| Library / Tipiṭaka / ติปิฎก • Tipiṭaka / สํยุตฺตนิกาย • Saṃyuttanikāya |
๒. ทุติยมารปาสสุตฺตํ
2. Dutiyamārapāsasuttaṃ
๑๑๕. ‘‘สนฺติ, ภิกฺขเว, จกฺขุวิเญฺญยฺยา รูปา, อิฎฺฐา กนฺตา มนาปา ปิยรูปา กามูปสํหิตา รชนียาฯ ตเญฺจ ภิกฺขุ อภินนฺทติ อภิวทติ อโชฺฌสาย ติฎฺฐติ – อยํ วุจฺจติ, ภิกฺขเว, ภิกฺขุ พโทฺธ จกฺขุวิเญฺญเยฺยสุ รูเปสุ, อาวาสคโต มารสฺส, มารสฺส วสํ คโต, ปฎิมุกฺกสฺส มารปาโสฯ พโทฺธ โส มารพนฺธเนน ยถากามกรณีโย ปาปิมโต…เป.…ฯ
115. ‘‘Santi, bhikkhave, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati – ayaṃ vuccati, bhikkhave, bhikkhu baddho cakkhuviññeyyesu rūpesu, āvāsagato mārassa, mārassa vasaṃ gato, paṭimukkassa mārapāso. Baddho so mārabandhanena yathākāmakaraṇīyo pāpimato…pe….
‘‘สนฺติ, ภิกฺขเว, ชิวฺหาวิเญฺญยฺยา รสา…เป.… สนฺติ, ภิกฺขเว, มโนวิเญฺญยฺยา ธมฺมา, อิฎฺฐา กนฺตา มนาปา ปิยรูปา กามูปสํหิตา รชนียาฯ ตเญฺจ ภิกฺขุ อภินนฺทติ อภิวทติ อโชฺฌสาย ติฎฺฐติ – อยํ วุจฺจติ, ภิกฺขเว, ภิกฺขุ พโทฺธ มโนวิเญฺญเยฺยสุ ธเมฺมสุ, อาวาสคโต มารสฺส, มารสฺส วสํ คโต, ปฎิมุกฺกสฺส มารปาโสฯ พโทฺธ โส มารพนฺธเนน ยถากามกรณีโย ปาปิมโต…เป.…ฯ
‘‘Santi, bhikkhave, jivhāviññeyyā rasā…pe… santi, bhikkhave, manoviññeyyā dhammā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu abhinandati abhivadati ajjhosāya tiṭṭhati – ayaṃ vuccati, bhikkhave, bhikkhu baddho manoviññeyyesu dhammesu, āvāsagato mārassa, mārassa vasaṃ gato, paṭimukkassa mārapāso. Baddho so mārabandhanena yathākāmakaraṇīyo pāpimato…pe….
‘‘สนฺติ จ โข, ภิกฺขเว, จกฺขุวิเญฺญยฺยา รูปา, อิฎฺฐา กนฺตา มนาปา ปิยรูปา กามูปสํหิตา รชนียาฯ ตเญฺจ ภิกฺขุ นาภินนฺทติ นาภิวทติ นาโชฺฌสาย ติฎฺฐติ – อยํ วุจฺจติ, ภิกฺขเว , ภิกฺขุ มุโตฺต จกฺขุวิเญฺญเยฺยหิ รูเปหิ, นาวาสคโต มารสฺส, น มารสฺส วสํ คโต, อุมฺมุกฺกสฺส มารปาโสฯ มุโตฺต โส มารพนฺธเนน น ยถากามกรณีโย ปาปิมโต…เป.…ฯ
‘‘Santi ca kho, bhikkhave, cakkhuviññeyyā rūpā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati – ayaṃ vuccati, bhikkhave , bhikkhu mutto cakkhuviññeyyehi rūpehi, nāvāsagato mārassa, na mārassa vasaṃ gato, ummukkassa mārapāso. Mutto so mārabandhanena na yathākāmakaraṇīyo pāpimato…pe….
‘‘สนฺติ, ภิกฺขเว, ชิวฺหาวิเญฺญยฺยา รสา…เป.… สนฺติ, ภิกฺขเว, มโนวิเญฺญยฺยา ธมฺมา, อิฎฺฐา กนฺตา มนาปา ปิยรูปา กามูปสํหิตา รชนียาฯ ตเญฺจ ภิกฺขุ นาภินนฺทติ นาภิวทติ นาโชฺฌสาย ติฎฺฐติ – อยํ วุจฺจติ, ภิกฺขเว, ภิกฺขุ มุโตฺต มโนวิเญฺญเยฺยหิ ธเมฺมหิ, นาวาสคโต มารสฺส, น มารสฺส วสํ คโต, อุมฺมุกฺกสฺส มารปาโสฯ มุโตฺต โส มารพนฺธเนน น ยถากามกรณีโย ปาปิมโต’’ติฯ ทุติยํฯ
‘‘Santi, bhikkhave, jivhāviññeyyā rasā…pe… santi, bhikkhave, manoviññeyyā dhammā, iṭṭhā kantā manāpā piyarūpā kāmūpasaṃhitā rajanīyā. Tañce bhikkhu nābhinandati nābhivadati nājjhosāya tiṭṭhati – ayaṃ vuccati, bhikkhave, bhikkhu mutto manoviññeyyehi dhammehi, nāvāsagato mārassa, na mārassa vasaṃ gato, ummukkassa mārapāso. Mutto so mārabandhanena na yathākāmakaraṇīyo pāpimato’’ti. Dutiyaṃ.
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / สํยุตฺตนิกาย (อฎฺฐกถา) • Saṃyuttanikāya (aṭṭhakathā) / ๑-๒. ปฐมมารปาสสุตฺตาทิวณฺณนา • 1-2. Paṭhamamārapāsasuttādivaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / สํยุตฺตนิกาย (ฎีกา) • Saṃyuttanikāya (ṭīkā) / ๑-๒. ปฐมมารปาสสุตฺตาทิวณฺณนา • 1-2. Paṭhamamārapāsasuttādivaṇṇanā
