| Library / Tipiṭaka / ತಿಪಿಟಕ • Tipiṭaka / ಅಙ್ಗುತ್ತರನಿಕಾಯ (ಟೀಕಾ) • Aṅguttaranikāya (ṭīkā) |
೧೦. ದುತಿಯಮರಣಸ್ಸತಿಸುತ್ತವಣ್ಣನಾ
10. Dutiyamaraṇassatisuttavaṇṇanā
೨೦. ದಸಮೇ ನಿಕ್ಖನ್ತೇತಿ ವೀತಿವತ್ತೇ। ಪತಿಗತಾಯಾತಿ ಪಚ್ಚಾಗತಾಯ, ಸಮ್ಪತ್ತಾಯಾತಿ ಅತ್ಥೋ। ತೇನಾಹ ‘‘ಪಟಿಪನ್ನಾಯಾ’’ತಿ। ಸೋ ಮಮಸ್ಸ ಅನ್ತರಾಯೋತಿ ಯಥಾವುತ್ತಾ ನ ಕೇವಲಂ ಕಾಲಕಿರಿಯಾವ, ಮಮ ಅತಿದುಲ್ಲಭಂ ಖಣಂ ಲಭಿತ್ವಾ ತಸ್ಸ ಸತ್ಥುಸಾಸನಮನಸಿಕಾರಸ್ಸ ಚೇವ ಜೀವಿತಸ್ಸ ಚ ಸಗ್ಗಮೋಕ್ಖಾನಞ್ಚ ಅನ್ತರಾಯೋ ಅಸ್ಸ, ಭವೇಯ್ಯಾತಿ ಅತ್ಥೋ। ತೇನಾಹ ‘‘ತಿವಿಧೋ ಅನ್ತರಾಯೋ’’ತಿಆದಿ। ವಿಪಜ್ಜೇಯ್ಯಾತಿ ವಿಪತ್ತಿಂ ಗಚ್ಛೇಯ್ಯ। ಸತ್ಥಕೇನ ವಿಯ ಅಙ್ಗಪಚ್ಚಙ್ಗಾನಂ ಕನ್ತನಕಾರಕಾ ಕಾಯೇ ಸನ್ಧಿಬನ್ಧನಚ್ಛೇದಕವಾತಾ ಸತ್ಥಕವಾತಾ। ಕತ್ತುಕಮ್ಯತಾಛನ್ದೋತಿ ನಿಯ್ಯಾನಾವಹೋ ಕತ್ತುಕಮ್ಯತಾಕುಸಲಚ್ಛನ್ದೋ। ಪಯೋಗವೀರಿಯನ್ತಿ ಭಾವನಾನುಯೋಗವೀರಿಯಂ। ನ ಪಟಿವಾತಿ ನ ಪಟಿನಿವತ್ತತೀತಿ ಅಪ್ಪಟಿವಾನೀ, ಅನ್ತರಾ ವೋಸಾನಾನಾಪಜ್ಜನವೀರಿಯಂ। ತೇನಾಹ ‘‘ಅನುಕ್ಕಣ್ಠನಾ ಅಪ್ಪಟಿಸಙ್ಘರಣಾ’’ತಿ।
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
ದುತಿಯಮರಣಸ್ಸತಿಸುತ್ತವಣ್ಣನಾ ನಿಟ್ಠಿತಾ।
Dutiyamaraṇassatisuttavaṇṇanā niṭṭhitā.
ಸಾರಣೀಯವಗ್ಗವಣ್ಣನಾ ನಿಟ್ಠಿತಾ।
Sāraṇīyavaggavaṇṇanā niṭṭhitā.
Related texts:
ತಿಪಿಟಕ (ಮೂಲ) • Tipiṭaka (Mūla) / ಸುತ್ತಪಿಟಕ • Suttapiṭaka / ಅಙ್ಗುತ್ತರನಿಕಾಯ • Aṅguttaranikāya / ೧೦. ದುತಿಯಮರಣಸ್ಸತಿಸುತ್ತಂ • 10. Dutiyamaraṇassatisuttaṃ
ಅಟ್ಠಕಥಾ • Aṭṭhakathā / ಸುತ್ತಪಿಟಕ (ಅಟ್ಠಕಥಾ) • Suttapiṭaka (aṭṭhakathā) / ಅಙ್ಗುತ್ತರನಿಕಾಯ (ಅಟ್ಠಕಥಾ) • Aṅguttaranikāya (aṭṭhakathā) / ೧೦. ದುತಿಯಮರಣಸ್ಸತಿಸುತ್ತವಣ್ಣನಾ • 10. Dutiyamaraṇassatisuttavaṇṇanā
