| Library / Tipiṭaka / திபிடக • Tipiṭaka / ஸங்யுத்தனிகாய (அட்ட²கதா²) • Saṃyuttanikāya (aṭṭhakathā) |
7. து³தியமித்தாமச்சஸுத்தவண்ணனா
7. Dutiyamittāmaccasuttavaṇṇanā
1013. ஸத்தமே அஞ்ஞத²த்தங் நாம பஸாத³ஞ்ஞத²த்தங் பா⁴வஞ்ஞத²த்தங் க³திஅஞ்ஞத²த்தங் லக்க²ணஞ்ஞத²த்தங் விபரிணாமஞ்ஞத²த்தந்தி அனேகவித⁴ங். தத்த² மஹாபூ⁴தேஸு பா⁴வஞ்ஞத²த்தங் அதி⁴ப்பேதங். ஸுவண்ணாதி³பா⁴வேன ஹி க⁴னஸண்டி²தாய பத²விதா⁴துயா விலீயித்வா உத³கபா⁴வங் ஆபஜ்ஜமானாய புரிமபா⁴வோ விக³ச்ச²தி, பா⁴வஞ்ஞத²த்தங் பஞ்ஞாயதி. லக்க²ணங் பன ந விக³ச்ச²தி, கக்க²ளலக்க²ணாவ ஹோதி. உச்சு²ரஸாதி³பா⁴வேன ச யூஸாகாரஸண்டி²தாய ஆபோதா⁴துயா ஸுஸ்ஸித்வா க⁴னபத²விபா⁴வங் ஆபஜ்ஜமானாய புரிமபா⁴வோ விக³ச்ச²தி, பா⁴வஞ்ஞத²த்தங் பஞ்ஞாயதி. லக்க²ணங் பன ந விக³ச்ச²தி, ஆப³ந்த⁴னலக்க²ணாவ ஹோதி. தத்ரித³ங் அஞ்ஞத²த்தந்தி எத்த² பன க³திஅஞ்ஞத²த்தங் அதி⁴ப்பேதங், தஞ்ஹி அரியஸாவகஸ்ஸ நத்தி². பஸாத³ஞ்ஞத²த்தம்பி நத்தி²யேவ, இத⁴ பன பஸாத³ப²லங் பகாஸேதுங் க³திஅஞ்ஞத²த்தமேவ த³ஸ்ஸிதங். ஸேஸங் ஸப்³ப³த்த² உத்தானமேவாதி.
1013. Sattame aññathattaṃ nāma pasādaññathattaṃ bhāvaññathattaṃ gatiaññathattaṃ lakkhaṇaññathattaṃ vipariṇāmaññathattanti anekavidhaṃ. Tattha mahābhūtesu bhāvaññathattaṃ adhippetaṃ. Suvaṇṇādibhāvena hi ghanasaṇṭhitāya pathavidhātuyā vilīyitvā udakabhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, kakkhaḷalakkhaṇāva hoti. Ucchurasādibhāvena ca yūsākārasaṇṭhitāya āpodhātuyā sussitvā ghanapathavibhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, ābandhanalakkhaṇāva hoti. Tatridaṃ aññathattanti ettha pana gatiaññathattaṃ adhippetaṃ, tañhi ariyasāvakassa natthi. Pasādaññathattampi natthiyeva, idha pana pasādaphalaṃ pakāsetuṃ gatiaññathattameva dassitaṃ. Sesaṃ sabbattha uttānamevāti.
ராஜகாராமவக்³கோ³ து³தியோ.
Rājakārāmavaggo dutiyo.
Related texts:
திபிடக (மூல) • Tipiṭaka (Mūla) / ஸுத்தபிடக • Suttapiṭaka / ஸங்யுத்தனிகாய • Saṃyuttanikāya / 7. து³தியமித்தாமச்சஸுத்தங் • 7. Dutiyamittāmaccasuttaṃ
டீகா • Tīkā / ஸுத்தபிடக (டீகா) • Suttapiṭaka (ṭīkā) / ஸங்யுத்தனிகாய (டீகா) • Saṃyuttanikāya (ṭīkā) / 7. து³தியமித்தாமச்சஸுத்தவண்ணனா • 7. Dutiyamittāmaccasuttavaṇṇanā
