| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๑๐. ทุติยมรณสฺสติสุตฺตวณฺณนา
10. Dutiyamaraṇassatisuttavaṇṇanā
๒๐. ทสเม นิกฺขเนฺตติ วีติวเตฺตฯ ปติคตายาติ ปจฺจาคตาย, สมฺปตฺตายาติ อโตฺถฯ เตนาห ‘‘ปฎิปนฺนายา’’ติฯ โส มมสฺส อนฺตราโยติ ยถาวุตฺตา น เกวลํ กาลกิริยาว, มม อติทุลฺลภํ ขณํ ลภิตฺวา ตสฺส สตฺถุสาสนมนสิการสฺส เจว ชีวิตสฺส จ สคฺคโมกฺขานญฺจ อนฺตราโย อสฺส, ภเวยฺยาติ อโตฺถฯ เตนาห ‘‘ติวิโธ อนฺตราโย’’ติอาทิฯ วิปเชฺชยฺยาติ วิปตฺติํ คเจฺฉยฺยฯ สตฺถเกน วิย องฺคปจฺจงฺคานํ กนฺตนการกา กาเย สนฺธิพนฺธนเจฺฉทกวาตา สตฺถกวาตาฯ กตฺตุกมฺยตาฉโนฺทติ นิยฺยานาวโห กตฺตุกมฺยตากุสลจฺฉโนฺทฯ ปโยควีริยนฺติ ภาวนานุโยควีริยํฯ น ปฎิวาติ น ปฎินิวตฺตตีติ อปฺปฎิวานี, อนฺตรา โวสานานาปชฺชนวีริยํฯ เตนาห ‘‘อนุกฺกณฺฐนา อปฺปฎิสงฺฆรณา’’ติฯ
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
ทุติยมรณสฺสติสุตฺตวณฺณนา นิฎฺฐิตาฯ
Dutiyamaraṇassatisuttavaṇṇanā niṭṭhitā.
สารณียวคฺควณฺณนา นิฎฺฐิตาฯ
Sāraṇīyavaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya / ๑๐. ทุติยมรณสฺสติสุตฺตํ • 10. Dutiyamaraṇassatisuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๑๐. ทุติยมรณสฺสติสุตฺตวณฺณนา • 10. Dutiyamaraṇassatisuttavaṇṇanā
