| Library / Tipiṭaka / തിപിടക • Tipiṭaka / അങ്ഗുത്തരനികായ (ടീകാ) • Aṅguttaranikāya (ṭīkā) |
൧൦. ദുതിയമരണസ്സതിസുത്തവണ്ണനാ
10. Dutiyamaraṇassatisuttavaṇṇanā
൨൦. ദസമേ നിക്ഖന്തേതി വീതിവത്തേ. പതിഗതായാതി പച്ചാഗതായ, സമ്പത്തായാതി അത്ഥോ. തേനാഹ ‘‘പടിപന്നായാ’’തി. സോ മമസ്സ അന്തരായോതി യഥാവുത്താ ന കേവലം കാലകിരിയാവ, മമ അതിദുല്ലഭം ഖണം ലഭിത്വാ തസ്സ സത്ഥുസാസനമനസികാരസ്സ ചേവ ജീവിതസ്സ ച സഗ്ഗമോക്ഖാനഞ്ച അന്തരായോ അസ്സ, ഭവേയ്യാതി അത്ഥോ. തേനാഹ ‘‘തിവിധോ അന്തരായോ’’തിആദി. വിപജ്ജേയ്യാതി വിപത്തിം ഗച്ഛേയ്യ. സത്ഥകേന വിയ അങ്ഗപച്ചങ്ഗാനം കന്തനകാരകാ കായേ സന്ധിബന്ധനച്ഛേദകവാതാ സത്ഥകവാതാ. കത്തുകമ്യതാഛന്ദോതി നിയ്യാനാവഹോ കത്തുകമ്യതാകുസലച്ഛന്ദോ. പയോഗവീരിയന്തി ഭാവനാനുയോഗവീരിയം. ന പടിവാതി ന പടിനിവത്തതീതി അപ്പടിവാനീ, അന്തരാ വോസാനാനാപജ്ജനവീരിയം. തേനാഹ ‘‘അനുക്കണ്ഠനാ അപ്പടിസങ്ഘരണാ’’തി.
20. Dasame nikkhanteti vītivatte. Patigatāyāti paccāgatāya, sampattāyāti attho. Tenāha ‘‘paṭipannāyā’’ti. So mamassa antarāyoti yathāvuttā na kevalaṃ kālakiriyāva, mama atidullabhaṃ khaṇaṃ labhitvā tassa satthusāsanamanasikārassa ceva jīvitassa ca saggamokkhānañca antarāyo assa, bhaveyyāti attho. Tenāha ‘‘tividho antarāyo’’tiādi. Vipajjeyyāti vipattiṃ gaccheyya. Satthakena viya aṅgapaccaṅgānaṃ kantanakārakā kāye sandhibandhanacchedakavātā satthakavātā. Kattukamyatāchandoti niyyānāvaho kattukamyatākusalacchando. Payogavīriyanti bhāvanānuyogavīriyaṃ. Na paṭivāti na paṭinivattatīti appaṭivānī, antarā vosānānāpajjanavīriyaṃ. Tenāha ‘‘anukkaṇṭhanā appaṭisaṅgharaṇā’’ti.
ദുതിയമരണസ്സതിസുത്തവണ്ണനാ നിട്ഠിതാ.
Dutiyamaraṇassatisuttavaṇṇanā niṭṭhitā.
സാരണീയവഗ്ഗവണ്ണനാ നിട്ഠിതാ.
Sāraṇīyavaggavaṇṇanā niṭṭhitā.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / അങ്ഗുത്തരനികായ • Aṅguttaranikāya / ൧൦. ദുതിയമരണസ്സതിസുത്തം • 10. Dutiyamaraṇassatisuttaṃ
അട്ഠകഥാ • Aṭṭhakathā / സുത്തപിടക (അട്ഠകഥാ) • Suttapiṭaka (aṭṭhakathā) / അങ്ഗുത്തരനികായ (അട്ഠകഥാ) • Aṅguttaranikāya (aṭṭhakathā) / ൧൦. ദുതിയമരണസ്സതിസുത്തവണ്ണനാ • 10. Dutiyamaraṇassatisuttavaṇṇanā
