| Library / Tipiṭaka / ཏིཔིཊཀ • Tipiṭaka / ཨངྒུཏྟརནིཀཱཡ (ཊཱིཀཱ) • Aṅguttaranikāya (ṭīkā) |
༡༠. དུཏིཡམརཎསྶཏིསུཏྟཝཎྞནཱ
10. Dutiyamaraṇassatisuttavaṇṇanā
༢༠. དསམེ ནིཀྑནྟེཏི ཝཱིཏིཝཏྟེ། པཏིགཏཱཡཱཏི པཙྩཱགཏཱཡ, སམྤཏྟཱཡཱཏི ཨཏྠོ། ཏེནཱཧ ‘‘པཊིཔནྣཱཡཱ’’ཏི། སོ མམསྶ ཨནྟརཱཡོཏི ཡཐཱཝུཏྟཱ ན ཀེཝལཾ ཀཱལཀིརིཡཱཝ, མམ ཨཏིདུལླབྷཾ ཁཎཾ ལབྷིཏྭཱ ཏསྶ སཏྠུསཱསནམནསིཀཱརསྶ ཙེཝ ཛཱིཝིཏསྶ ཙ སགྒམོཀྑཱནཉྩ ཨནྟརཱཡོ ཨསྶ, བྷཝེཡྻཱཏི ཨཏྠོ། ཏེནཱཧ ‘‘ཏིཝིདྷོ ཨནྟརཱཡོ’’ཏིཨཱདི། ཝིཔཛྫེཡྻཱཏི ཝིཔཏྟིཾ གཙྪེཡྻ། སཏྠཀེན ཝིཡ ཨངྒཔཙྩངྒཱནཾ ཀནྟནཀཱརཀཱ ཀཱཡེ སནྡྷིབནྡྷནཙྪེདཀཝཱཏཱ སཏྠཀཝཱཏཱ། ཀཏྟུཀམྱཏཱཚནྡོཏི ནིཡྻཱནཱཝཧོ ཀཏྟུཀམྱཏཱཀུསལཙྪནྡོ། པཡོགཝཱིརིཡནྟི བྷཱཝནཱནུཡོགཝཱིརིཡཾ། ན པཊིཝཱཏི ན པཊིནིཝཏྟཏཱིཏི ཨཔྤཊིཝཱནཱི, ཨནྟརཱ ཝོསཱནཱནཱཔཛྫནཝཱིརིཡཾ། ཏེནཱཧ ‘‘ཨནུཀྐཎྛནཱ ཨཔྤཊིསངྒྷརཎཱ’’ཏི།
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
དུཏིཡམརཎསྶཏིསུཏྟཝཎྞནཱ ནིཊྛིཏཱ།
Dutiyamaraṇassatisuttavaṇṇanā niṭṭhitā.
སཱརཎཱིཡཝགྒཝཎྞནཱ ནིཊྛིཏཱ།
Sāraṇīyavaggavaṇṇanā niṭṭhitā.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / ཨངྒུཏྟརནིཀཱཡ • Aṅguttaranikāya / ༡༠. དུཏིཡམརཎསྶཏིསུཏྟཾ • 10. Dutiyamaraṇassatisuttaṃ
ཨཊྛཀཐཱ • Aṭṭhakathā / སུཏྟཔིཊཀ (ཨཊྛཀཐཱ) • Suttapiṭaka (aṭṭhakathā) / ཨངྒུཏྟརནིཀཱཡ (ཨཊྛཀཐཱ) • Aṅguttaranikāya (aṭṭhakathā) / ༡༠. དུཏིཡམརཎསྶཏིསུཏྟཝཎྞནཱ • 10. Dutiyamaraṇassatisuttavaṇṇanā
