| Library / Tipiṭaka / ਤਿਪਿਟਕ • Tipiṭaka / ਅਙ੍ਗੁਤ੍ਤਰਨਿਕਾਯ (ਟੀਕਾ) • Aṅguttaranikāya (ṭīkā) |
੧੦. ਦੁਤਿਯਮਰਣਸ੍ਸਤਿਸੁਤ੍ਤવਣ੍ਣਨਾ
10. Dutiyamaraṇassatisuttavaṇṇanā
੨੦. ਦਸਮੇ ਨਿਕ੍ਖਨ੍ਤੇਤਿ વੀਤਿવਤ੍ਤੇ। ਪਤਿਗਤਾਯਾਤਿ ਪਚ੍ਚਾਗਤਾਯ, ਸਮ੍ਪਤ੍ਤਾਯਾਤਿ ਅਤ੍ਥੋ। ਤੇਨਾਹ ‘‘ਪਟਿਪਨ੍ਨਾਯਾ’’ਤਿ। ਸੋ ਮਮਸ੍ਸ ਅਨ੍ਤਰਾਯੋਤਿ ਯਥਾવੁਤ੍ਤਾ ਨ ਕੇવਲਂ ਕਾਲਕਿਰਿਯਾવ, ਮਮ ਅਤਿਦੁਲ੍ਲਭਂ ਖਣਂ ਲਭਿਤ੍વਾ ਤਸ੍ਸ ਸਤ੍ਥੁਸਾਸਨਮਨਸਿਕਾਰਸ੍ਸ ਚੇવ ਜੀવਿਤਸ੍ਸ ਚ ਸਗ੍ਗਮੋਕ੍ਖਾਨਞ੍ਚ ਅਨ੍ਤਰਾਯੋ ਅਸ੍ਸ, ਭવੇਯ੍ਯਾਤਿ ਅਤ੍ਥੋ। ਤੇਨਾਹ ‘‘ਤਿવਿਧੋ ਅਨ੍ਤਰਾਯੋ’’ਤਿਆਦਿ। વਿਪਜ੍ਜੇਯ੍ਯਾਤਿ વਿਪਤ੍ਤਿਂ ਗਚ੍ਛੇਯ੍ਯ। ਸਤ੍ਥਕੇਨ વਿਯ ਅਙ੍ਗਪਚ੍ਚਙ੍ਗਾਨਂ ਕਨ੍ਤਨਕਾਰਕਾ ਕਾਯੇ ਸਨ੍ਧਿਬਨ੍ਧਨਚ੍ਛੇਦਕવਾਤਾ ਸਤ੍ਥਕવਾਤਾ। ਕਤ੍ਤੁਕਮ੍ਯਤਾਛਨ੍ਦੋਤਿ ਨਿਯ੍ਯਾਨਾવਹੋ ਕਤ੍ਤੁਕਮ੍ਯਤਾਕੁਸਲਚ੍ਛਨ੍ਦੋ। ਪਯੋਗવੀਰਿਯਨ੍ਤਿ ਭਾવਨਾਨੁਯੋਗવੀਰਿਯਂ। ਨ ਪਟਿવਾਤਿ ਨ ਪਟਿਨਿવਤ੍ਤਤੀਤਿ ਅਪ੍ਪਟਿવਾਨੀ, ਅਨ੍ਤਰਾ વੋਸਾਨਾਨਾਪਜ੍ਜਨવੀਰਿਯਂ। ਤੇਨਾਹ ‘‘ਅਨੁਕ੍ਕਣ੍ਠਨਾ ਅਪ੍ਪਟਿਸਙ੍ਘਰਣਾ’’ਤਿ।
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
ਦੁਤਿਯਮਰਣਸ੍ਸਤਿਸੁਤ੍ਤવਣ੍ਣਨਾ ਨਿਟ੍ਠਿਤਾ।
Dutiyamaraṇassatisuttavaṇṇanā niṭṭhitā.
ਸਾਰਣੀਯવਗ੍ਗવਣ੍ਣਨਾ ਨਿਟ੍ਠਿਤਾ।
Sāraṇīyavaggavaṇṇanā niṭṭhitā.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਅਙ੍ਗੁਤ੍ਤਰਨਿਕਾਯ • Aṅguttaranikāya / ੧੦. ਦੁਤਿਯਮਰਣਸ੍ਸਤਿਸੁਤ੍ਤਂ • 10. Dutiyamaraṇassatisuttaṃ
ਅਟ੍ਠਕਥਾ • Aṭṭhakathā / ਸੁਤ੍ਤਪਿਟਕ (ਅਟ੍ਠਕਥਾ) • Suttapiṭaka (aṭṭhakathā) / ਅਙ੍ਗੁਤ੍ਤਰਨਿਕਾਯ (ਅਟ੍ਠਕਥਾ) • Aṅguttaranikāya (aṭṭhakathā) / ੧੦. ਦੁਤਿਯਮਰਣਸ੍ਸਤਿਸੁਤ੍ਤવਣ੍ਣਨਾ • 10. Dutiyamaraṇassatisuttavaṇṇanā
