| Library / Tipiṭaka / д̇ибидага • Tipiṭaka / сам̣яуд̇д̇анигааяа • Saṃyuttanikāya |
7. д̣̇уд̇ияамид̇д̇аамажжасуд̇д̇ам̣
7. Dutiyamittāmaccasuttaṃ
1013. ‘‘яз д̇з, бхигкавз, анугамбзяяаат̇а, яз жа сод̇аб̣б̣ам̣ ман̃н̃зяяум̣ – мид̇д̇аа ваа амажжаа ваа н̃аад̇ий ваа саалохид̇аа ваа – д̇з, бхигкавз, жад̇уусу сод̇аабад̇д̇ияан̇г̇зсу самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа. гад̇амзсу жад̇уусу? б̣уд̣̇д̇хз авзжжаббасаад̣̇з самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа – ид̇иби со бхаг̇аваа…бз… сад̇т̇аа д̣̇звамануссаанам̣ б̣уд̣̇д̇хо бхаг̇аваа’’д̇и.
1013. ‘‘Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave, catūsu sotāpattiyaṅgesu samādapetabbā, nivesetabbā, patiṭṭhāpetabbā. Katamesu catūsu? Buddhe aveccappasāde samādapetabbā, nivesetabbā, patiṭṭhāpetabbā – itipi so bhagavā…pe… satthā devamanussānaṃ buddho bhagavā’’ti.
‘‘сияаа, бхигкавз, жад̇уннам̣ махаабхууд̇аанам̣ ан̃н̃ат̇ад̇д̇ам̣ – бат̇авийд̇хаад̇уяаа, аабод̇хаад̇уяаа, д̇зж̇од̇хаад̇уяаа, вааяод̇хаад̇уяаа – на д̇взва б̣уд̣̇д̇хз авзжжаббасаад̣̇зна саманнааг̇ад̇асса арияасаавагасса сияаа ан̃н̃ат̇ад̇д̇ам̣. д̇ад̇рид̣̇ам̣ ан̃н̃ат̇ад̇д̇ам̣ – со вад̇а б̣уд̣̇д̇хз авзжжаббасаад̣̇зна саманнааг̇ад̇о арияасааваго нираяам̣ ваа д̇иражчаанаяоним̣ ваа бзд̇д̇ивисаяам̣ ваа убабаж̇ж̇иссад̇ий’’д̇и – нзд̇ам̣ таанам̣ виж̇ж̇ад̇и. ‘‘д̇хаммз…бз… сан̇гхз…бз… арияаганд̇зсу сийлзсу самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа акан̣д̣зсу…бз… самаад̇хисам̣вад̇д̇анигзсу. сияаа, бхигкавз, жад̇уннам̣ махаабхууд̇аанам̣ ан̃н̃ат̇ад̇д̇ам̣ – бат̇авийд̇хаад̇уяаа, аабод̇хаад̇уяаа, д̇зж̇од̇хаад̇уяаа, вааяод̇хаад̇уяаа – на д̇взва арияаганд̇зхи сийлзхи саманнааг̇ад̇асса арияасаавагасса сияаа ан̃н̃ат̇ад̇д̇ам̣. д̇ад̇рид̣̇ам̣ ан̃н̃ат̇ад̇д̇ам̣ – со вад̇а арияаганд̇зхи сийлзхи саманнааг̇ад̇о арияасааваго нираяам̣ ваа д̇иражчаанаяоним̣ ваа бзд̇д̇ивисаяам̣ ваа убабаж̇ж̇иссад̇ийд̇и – нзд̇ам̣ таанам̣ виж̇ж̇ад̇и. яз д̇з, бхигкавз, анугамбзяяаат̇а, яз жа сод̇аб̣б̣ам̣ ман̃н̃зяяум̣ – мид̇д̇аа ваа амажжаа ваа н̃аад̇ий ваа саалохид̇аа ваа – д̇з, бхигкавз , имзсу жад̇уусу сод̇аабад̇д̇ияан̇г̇зсу самаад̣̇абзд̇аб̣б̣аа, нивзсзд̇аб̣б̣аа, бад̇идтаабзд̇аб̣б̣аа’’д̇и. сад̇д̇амам̣.
‘‘Siyā, bhikkhave, catunnaṃ mahābhūtānaṃ aññathattaṃ – pathavīdhātuyā, āpodhātuyā, tejodhātuyā, vāyodhātuyā – na tveva buddhe aveccappasādena samannāgatassa ariyasāvakassa siyā aññathattaṃ. Tatridaṃ aññathattaṃ – so vata buddhe aveccappasādena samannāgato ariyasāvako nirayaṃ vā tiracchānayoniṃ vā pettivisayaṃ vā upapajjissatī’’ti – netaṃ ṭhānaṃ vijjati. ‘‘Dhamme…pe… saṅghe…pe… ariyakantesu sīlesu samādapetabbā, nivesetabbā, patiṭṭhāpetabbā akhaṇḍesu…pe… samādhisaṃvattanikesu. Siyā, bhikkhave, catunnaṃ mahābhūtānaṃ aññathattaṃ – pathavīdhātuyā, āpodhātuyā, tejodhātuyā, vāyodhātuyā – na tveva ariyakantehi sīlehi samannāgatassa ariyasāvakassa siyā aññathattaṃ. Tatridaṃ aññathattaṃ – so vata ariyakantehi sīlehi samannāgato ariyasāvako nirayaṃ vā tiracchānayoniṃ vā pettivisayaṃ vā upapajjissatīti – netaṃ ṭhānaṃ vijjati. Ye te, bhikkhave, anukampeyyātha, ye ca sotabbaṃ maññeyyuṃ – mittā vā amaccā vā ñātī vā sālohitā vā – te, bhikkhave , imesu catūsu sotāpattiyaṅgesu samādapetabbā, nivesetabbā, patiṭṭhāpetabbā’’ti. Sattamaṃ.
Related texts:
адтагат̇аа • Aṭṭhakathā / суд̇д̇абидага (адтагат̇аа) • Suttapiṭaka (aṭṭhakathā) / сам̣яуд̇д̇анигааяа (адтагат̇аа) • Saṃyuttanikāya (aṭṭhakathā) / 7. д̣̇уд̇ияамид̇д̇аамажжасуд̇д̇аван̣н̣анаа • 7. Dutiyamittāmaccasuttavaṇṇanā
дийгаа • Tīkā / суд̇д̇абидага (дийгаа) • Suttapiṭaka (ṭīkā) / сам̣яуд̇д̇анигааяа (дийгаа) • Saṃyuttanikāya (ṭīkā) / 7. д̣̇уд̇ияамид̇д̇аамажжасуд̇д̇аван̣н̣анаа • 7. Dutiyamittāmaccasuttavaṇṇanā
