| Library / Tipiṭaka / д̇ибидага • Tipiṭaka / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) |
5. д̣̇уд̇ияамаарабаасасуд̇д̇аван̣н̣анаа
5. Dutiyamārapāsasuttavaṇṇanā
141. бан̃жамз муд̇д̇ааханд̇и муд̇д̇о ахам̣. буримам̣ суд̇д̇ам̣ анд̇овассз вуд̇д̇ам̣, ид̣̇ам̣ бана баваарзд̇ваа вудтавассагаалз. жаариганд̇и анубуб̣б̣аг̇аманажааригам̣. (баваарзд̇ваа) д̣̇ивасз д̣̇ивасз яож̇анабарамам̣ г̇ажчанд̇аа жарат̇аад̇и вад̣̇ад̇и. маа згзна д̣̇взд̇и згамаг̇г̇зна д̣̇вз ж̇анаа маа аг̇амид̇т̇а. зван̃хи г̇ад̇зсу згасмим̣ д̇хаммам̣ д̣̇зсзнд̇з, згзна д̇ун̣хийбхууд̇зна таад̇аб̣б̣ам̣ ход̇и. д̇асмаа звамааха.
141. Pañcame muttāhanti mutto ahaṃ. Purimaṃ suttaṃ antovasse vuttaṃ, idaṃ pana pavāretvā vuṭṭhavassakāle. Cārikanti anupubbagamanacārikaṃ. (Pavāretvā) divase divase yojanaparamaṃ gacchantā carathāti vadati. Mā ekena dveti ekamaggena dve janā mā agamittha. Evañhi gatesu ekasmiṃ dhammaṃ desente, ekena tuṇhībhūtena ṭhātabbaṃ hoti. Tasmā evamāha.
аад̣̇игаляаан̣анд̇и аад̣̇имхи галяаан̣ам̣ сунд̣̇арам̣ бхад̣̇д̣̇агам̣. д̇ат̇аа маж̇жхабарияосаанзсу. аад̣̇имаж̇жхабарияосаанан̃жа наамзд̇ам̣ саасанасса жа д̣̇зсанааяа жа васзна д̣̇увид̇хам̣. д̇ад̇т̇а саасанасса сийлам̣ аад̣̇и, самат̇авибассанаамаг̇г̇аа маж̇жхам̣, паланиб̣б̣аанаани барияосаанам̣. сийласамаад̇хаяо ваа аад̣̇и , вибассанаамаг̇г̇аа маж̇жхам̣, паланиб̣б̣аанаани барияосаанам̣. сийласамаад̇хивибассанаа ваа аад̣̇и, маг̇г̇о маж̇жхам̣, паланиб̣б̣аанаани барияосаанам̣. д̣̇зсанааяа бана жад̇уббад̣̇игааяа г̇аат̇ааяа д̇аава батамабаад̣̇о аад̣̇и, д̣̇уд̇ияад̇ад̇ияаа маж̇жхам̣, жад̇уд̇т̇о барияосаанам̣. бан̃жабад̣̇ачаббад̣̇аанам̣ батамабаад̣̇о аад̣̇и, авасаанабаад̣̇о барияосаанам̣, авасзсаа маж̇жхам̣. згаанусанд̇хигасуд̇д̇асса нид̣̇аанам̣ аад̣̇и, ‘‘ид̣̇амавожаа’’д̇и барияосаанам̣, сзсам̣ маж̇жхам̣. анзгаанусанд̇хигасса маж̇жхз б̣ахууби анусанд̇хи маж̇жхамзва, нид̣̇аанам̣ аад̣̇и, ‘‘ид̣̇амавожаа’’д̇и барияосаанам̣.
Ādikalyāṇanti ādimhi kalyāṇaṃ sundaraṃ bhaddakaṃ. Tathā majjhapariyosānesu. Ādimajjhapariyosānañca nāmetaṃ sāsanassa ca desanāya ca vasena duvidhaṃ. Tattha sāsanassa sīlaṃ ādi, samathavipassanāmaggā majjhaṃ, phalanibbānāni pariyosānaṃ. Sīlasamādhayo vā ādi , vipassanāmaggā majjhaṃ, phalanibbānāni pariyosānaṃ. Sīlasamādhivipassanā vā ādi, maggo majjhaṃ, phalanibbānāni pariyosānaṃ. Desanāya pana catuppadikāya gāthāya tāva paṭhamapādo ādi, dutiyatatiyā majjhaṃ, catuttho pariyosānaṃ. Pañcapadachappadānaṃ paṭhamapādo ādi, avasānapādo pariyosānaṃ, avasesā majjhaṃ. Ekānusandhikasuttassa nidānaṃ ādi, ‘‘idamavocā’’ti pariyosānaṃ, sesaṃ majjhaṃ. Anekānusandhikassa majjhe bahūpi anusandhi majjhameva, nidānaṃ ādi, ‘‘idamavocā’’ti pariyosānaṃ.
саад̇т̇анд̇и саад̇т̇агам̣ гад̇ваа д̣̇зсзт̇а. саб̣яан̃ж̇ананд̇и б̣яан̃ж̇анзхи жзва бад̣̇зхи жа барибуурам̣ гад̇ваа д̣̇зсзт̇а. гзвалабарибун̣н̣анд̇и сагалабарибун̣н̣ам̣. барисуд̣̇д̇ханд̇и нирубаггилзсам̣. б̣рахмажарияанд̇и сигкад̇д̇аяасан̇г̇ахам̣ саасанаб̣рахмажарияам̣. багаасзт̇аад̇и аавигарот̇а.
Sātthanti sātthakaṃ katvā desetha. Sabyañjananti byañjanehi ceva padehi ca paripūraṃ katvā desetha. Kevalaparipuṇṇanti sakalaparipuṇṇaṃ. Parisuddhanti nirupakkilesaṃ. Brahmacariyanti sikkhattayasaṅgahaṃ sāsanabrahmacariyaṃ. Pakāsethāti āvikarotha.
аббараж̇агкаж̇аад̇игаад̇и бан̃н̃аажагкумхи аббагилзсараж̇асабхааваа, д̣̇угууласаан̣ияаа бадижчаннаа вияа жад̇уббад̣̇игаг̇аат̇аабарияосаанз арахад̇д̇ам̣ бад̇д̇ум̣ самад̇т̇аа санд̇ийд̇и ад̇т̇о. ассаванад̇аад̇и ассаванад̇ааяа. барихааяанд̇ийд̇и алаабхабарихаанияаа д̇хаммад̇о барихааяанд̇и. сзнааниг̇амод̇и батамагаббигаанам̣ сзнааяа нивидтогаасз бад̇идтид̇аг̇аамо, суж̇аад̇ааяа ваа бид̇у сзнааний наама ниг̇амо. д̇знубасан̇гамиссаамийд̇и наахам̣ д̇умхз уяяож̇зд̇ваа баривзн̣аад̣̇ийни гаарзд̇ваа убадтаагаад̣̇ийхи барижарияамаано вихариссаами, д̇ин̣н̣ам̣ бана ж̇адилаанам̣ ад̣дхуд̣дхаани баадихаарияасахассаани д̣̇ассзд̇ваа д̇хаммамзва д̣̇зсзд̇ум̣ убасан̇гамиссаамийд̇и. д̇знубасан̇гамийд̇и, ‘‘аяам̣ саман̣о г̇од̇амо махааяуд̣̇д̇хам̣ вижаарзнд̇о вияа, ‘маа згзна д̣̇вз аг̇амид̇т̇а, д̇хаммам̣ д̣̇зсзт̇аа’д̇и садти ж̇анз уяяож̇зд̇и, имасмим̣ бана згасмимби д̇хаммам̣ д̣̇зсзнд̇з маяхам̣ жид̇д̇ассаад̣̇ам̣ над̇т̇и, звам̣ б̣ахуусу д̣̇зсзнд̇зсу гуд̇о бхависсад̇и, бадиб̣аахаами на’’нд̇и жинд̇зд̇ваа убасан̇гами. бан̃жамам̣.
Apparajakkhajātikāti paññācakkhumhi appakilesarajasabhāvā, dukūlasāṇiyā paṭicchannā viya catuppadikagāthāpariyosāne arahattaṃ pattuṃ samatthā santīti attho. Assavanatāti assavanatāya. Parihāyantīti alābhaparihāniyā dhammato parihāyanti. Senānigamoti paṭhamakappikānaṃ senāya niviṭṭhokāse patiṭṭhitagāmo, sujātāya vā pitu senānī nāma nigamo. Tenupasaṅkamissāmīti nāhaṃ tumhe uyyojetvā pariveṇādīni kāretvā upaṭṭhākādīhi paricariyamāno viharissāmi, tiṇṇaṃ pana jaṭilānaṃ aḍḍhuḍḍhāni pāṭihāriyasahassāni dassetvā dhammameva desetuṃ upasaṅkamissāmīti. Tenupasaṅkamīti, ‘‘ayaṃ samaṇo gotamo mahāyuddhaṃ vicārento viya, ‘mā ekena dve agamittha, dhammaṃ desethā’ti saṭṭhi jane uyyojeti, imasmiṃ pana ekasmimpi dhammaṃ desente mayhaṃ cittassādaṃ natthi, evaṃ bahūsu desentesu kuto bhavissati, paṭibāhāmi na’’nti cintetvā upasaṅkami. Pañcamaṃ.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / сам̣яуд̇д̇анигааяа • Saṃyuttanikāya / 5. д̣̇уд̇ияамаарабаасасуд̇д̇ам̣ • 5. Dutiyamārapāsasuttaṃ
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 5. д̣̇уд̇ияамаарабаасасуд̇д̇аван̣н̣анаа • 5. Dutiyamārapāsasuttavaṇṇanā
