| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၁၀. ဒုတိယမရဏသ္သတိသုတ္တဝဏ္ဏနာ
10. Dutiyamaraṇassatisuttavaṇṇanā
၂၀. ဒသမေ နိက္ခန္တေတိ ဝီတိဝတ္တေ။ ပတိဂတာယာတိ ပစ္စာဂတာယ, သမ္ပတ္တာယာတိ အတ္ထော။ တေနာဟ ‘‘ပဋိပန္နာယာ’’တိ။ သော မမသ္သ အန္တရာယောတိ ယထာဝုတ္တာ န ကေဝလံ ကာလကိရိယာဝ, မမ အတိဒုလ္လဘံ ခဏံ လဘိတ္ဝာ တသ္သ သတ္ထုသာသနမနသိကာရသ္သ စေဝ ဇီဝိတသ္သ စ သဂ္ဂမောက္ခာနဉ္စ အန္တရာယော အသ္သ, ဘဝေယ္ယာတိ အတ္ထော။ တေနာဟ ‘‘တိဝိဓော အန္တရာယော’’တိအာဒိ။ ဝိပဇ္ဇေယ္ယာတိ ဝိပတ္တိံ ဂစ္ဆေယ္ယ။ သတ္ထကေန ဝိယ အင္ဂပစ္စင္ဂာနံ ကန္တနကာရကာ ကာယေ သန္ဓိဗန္ဓနစ္ဆေဒကဝာတာ သတ္ထကဝာတာ။ ကတ္တုကမ္ယတာဆန္ဒောတိ နိယ္ယာနာဝဟော ကတ္တုကမ္ယတာကုသလစ္ဆန္ဒော။ ပယောဂဝီရိယန္တိ ဘာဝနာနုယောဂဝီရိယံ။ န ပဋိဝာတိ န ပဋိနိဝတ္တတီတိ အပ္ပဋိဝာနီ, အန္တရာ ဝောသာနာနာပဇ္ဇနဝီရိယံ။ တေနာဟ ‘‘အနုက္ကဏ္ဌနာ အပ္ပဋိသင္ဃရဏာ’’တိ။
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
ဒုတိယမရဏသ္သတိသုတ္တဝဏ္ဏနာ နိဋ္ဌိတာ။
Dutiyamaraṇassatisuttavaṇṇanā niṭṭhitā.
သာရဏီယဝဂ္ဂဝဏ္ဏနာ နိဋ္ဌိတာ။
Sāraṇīyavaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya / ၁၀. ဒုတိယမရဏသ္သတိသုတ္တံ • 10. Dutiyamaraṇassatisuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā) / ၁၀. ဒုတိယမရဏသ္သတိသုတ္တဝဏ္ဏနာ • 10. Dutiyamaraṇassatisuttavaṇṇanā
