| Library / Tipiṭaka / д̇ибидага • Tipiṭaka / бзд̇авад̇т̇у-адтагат̇аа • Petavatthu-aṭṭhakathā |
8. д̣̇уд̇ияамиг̇алуд̣̇д̣̇агабзд̇авад̇т̇уван̣н̣анаа
8. Dutiyamigaluddakapetavatthuvaṇṇanā
гуудааг̇аарз жа баасаад̣̇зд̇и ид̣̇ам̣ бхаг̇авад̇и взл̣уванз вихаранд̇з абарам̣ миг̇алуд̣̇д̣̇агабзд̇ам̣ аараб̣бха вуд̇д̇ам̣. рааж̇аг̇ахз гира ан̃н̃ад̇аро мааг̇авиго маан̣аво вибхавасамбанноби самаано бхог̇асукам̣ бахааяа рад̇д̇инд̣̇ивам̣ миг̇з хананд̇о вижарад̇и. д̇асса сахааяабхууд̇о зго убаасаго ануд̣̇д̣̇аяам̣ бадижжа – ‘‘саад̇ху, самма, баан̣аад̇ибаад̇ад̇о вирамаахи, маа д̇з ахоси д̣̇ийгхарад̇д̇ам̣ ахид̇ааяа д̣̇угкааяаа’’д̇и оваад̣̇ам̣ ад̣̇ааси. со д̇ам̣ анаад̣̇ияи. ат̇а со убаасаго ан̃н̃ад̇арам̣ ад̇д̇ано манобхааванийяам̣ кийн̣аасавад̇т̇зрам̣ яаажи – ‘‘саад̇ху, бханд̇з, асугабурисасса д̇ат̇аа д̇хаммам̣ д̣̇зсзт̇а, яат̇аа со баан̣аад̇ибаад̇ад̇о вирамзяяаа’’д̇и.
Kūṭāgāre ca pāsādeti idaṃ bhagavati veḷuvane viharante aparaṃ migaluddakapetaṃ ārabbha vuttaṃ. Rājagahe kira aññataro māgaviko māṇavo vibhavasampannopi samāno bhogasukhaṃ pahāya rattindivaṃ mige hananto vicarati. Tassa sahāyabhūto eko upāsako anuddayaṃ paṭicca – ‘‘sādhu, samma, pāṇātipātato viramāhi, mā te ahosi dīgharattaṃ ahitāya dukkhāyā’’ti ovādaṃ adāsi. So taṃ anādiyi. Atha so upāsako aññataraṃ attano manobhāvanīyaṃ khīṇāsavattheraṃ yāci – ‘‘sādhu, bhante, asukapurisassa tathā dhammaṃ desetha, yathā so pāṇātipātato virameyyā’’ti.
ат̇згад̣̇ивасам̣ со т̇зро рааж̇аг̇ахз бин̣д̣ааяа жаранд̇о д̇асса г̇зхад̣̇ваарз адтааси. д̇ам̣ д̣̇исваа со мааг̇авиго сан̃ж̇аад̇аб̣ахумаано бажжуг̇г̇анд̇ваа г̇зхам̣ бавзсзд̇ваа аасанам̣ бан̃н̃аабзд̇ваа ад̣̇ааси. нисийд̣̇и т̇зро бан̃н̃ад̇д̇з аасанз, соби т̇зрам̣ убасан̇гамид̇ваа нисийд̣̇и. д̇асса т̇зро баан̣аад̇ибаад̇з аад̣̇ийнавам̣, д̇ад̇о вирад̇ияаа аанисам̣сан̃жа багаасзси. со д̇ам̣ суд̇вааби д̇ад̇о вирамид̇ум̣ на ижчи. ат̇а нам̣ т̇зро ааха – ‘‘сажз, д̇вам̣ аавусо, саб̣б̣зна саб̣б̣ам̣ вирамид̇ум̣ на саггоси, рад̇д̇имби д̇аава вирамассуу’’д̇и, со ‘‘саад̇ху, бханд̇з, вирамаами рад̇д̇и’’нд̇и д̇ад̇о вирами. сзсам̣ ананд̇аравад̇т̇усад̣̇исам̣. г̇аат̇аасу бана –
Athekadivasaṃ so thero rājagahe piṇḍāya caranto tassa gehadvāre aṭṭhāsi. Taṃ disvā so māgaviko sañjātabahumāno paccuggantvā gehaṃ pavesetvā āsanaṃ paññāpetvā adāsi. Nisīdi thero paññatte āsane, sopi theraṃ upasaṅkamitvā nisīdi. Tassa thero pāṇātipāte ādīnavaṃ, tato viratiyā ānisaṃsañca pakāsesi. So taṃ sutvāpi tato viramituṃ na icchi. Atha naṃ thero āha – ‘‘sace, tvaṃ āvuso, sabbena sabbaṃ viramituṃ na sakkosi, rattimpi tāva viramassū’’ti, so ‘‘sādhu, bhante, viramāmi ratti’’nti tato virami. Sesaṃ anantaravatthusadisaṃ. Gāthāsu pana –
488.
488.
‘‘гуудааг̇аарз жа баасаад̣̇з, баллан̇гз г̇онагад̇т̇ад̇з;
‘‘Kūṭāgāre ca pāsāde, pallaṅke gonakatthate;
бан̃жан̇г̇игзна д̇уриязна, рамаси суббаваад̣̇ид̇з.
Pañcaṅgikena turiyena, ramasi suppavādite.
489.
489.
‘‘д̇ад̇о рад̇яаа вивасаанз, суурияуг̇г̇аманам̣ бад̇и;
‘‘Tato ratyā vivasāne, sūriyuggamanaṃ pati;
абавид̣̇д̇хо сусаанасмим̣, б̣ахуд̣̇угкам̣ ниг̇ажчаси.
Apaviddho susānasmiṃ, bahudukkhaṃ nigacchasi.
490.
490.
‘‘гим̣ ну гааязна ваажааяа, манасаа д̣̇уггадам̣ гад̇ам̣;
‘‘Kiṃ nu kāyena vācāya, manasā dukkaṭaṃ kataṃ;
гиссагаммавибаагзна, ид̣̇ам̣ д̣̇угкам̣ ниг̇ажчасий’’д̇и. –
Kissakammavipākena, idaṃ dukkhaṃ nigacchasī’’ti. –
д̇ийхи г̇аат̇аахи наарад̣̇ад̇т̇зро нам̣ бадибужчи. ат̇асса бзд̇о –
Tīhi gāthāhi nāradatthero naṃ paṭipucchi. Athassa peto –
491.
491.
‘‘ахам̣ рааж̇аг̇ахз раммз, раман̣ийяз г̇ириб̣б̣аж̇з;
‘‘Ahaṃ rājagahe ramme, ramaṇīye giribbaje;
миг̇алуд̣̇д̣̇о бурз аасим̣, луд̣̇д̣̇о жаасимасан̃н̃ад̇о.
Migaluddo pure āsiṃ, luddo cāsimasaññato.
492.
492.
‘‘д̇асса мз сахааяо сухад̣̇аяо, сад̣̇д̇хо ааси убаасаго;
‘‘Tassa me sahāyo suhadayo, saddho āsi upāsako;
д̇асса гулуубаго бхигку, ааси г̇од̇амасааваго;
Tassa kulūpako bhikkhu, āsi gotamasāvako;
соби мам̣ анугамбанд̇о, ниваарзси бунаббунам̣.
Sopi maṃ anukampanto, nivāresi punappunaṃ.
493.
493.
‘‘‘маагааси баабагам̣ гаммам̣, маа д̇аад̇а д̣̇уг̇г̇ад̇им̣ аг̇аа;
‘‘‘Mākāsi pāpakaṃ kammaṃ, mā tāta duggatiṃ agā;
сажз ижчаси бзжжа сукам̣, вирама баан̣авад̇хаа асам̣яамаа’.
Sace icchasi pecca sukhaṃ, virama pāṇavadhā asaṃyamā’.
494.
494.
‘‘д̇ассаахам̣ важанам̣ суд̇ваа, сукагаамасса хид̇аанугамбино;
‘‘Tassāhaṃ vacanaṃ sutvā, sukhakāmassa hitānukampino;
наагаасим̣ сагалаанусаасаним̣, жирабаабаабхирад̇о аб̣уд̣̇д̇химаа.
Nākāsiṃ sakalānusāsaniṃ, cirapāpābhirato abuddhimā.
495.
495.
‘‘со мам̣ буна бхуурисумзд̇хасо, анугамбааяа сам̣яамз нивзсаяи;
‘‘So maṃ puna bhūrisumedhaso, anukampāya saṃyame nivesayi;
‘сажз д̣̇иваа ханаси баан̣ино, ат̇а д̇з рад̇д̇им̣ бхавад̇у сам̣яамо’.
‘Sace divā hanasi pāṇino, atha te rattiṃ bhavatu saṃyamo’.
496.
496.
‘‘сваахам̣ д̣̇иваа ханид̇ваа баан̣ино, вирад̇о рад̇д̇имахоси сан̃н̃ад̇о;
‘‘Svāhaṃ divā hanitvā pāṇino, virato rattimahosi saññato;
рад̇д̇аахам̣ барижаарзми, д̣̇иваа каж̇ж̇аами д̣̇уг̇г̇ад̇о.
Rattāhaṃ paricāremi, divā khajjāmi duggato.
497.
497.
‘‘д̇асса гаммасса гусаласса, анубхоми рад̇д̇им̣ амаанусим̣;
‘‘Tassa kammassa kusalassa, anubhomi rattiṃ amānusiṃ;
д̣̇иваа бадихад̇аава гуггураа, убад̇хааванд̇и саманд̇аа каад̣̇ид̇ум̣.
Divā paṭihatāva kukkurā, upadhāvanti samantā khādituṃ.
498.
498.
‘‘яз жа д̇з сад̇ад̇аануяог̇ино, д̇хувам̣ баяуд̇д̇аа суг̇ад̇асса саасанз;
‘‘Ye ca te satatānuyogino, dhuvaṃ payuttā sugatassa sāsane;
ман̃н̃аами д̇з амад̇амзва гзвалам̣, ад̇хиг̇ажчанд̇и бад̣̇ам̣ асан̇кад̇а’’нд̇и. –
Maññāmi te amatameva kevalaṃ, adhigacchanti padaṃ asaṅkhata’’nti. –
д̇амад̇т̇ам̣ аажигки. д̇аасам̣ ад̇т̇о хздтаа вуд̇д̇анаяова.
Tamatthaṃ ācikkhi. Tāsaṃ attho heṭṭhā vuttanayova.
д̣̇уд̇ияамиг̇алуд̣̇д̣̇агабзд̇авад̇т̇уван̣н̣анаа нидтид̇аа.
Dutiyamigaluddakapetavatthuvaṇṇanā niṭṭhitā.
Related texts:
д̇ибидага (муула) • Tipiṭaka (Mūla) / суд̇д̇абидага • Suttapiṭaka / куд̣̇д̣̇аганигааяа • Khuddakanikāya / бзд̇авад̇т̇убаал̣и • Petavatthupāḷi / 8. д̣̇уд̇ияамиг̇алуд̣̇д̣̇агабзд̇авад̇т̇у • 8. Dutiyamigaluddakapetavatthu
