyamaraṇassatisuttavaṇṇanā niṭṭhitā.
ஸாரணீயவக்³க³வண்ணனா நிட்டி²தா.
Sāraṇīyavaggavaṇṇanā niṭṭhitā.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / அங்கு³த்தரனிகாய • Aṅguttaranikāya / 10. து³தியமரணஸ்ஸதிஸுத்தங் • 10. Dutiyamaraṇassatisuttaṃ
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / அங்கு³த்தரனிகாய (அட்ட²கதா²) • Aṅguttaranikāya (aṭṭhakathā) / 10. து³தியமரணஸ்ஸதிஸுத்தவண்ணனா • 10. Dutiyamaraṇassatisuttavaṇṇanā
