| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
5. து³தியமாரபாஸஸுத்தவண்ணனா
5. Dutiyamārapāsasuttavaṇṇanā
141. பஞ்சமே முத்தாஹந்தி முத்தோ அஹங். புரிமங் ஸுத்தங் அந்தோவஸ்ஸே வுத்தங், இத³ங் பன பவாரெத்வா வுட்ட²வஸ்ஸகாலே. சாரிகந்தி அனுபுப்³ப³க³மனசாரிகங். (பவாரெத்வா) தி³வஸே தி³வஸே யோஜனபரமங் க³ச்ச²ந்தா சரதா²தி வத³தி. மா ஏகேன த்³வேதி ஏகமக்³கே³ன த்³வே ஜனா மா அக³மித்த². ஏவஞ்ஹி க³தேஸு ஏகஸ்மிங் த⁴ம்மங் தே³ஸெந்தே, ஏகேன துண்ஹீபூ⁴தேன டா²தப்³ப³ங் ஹோதி. தஸ்மா ஏவமாஹ.
141. Pañcame muttāhanti mutto ahaṃ. Purimaṃ suttaṃ antovasse vuttaṃ, idaṃ pana pavāretvā vuṭṭhavassakāle. Cārikanti anupubbagamanacārikaṃ. (Pavāretvā) divase divase yojanaparamaṃ gacchantā carathāti vadati. Mā ekena dveti ekamaggena dve janā mā agamittha. Evañhi gatesu ekasmiṃ dhammaṃ desente, ekena tuṇhībhūtena ṭhātabbaṃ hoti. Tasmā evamāha.
ஆதி³கல்யாணந்தி ஆதி³ம்ஹி கல்யாணங் ஸுந்த³ரங் ப⁴த்³த³கங். ததா² மஜ்ஜ²பரியோஸானேஸு. ஆதி³மஜ்ஜ²பரியோஸானஞ்ச நாமேதங் ஸாஸனஸ்ஸ ச தே³ஸனாய ச வஸேன து³வித⁴ங். தத்த² ஸாஸனஸ்ஸ ஸீலங் ஆதி³, ஸமத²விபஸ்ஸனாமக்³கா³ மஜ்ஜ²ங், ப²லனிப்³பா³னானி பரியோஸானங். ஸீலஸமாத⁴யோ வா ஆதி³ , விபஸ்ஸனாமக்³கா³ மஜ்ஜ²ங், ப²லனிப்³பா³னானி பரியோஸானங். ஸீலஸமாதி⁴விபஸ்ஸனா வா ஆதி³, மக்³கோ³ மஜ்ஜ²ங், ப²லனிப்³பா³னானி பரியோஸானங். தே³ஸனாய பன சதுப்பதி³காய கா³தா²ய தாவ பட²மபாதோ³ ஆதி³, து³தியததியா மஜ்ஜ²ங், சதுத்தோ² பரியோஸானங். பஞ்சபத³ச²ப்பதா³னங் பட²மபாதோ³ ஆதி³, அவஸானபாதோ³ பரியோஸானங், அவஸேஸா மஜ்ஜ²ங். ஏகானுஸந்தி⁴கஸுத்தஸ்ஸ நிதா³னங் ஆதி³, ‘‘இத³மவோசா’’தி பரியோஸானங், ஸேஸங் மஜ்ஜ²ங். அனேகானுஸந்தி⁴கஸ்ஸ மஜ்ஜே² ப³ஹூபி அனுஸந்தி⁴ மஜ்ஜ²மேவ, நிதா³னங் ஆதி³, ‘‘இத³மவோசா’’தி பரியோஸானங்.
Ādikalyāṇanti ādimhi kalyāṇaṃ sundaraṃ bhaddakaṃ. Tathā majjhapariyosānesu. Ādimajjhapariyosānañca nāmetaṃ sāsanassa ca desanāya ca vasena duvidhaṃ. Tattha sāsanassa sīlaṃ ādi, samathavipassanāmaggā majjhaṃ, phalanibbānāni pariyosānaṃ. Sīlasamādhayo vā ādi , vipassanāmaggā majjhaṃ, phalanibbānāni pariyosānaṃ. Sīlasamādhivipassanā vā ādi, maggo majjhaṃ, phalanibbānāni pariyosānaṃ. Desanāya pana catuppadikāya gāthāya tāva paṭhamapādo ādi, dutiyatatiyā majjhaṃ, catuttho pariyosānaṃ. Pañcapadachappadānaṃ paṭhamapādo ādi, avasānapādo pariyosānaṃ, avasesā majjhaṃ. Ekānusandhikasuttassa nidānaṃ ādi, ‘‘idamavocā’’ti pariyosānaṃ, sesaṃ majjhaṃ. Anekānusandhikassa majjhe bahūpi anusandhi majjhameva, nidānaṃ ādi, ‘‘idamavocā’’ti pariyosānaṃ.
ஸாத்த²ந்தி ஸாத்த²கங் கத்வா தே³ஸேத². ஸப்³யஞ்ஜனந்தி ப்³யஞ்ஜனேஹி சேவ பதே³ஹி ச பரிபூரங் கத்வா தே³ஸேத². கேவலபரிபுண்ணந்தி ஸகலபரிபுண்ணங். பரிஸுத்³த⁴ந்தி நிருபக்கிலேஸங். ப்³ரஹ்மசரியந்தி ஸிக்க²த்தயஸங்க³ஹங் ஸாஸனப்³ரஹ்மசரியங். பகாஸேதா²தி ஆவிகரோத².
Sātthanti sātthakaṃ katvā desetha. Sabyañjananti byañjanehi ceva padehi ca paripūraṃ katvā desetha. Kevalaparipuṇṇanti sakalaparipuṇṇaṃ. Parisuddhanti nirupakkilesaṃ. Brahmacariyanti sikkhattayasaṅgahaṃ sāsanabrahmacariyaṃ. Pakāsethāti āvikarotha.
அப்பரஜக்க²ஜாதிகாதி பஞ்ஞாசக்கு²ம்ஹி அப்பகிலேஸரஜஸபா⁴வா, து³கூலஸாணியா படிச்ச²ன்னா விய சதுப்பதி³ககா³தா²பரியோஸானே அரஹத்தங் பத்துங் ஸமத்தா² ஸந்தீதி அத்தோ². அஸ்ஸவனதாதி அஸ்ஸவனதாய. பரிஹாயந்தீதி அலாப⁴பரிஹானியா த⁴ம்மதோ பரிஹாயந்தி. ஸேனானிக³மோதி பட²மகப்பிகானங் ஸேனாய நிவிட்டோ²காஸே பதிட்டி²தகா³மோ, ஸுஜாதாய வா பிது ஸேனானீ நாம நிக³மோ. தேனுபஸங்கமிஸ்ஸாமீதி நாஹங் தும்ஹே உய்யோஜெத்வா பரிவேணாதீ³னி காரெத்வா உபட்டா²காதீ³ஹி பரிசரியமானோ விஹரிஸ்ஸாமி, திண்ணங் பன ஜடிலானங் அட்³டு⁴ட்³டா⁴னி பாடிஹாரியஸஹஸ்ஸானி த³ஸ்ஸெத்வா த⁴ம்மமேவ தே³ஸேதுங் உபஸங்கமிஸ்ஸாமீதி. தேனுபஸங்கமீதி, ‘‘அயங் ஸமணோ கோ³தமோ மஹாயுத்³த⁴ங் விசாரெந்தோ விய, ‘மா ஏகேன த்³வே அக³மித்த², த⁴ம்மங் தே³ஸேதா²’தி ஸட்டி² ஜனே உய்யோஜேதி, இமஸ்மிங் பன ஏகஸ்மிம்பி த⁴ம்மங் தே³ஸெந்தே மய்ஹங் சித்தஸ்ஸாத³ங் நத்தி², ஏவங் ப³ஹூஸு தே³ஸெந்தேஸு குதோ ப⁴விஸ்ஸதி, படிபா³ஹாமி ந’’ந்தி சிந்தெத்வா உபஸங்கமி. பஞ்சமங்.
Apparajakkhajātikāti paññācakkhumhi appakilesarajasabhāvā, dukūlasāṇiyā paṭicchannā viya catuppadikagāthāpariyosāne arahattaṃ pattuṃ samatthā santīti attho. Assavanatāti assavanatāya. Parihāyantīti alābhaparihāniyā dhammato parihāyanti. Senānigamoti paṭhamakappikānaṃ senāya niviṭṭhokāse patiṭṭhitagāmo, sujātāya vā pitu senānī nāma nigamo. Tenupasaṅkamissāmīti nāhaṃ tumhe uyyojetvā pariveṇādīni kāretvā upaṭṭhākādīhi paricariyamāno viharissāmi, tiṇṇaṃ pana jaṭilānaṃ aḍḍhuḍḍhāni pāṭihāriyasahassāni dassetvā dhammameva desetuṃ upasaṅkamissāmīti. Tenupasaṅkamīti, ‘‘ayaṃ samaṇo gotamo mahāyuddhaṃ vicārento viya, ‘mā ekena dve agamittha, dhammaṃ desethā’ti saṭṭhi jane uyyojeti, imasmiṃ pana ekasmimpi dhammaṃ desente mayhaṃ cittassādaṃ natthi, evaṃ bahūsu desentesu kuto bhavissati, paṭibāhāmi na’’nti cintetvā upasaṅkami. Pañcamaṃ.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 5. து³தியமாரபாஸஸுத்தங் • 5. Dutiyamārapāsasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 5. து³தியமாரபாஸஸுத்தவண்ணனா • 5. Dutiyamārapāsasuttavaṇṇanā
