| Library / Tipiṭaka / ਤਿਪਿਟਕ • Tipiṭaka / ਸਂਯੁਤ੍ਤਨਿਕਾਯ (ਅਟ੍ਠਕਥਾ) • Saṃyuttanikāya (aṭṭhakathā) |
੭. ਦੁਤਿਯਮਿਤ੍ਤਾਮਚ੍ਚਸੁਤ੍ਤવਣ੍ਣਨਾ
7. Dutiyamittāmaccasuttavaṇṇanā
੧੦੧੩. ਸਤ੍ਤਮੇ ਅਞ੍ਞਥਤ੍ਤਂ ਨਾਮ ਪਸਾਦਞ੍ਞਥਤ੍ਤਂ ਭਾવਞ੍ਞਥਤ੍ਤਂ ਗਤਿਅਞ੍ਞਥਤ੍ਤਂ ਲਕ੍ਖਣਞ੍ਞਥਤ੍ਤਂ વਿਪਰਿਣਾਮਞ੍ਞਥਤ੍ਤਨ੍ਤਿ ਅਨੇਕવਿਧਂ। ਤਤ੍ਥ ਮਹਾਭੂਤੇਸੁ ਭਾવਞ੍ਞਥਤ੍ਤਂ ਅਧਿਪ੍ਪੇਤਂ। ਸੁવਣ੍ਣਾਦਿਭਾવੇਨ ਹਿ ਘਨਸਣ੍ਠਿਤਾਯ ਪਥવਿਧਾਤੁਯਾ વਿਲੀਯਿਤ੍વਾ ਉਦਕਭਾવਂ ਆਪਜ੍ਜਮਾਨਾਯ ਪੁਰਿਮਭਾવੋ વਿਗਚ੍ਛਤਿ, ਭਾવਞ੍ਞਥਤ੍ਤਂ ਪਞ੍ਞਾਯਤਿ। ਲਕ੍ਖਣਂ ਪਨ ਨ વਿਗਚ੍ਛਤਿ, ਕਕ੍ਖਲ਼ਲਕ੍ਖਣਾવ ਹੋਤਿ। ਉਚ੍ਛੁਰਸਾਦਿਭਾવੇਨ ਚ ਯੂਸਾਕਾਰਸਣ੍ਠਿਤਾਯ ਆਪੋਧਾਤੁਯਾ ਸੁਸ੍ਸਿਤ੍વਾ ਘਨਪਥવਿਭਾવਂ ਆਪਜ੍ਜਮਾਨਾਯ ਪੁਰਿਮਭਾવੋ વਿਗਚ੍ਛਤਿ, ਭਾવਞ੍ਞਥਤ੍ਤਂ ਪਞ੍ਞਾਯਤਿ। ਲਕ੍ਖਣਂ ਪਨ ਨ વਿਗਚ੍ਛਤਿ, ਆਬਨ੍ਧਨਲਕ੍ਖਣਾવ ਹੋਤਿ। ਤਤ੍ਰਿਦਂ ਅਞ੍ਞਥਤ੍ਤਨ੍ਤਿ ਏਤ੍ਥ ਪਨ ਗਤਿਅਞ੍ਞਥਤ੍ਤਂ ਅਧਿਪ੍ਪੇਤਂ, ਤਞ੍ਹਿ ਅਰਿਯਸਾવਕਸ੍ਸ ਨਤ੍ਥਿ। ਪਸਾਦਞ੍ਞਥਤ੍ਤਮ੍ਪਿ ਨਤ੍ਥਿਯੇવ, ਇਧ ਪਨ ਪਸਾਦਫਲਂ ਪਕਾਸੇਤੁਂ ਗਤਿਅਞ੍ਞਥਤ੍ਤਮੇવ ਦਸ੍ਸਿਤਂ। ਸੇਸਂ ਸਬ੍ਬਤ੍ਥ ਉਤ੍ਤਾਨਮੇવਾਤਿ।
1013. Sattame aññathattaṃ nāma pasādaññathattaṃ bhāvaññathattaṃ gatiaññathattaṃ lakkhaṇaññathattaṃ vipariṇāmaññathattanti anekavidhaṃ. Tattha mahābhūtesu bhāvaññathattaṃ adhippetaṃ. Suvaṇṇādibhāvena hi ghanasaṇṭhitāya pathavidhātuyā vilīyitvā udakabhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, kakkhaḷalakkhaṇāva hoti. Ucchurasādibhāvena ca yūsākārasaṇṭhitāya āpodhātuyā sussitvā ghanapathavibhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, ābandhanalakkhaṇāva hoti. Tatridaṃ aññathattanti ettha pana gatiaññathattaṃ adhippetaṃ, tañhi ariyasāvakassa natthi. Pasādaññathattampi natthiyeva, idha pana pasādaphalaṃ pakāsetuṃ gatiaññathattameva dassitaṃ. Sesaṃ sabbattha uttānamevāti.
ਰਾਜਕਾਰਾਮવਗ੍ਗੋ ਦੁਤਿਯੋ।
Rājakārāmavaggo dutiyo.
Related texts:
ਤਿਪਿਟਕ (ਮੂਲ) • Tipiṭaka (Mūla) / ਸੁਤ੍ਤਪਿਟਕ • Suttapiṭaka / ਸਂਯੁਤ੍ਤਨਿਕਾਯ • Saṃyuttanikāya / ੭. ਦੁਤਿਯਮਿਤ੍ਤਾਮਚ੍ਚਸੁਤ੍ਤਂ • 7. Dutiyamittāmaccasuttaṃ
ਟੀਕਾ • Tīkā / ਸੁਤ੍ਤਪਿਟਕ (ਟੀਕਾ) • Suttapiṭaka (ṭīkā) / ਸਂਯੁਤ੍ਤਨਿਕਾਯ (ਟੀਕਾ) • Saṃyuttanikāya (ṭīkā) / ੭. ਦੁਤਿਯਮਿਤ੍ਤਾਮਚ੍ਚਸੁਤ੍ਤવਣ੍ਣਨਾ • 7. Dutiyamittāmaccasuttavaṇṇanā
