| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
5. д̣̇уд̇ияамаарабаасасуд̇д̇ам̣
5. Dutiyamārapāsasuttaṃ
141. згам̣ самаяам̣ бхаг̇аваа б̣аараан̣асияам̣ вихарад̇и исибад̇анз миг̇ад̣̇ааяз. д̇ад̇ра ко бхаг̇аваа бхигкуу ааманд̇зси – ‘‘бхигкаво’’д̇и. ‘‘бхад̣̇анд̇з’’д̇и д̇з бхигкуу бхаг̇авад̇о бажжассосум̣. бхаг̇аваа зд̇ад̣̇авожа –
141. Ekaṃ samayaṃ bhagavā bārāṇasiyaṃ viharati isipatane migadāye. Tatra kho bhagavā bhikkhū āmantesi – ‘‘bhikkhavo’’ti. ‘‘Bhadante’’ti te bhikkhū bhagavato paccassosuṃ. Bhagavā etadavoca –
‘‘муд̇д̇аахам̣, бхигкавз, саб̣б̣абаасзхи яз д̣̇иб̣б̣аа яз жа маанусаа. д̇умхзби, бхигкавз, муд̇д̇аа саб̣б̣абаасзхи яз д̣̇иб̣б̣аа яз жа маанусаа. жарат̇а, бхигкавз, жааригам̣ б̣ахуж̇анахид̇ааяа б̣ахуж̇анасукааяа логаанугамбааяа ад̇т̇ааяа хид̇ааяа сукааяа д̣̇звамануссаанам̣. маа згзна д̣̇вз аг̇амид̇т̇а. д̣̇зсзт̇а, бхигкавз, д̇хаммам̣ аад̣̇игаляаан̣ам̣ маж̇жхзгаляаан̣ам̣ барияосаанагаляаан̣ам̣ саад̇т̇ам̣ саб̣яан̃ж̇анам̣ гзвалабарибун̣н̣ам̣ барисуд̣̇д̇хам̣ б̣рахмажарияам̣ багаасзт̇а. санд̇и сад̇д̇аа аббараж̇агкаж̇аад̇игаа, ассаванад̇аа д̇хаммасса барихааяанд̇и. бхависсанд̇и д̇хаммасса ан̃н̃аад̇ааро. ахамби, бхигкавз, язна урувзлаа сзнааниг̇амо д̇знубасан̇гамиссаами д̇хаммад̣̇зсанааяаа’’д̇и. ат̇а ко мааро баабимаа язна бхаг̇аваа д̇знубасан̇гами; убасан̇гамид̇ваа бхаг̇аванд̇ам̣ г̇аат̇ааяа аж̇жхабхааси –
‘‘Muttāhaṃ, bhikkhave, sabbapāsehi ye dibbā ye ca mānusā. Tumhepi, bhikkhave, muttā sabbapāsehi ye dibbā ye ca mānusā. Caratha, bhikkhave, cārikaṃ bahujanahitāya bahujanasukhāya lokānukampāya atthāya hitāya sukhāya devamanussānaṃ. Mā ekena dve agamittha. Desetha, bhikkhave, dhammaṃ ādikalyāṇaṃ majjhekalyāṇaṃ pariyosānakalyāṇaṃ sātthaṃ sabyañjanaṃ kevalaparipuṇṇaṃ parisuddhaṃ brahmacariyaṃ pakāsetha. Santi sattā apparajakkhajātikā, assavanatā dhammassa parihāyanti. Bhavissanti dhammassa aññātāro. Ahampi, bhikkhave, yena uruvelā senānigamo tenupasaṅkamissāmi dhammadesanāyā’’ti. Atha kho māro pāpimā yena bhagavā tenupasaṅkami; upasaṅkamitvā bhagavantaṃ gāthāya ajjhabhāsi –
‘‘б̣ад̣̇д̇хоси саб̣б̣абаасзхи, яз д̣̇иб̣б̣аа яз жа маанусаа;
‘‘Baddhosi sabbapāsehi, ye dibbā ye ca mānusā;
махааб̣анд̇ханаб̣ад̣̇д̇хоси, на мз саман̣а могкасий’’д̇и.
Mahābandhanabaddhosi, na me samaṇa mokkhasī’’ti.
‘‘муд̇д̇аахам̣ саб̣б̣абаасзхи, яз д̣̇иб̣б̣аа яз жа маанусаа;
‘‘Muttāhaṃ sabbapāsehi, ye dibbā ye ca mānusā;
махааб̣анд̇ханамуд̇д̇омхи, нихад̇о д̇вамаси анд̇агаа’’д̇и.
Mahābandhanamuttomhi, nihato tvamasi antakā’’ti.
ат̇а ко мааро баабимаа…бз… д̇ад̇т̇званд̇арад̇хааяийд̇и.
Atha kho māro pāpimā…pe… tatthevantaradhāyīti.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 5. д̣̇уд̇ияамаарабаасасуд̇д̇аван̣н̣анаа • 5. Dutiyamārapāsasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. д̣̇уд̇ияамаарабаасасуд̇д̇аван̣н̣анаа • 5. Dutiyamārapāsasuttavaṇṇanā
