| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
১০. দুতিযমরণস্সতিসুত্তৰণ্ণনা
10. Dutiyamaraṇassatisuttavaṇṇanā
২০. দসমে নিক্খন্তেতি ৰীতিৰত্তে। পতিগতাযাতি পচ্চাগতায, সম্পত্তাযাতি অত্থো। তেনাহ ‘‘পটিপন্নাযা’’তি। সো মমস্স অন্তরাযোতি যথাৰুত্তা ন কেৰলং কালকিরিযাৰ, মম অতিদুল্লভং খণং লভিত্ৰা তস্স সত্থুসাসনমনসিকারস্স চেৰ জীৰিতস্স চ সগ্গমোক্খানঞ্চ অন্তরাযো অস্স, ভৰেয্যাতি অত্থো। তেনাহ ‘‘তিৰিধো অন্তরাযো’’তিআদি। ৰিপজ্জেয্যাতি ৰিপত্তিং গচ্ছেয্য। সত্থকেন ৰিয অঙ্গপচ্চঙ্গানং কন্তনকারকা কাযে সন্ধিবন্ধনচ্ছেদকৰাতা সত্থকৰাতা। কত্তুকম্যতাছন্দোতি নিয্যানাৰহো কত্তুকম্যতাকুসলচ্ছন্দো। পযোগৰীরিযন্তি ভাৰনানুযোগৰীরিযং। ন পটিৰাতি ন পটিনিৰত্ততীতি অপ্পটিৰানী, অন্তরা ৰোসানানাপজ্জনৰীরিযং। তেনাহ ‘‘অনুক্কণ্ঠনা অপ্পটিসঙ্ঘরণা’’তি।
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
দুতিযমরণস্সতিসুত্তৰণ্ণনা নিট্ঠিতা।
Dutiyamaraṇassatisuttavaṇṇanā niṭṭhitā.
সারণীযৰগ্গৰণ্ণনা নিট্ঠিতা।
Sāraṇīyavaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya / ১০. দুতিযমরণস্সতিসুত্তং • 10. Dutiyamaraṇassatisuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā) / ১০. দুতিযমরণস্সতিসুত্তৰণ্ণনা • 10. Dutiyamaraṇassatisuttavaṇṇanā
