| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
១០. ទុតិយមរណស្សតិសុត្តវណ្ណនា
10. Dutiyamaraṇassatisuttavaṇṇanā
២០. ទសមេ និក្ខន្តេតិ វីតិវត្តេ។ បតិគតាយាតិ បច្ចាគតាយ, សម្បត្តាយាតិ អត្ថោ។ តេនាហ ‘‘បដិបន្នាយា’’តិ។ សោ មមស្ស អន្តរាយោតិ យថាវុត្តា ន កេវលំ កាលកិរិយាវ, មម អតិទុល្លភំ ខណំ លភិត្វា តស្ស សត្ថុសាសនមនសិការស្ស ចេវ ជីវិតស្ស ច សគ្គមោក្ខានញ្ច អន្តរាយោ អស្ស, ភវេយ្យាតិ អត្ថោ។ តេនាហ ‘‘តិវិធោ អន្តរាយោ’’តិអាទិ។ វិបជ្ជេយ្យាតិ វិបត្តិំ គច្ឆេយ្យ។ សត្ថកេន វិយ អង្គបច្ចង្គានំ កន្តនការកា កាយេ សន្ធិពន្ធនច្ឆេទកវាតា សត្ថកវាតា។ កត្តុកម្យតាឆន្ទោតិ និយ្យានាវហោ កត្តុកម្យតាកុសលច្ឆន្ទោ។ បយោគវីរិយន្តិ ភាវនានុយោគវីរិយំ។ ន បដិវាតិ ន បដិនិវត្តតីតិ អប្បដិវានី, អន្តរា វោសានានាបជ្ជនវីរិយំ។ តេនាហ ‘‘អនុក្កណ្ឋនា អប្បដិសង្ឃរណា’’តិ។
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
ទុតិយមរណស្សតិសុត្តវណ្ណនា និដ្ឋិតា។
Dutiyamaraṇassatisuttavaṇṇanā niṭṭhitā.
សារណីយវគ្គវណ្ណនា និដ្ឋិតា។
Sāraṇīyavaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya / ១០. ទុតិយមរណស្សតិសុត្តំ • 10. Dutiyamaraṇassatisuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ១០. ទុតិយមរណស្សតិសុត្តវណ្ណនា • 10. Dutiyamaraṇassatisuttavaṇṇanā
