| Library / Tipiṭaka / திபிடக • Tipiṭaka / ஸங்யுத்தனிகாய • Saṃyuttanikāya |
2. து³தியமாரபாஸஸுத்தங்
2. Dutiyamārapāsasuttaṃ
115. ‘‘ஸந்தி, பி⁴க்க²வே, சக்கு²விஞ்ஞெய்யா ரூபா, இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய திட்ட²தி – அயங் வுச்சதி, பி⁴க்க²வே, பி⁴க்கு² ப³த்³தோ⁴ சக்கு²விஞ்ஞெய்யேஸு ரூபேஸு, ஆவாஸக³தோ மாரஸ்ஸ, மாரஸ்ஸ வஸங் க³தோ, படிமுக்கஸ்ஸ மாரபாஸோ. ப³த்³தோ⁴ ஸோ மாரப³ந்த⁴னேன யதா²காமகரணீயோ பாபிமதோ…பே॰….
115. ‘‘Santi, bhikkhave, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati – ayaṃ vuccati, bhikkhave, bhikkhu baddho cakkhuviññeyyesu rūpesu, āvāsagato mārassa, mārassa vasaṃ gato, paṭimukkassa mārapāso. Baddho so mārabandhanena yathākāmakaraṇīyo pāpimato…pe….
‘‘ஸந்தி, பி⁴க்க²வே, ஜிவ்ஹாவிஞ்ஞெய்யா ரஸா…பே॰… ஸந்தி, பி⁴க்க²வே, மனோவிஞ்ஞெய்யா த⁴ம்மா, இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² அபி⁴னந்த³தி அபி⁴வத³தி அஜ்ஜோ²ஸாய திட்ட²தி – அயங் வுச்சதி, பி⁴க்க²வே, பி⁴க்கு² ப³த்³தோ⁴ மனோவிஞ்ஞெய்யேஸு த⁴ம்மேஸு, ஆவாஸக³தோ மாரஸ்ஸ, மாரஸ்ஸ வஸங் க³தோ, படிமுக்கஸ்ஸ மாரபாஸோ. ப³த்³தோ⁴ ஸோ மாரப³ந்த⁴னேன யதா²காமகரணீயோ பாபிமதோ…பே॰….
‘‘Santi, bhikkhave, jivhāviññeyyā rasā…pe… santi, bhikkhave, manoviññeyyā dhammā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati – ayaṃ vuccati, bhikkhave, bhikkhu baddho manoviññeyyesu dhammesu, āvāsagato mārassa, mārassa vasaṃ gato, paṭimukkassa mārapāso. Baddho so mārabandhanena yathākāmakaraṇīyo pāpimato…pe….
‘‘ஸந்தி ச கோ², பி⁴க்க²வே, சக்கு²விஞ்ஞெய்யா ரூபா, இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி – அயங் வுச்சதி, பி⁴க்க²வே , பி⁴க்கு² முத்தோ சக்கு²விஞ்ஞெய்யேஹி ரூபேஹி, நாவாஸக³தோ மாரஸ்ஸ, ந மாரஸ்ஸ வஸங் க³தோ, உம்முக்கஸ்ஸ மாரபாஸோ. முத்தோ ஸோ மாரப³ந்த⁴னேன ந யதா²காமகரணீயோ பாபிமதோ…பே॰….
‘‘Santi ca kho, bhikkhave, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati – ayaṃ vuccati, bhikkhave , bhikkhu mutto cakkhuviññeyyehi rūpehi, nāvāsagato mārassa, na mārassa vasaṃ gato, ummukkassa mārapāso. Mutto so mārabandhanena na yathākāmakaraṇīyo pāpimato…pe….
‘‘ஸந்தி, பி⁴க்க²வே, ஜிவ்ஹாவிஞ்ஞெய்யா ரஸா…பே॰… ஸந்தி, பி⁴க்க²வே, மனோவிஞ்ஞெய்யா த⁴ம்மா, இட்டா² கந்தா மனாபா பியரூபா காமூபஸங்ஹிதா ரஜனீயா. தஞ்சே பி⁴க்கு² நாபி⁴னந்த³தி நாபி⁴வத³தி நாஜ்ஜோ²ஸாய திட்ட²தி – அயங் வுச்சதி, பி⁴க்க²வே, பி⁴க்கு² முத்தோ மனோவிஞ்ஞெய்யேஹி த⁴ம்மேஹி, நாவாஸக³தோ மாரஸ்ஸ, ந மாரஸ்ஸ வஸங் க³தோ, உம்முக்கஸ்ஸ மாரபாஸோ. முத்தோ ஸோ மாரப³ந்த⁴னேன ந யதா²காமகரணீயோ பாபிமதோ’’தி. து³தியங்.
‘‘Santi, bhikkhave, jivhāviññeyyā rasā…pe… santi, bhikkhave, manoviññeyyā dhammā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati – ayaṃ vuccati, bhikkhave, bhikkhu mutto manoviññeyyehi dhammehi, nāvāsagato mārassa, na mārassa vasaṃ gato, ummukkassa mārapāso. Mutto so mārabandhanena na yathākāmakaraṇīyo pāpimato’’ti. Dutiyaṃ.
Related texts:
அட்ட²கதா² • Aṭṭhakathā / ஸுத்தபிடக (அட்ட²கதா²) • Suttapiṭaka (aṭṭhakathā) / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) / 1-2. பட²மமாரபாஸஸுத்தாதி³வண்ணனா • 1-2. Paṭhamamārapāsasuttādivaṇṇanā
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 1-2. பட²மமாரபாஸஸுத்தாதி³வண்ணனா • 1-2. Paṭhamamārapāsasuttādivaṇṇanā
