| Library / Tipiṭaka / ཏིཔིཊཀ • Tipiṭaka / སཾཡུཏྟནིཀཱཡ (ཨཊྛཀཐཱ) • Saṃyuttanikāya (aṭṭhakathā) |
༧. དུཏིཡམིཏྟཱམཙྩསུཏྟཝཎྞནཱ
7. Dutiyamittāmaccasuttavaṇṇanā
༡༠༡༣. སཏྟམེ ཨཉྙཐཏྟཾ ནཱམ པསཱདཉྙཐཏྟཾ བྷཱཝཉྙཐཏྟཾ གཏིཨཉྙཐཏྟཾ ལཀྑཎཉྙཐཏྟཾ ཝིཔརིཎཱམཉྙཐཏྟནྟི ཨནེཀཝིདྷཾ། ཏཏྠ མཧཱབྷཱུཏེསུ བྷཱཝཉྙཐཏྟཾ ཨདྷིཔྤེཏཾ། སུཝཎྞཱདིབྷཱཝེན ཧི གྷནསཎྛིཏཱཡ པཐཝིདྷཱཏུཡཱ ཝིལཱིཡིཏྭཱ ཨུདཀབྷཱཝཾ ཨཱཔཛྫམཱནཱཡ པུརིམབྷཱཝོ ཝིགཙྪཏི, བྷཱཝཉྙཐཏྟཾ པཉྙཱཡཏི། ལཀྑཎཾ པན ན ཝིགཙྪཏི, ཀཀྑལ༹ལཀྑཎཱཝ ཧོཏི། ཨུཙྪུརསཱདིབྷཱཝེན ཙ ཡཱུསཱཀཱརསཎྛིཏཱཡ ཨཱཔོདྷཱཏུཡཱ སུསྶིཏྭཱ གྷནཔཐཝིབྷཱཝཾ ཨཱཔཛྫམཱནཱཡ པུརིམབྷཱཝོ ཝིགཙྪཏི, བྷཱཝཉྙཐཏྟཾ པཉྙཱཡཏི། ལཀྑཎཾ པན ན ཝིགཙྪཏི, ཨཱབནྡྷནལཀྑཎཱཝ ཧོཏི། ཏཏྲིདཾ ཨཉྙཐཏྟནྟི ཨེཏྠ པན གཏིཨཉྙཐཏྟཾ ཨདྷིཔྤེཏཾ, ཏཉྷི ཨརིཡསཱཝཀསྶ ནཏྠི། པསཱདཉྙཐཏྟམྤི ནཏྠིཡེཝ, ཨིདྷ པན པསཱདཕལཾ པཀཱསེཏུཾ གཏིཨཉྙཐཏྟམེཝ དསྶིཏཾ། སེསཾ སབྦཏྠ ཨུཏྟཱནམེཝཱཏི།
1013. Sattame aññathattaṃ nāma pasādaññathattaṃ bhāvaññathattaṃ gatiaññathattaṃ lakkhaṇaññathattaṃ vipariṇāmaññathattanti anekavidhaṃ. Tattha mahābhūtesu bhāvaññathattaṃ adhippetaṃ. Suvaṇṇādibhāvena hi ghanasaṇṭhitāya pathavidhātuyā vilīyitvā udakabhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, kakkhaḷalakkhaṇāva hoti. Ucchurasādibhāvena ca yūsākārasaṇṭhitāya āpodhātuyā sussitvā ghanapathavibhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, ābandhanalakkhaṇāva hoti. Tatridaṃ aññathattanti ettha pana gatiaññathattaṃ adhippetaṃ, tañhi ariyasāvakassa natthi. Pasādaññathattampi natthiyeva, idha pana pasādaphalaṃ pakāsetuṃ gatiaññathattameva dassitaṃ. Sesaṃ sabbattha uttānamevāti.
རཱཛཀཱརཱམཝགྒོ དུཏིཡོ།
Rājakārāmavaggo dutiyo.
Related texts:
ཏིཔིཊཀ (མཱུལ) • Tipiṭaka (Mūla) / སུཏྟཔིཊཀ • Suttapiṭaka / སཾཡུཏྟནིཀཱཡ • Saṃyuttanikāya / ༧. དུཏིཡམིཏྟཱམཙྩསུཏྟཾ • 7. Dutiyamittāmaccasuttaṃ
ཊཱིཀཱ • Tīkā / སུཏྟཔིཊཀ (ཊཱིཀཱ) • Suttapiṭaka (ṭīkā) / སཾཡུཏྟནིཀཱཡ (ཊཱིཀཱ) • Saṃyuttanikāya (ṭīkā) / ༧. དུཏིཡམིཏྟཱམཙྩསུཏྟཝཎྞནཱ • 7. Dutiyamittāmaccasuttavaṇṇanā
