| Library / Tipiṭaka / തിപിടക • Tipiṭaka / സംയുത്തനികായ (അട്ഠകഥാ) • Saṃyuttanikāya (aṭṭhakathā) |
൭. ദുതിയമിത്താമച്ചസുത്തവണ്ണനാ
7. Dutiyamittāmaccasuttavaṇṇanā
൧൦൧൩. സത്തമേ അഞ്ഞഥത്തം നാമ പസാദഞ്ഞഥത്തം ഭാവഞ്ഞഥത്തം ഗതിഅഞ്ഞഥത്തം ലക്ഖണഞ്ഞഥത്തം വിപരിണാമഞ്ഞഥത്തന്തി അനേകവിധം. തത്ഥ മഹാഭൂതേസു ഭാവഞ്ഞഥത്തം അധിപ്പേതം. സുവണ്ണാദിഭാവേന ഹി ഘനസണ്ഠിതായ പഥവിധാതുയാ വിലീയിത്വാ ഉദകഭാവം ആപജ്ജമാനായ പുരിമഭാവോ വിഗച്ഛതി, ഭാവഞ്ഞഥത്തം പഞ്ഞായതി. ലക്ഖണം പന ന വിഗച്ഛതി, കക്ഖളലക്ഖണാവ ഹോതി. ഉച്ഛുരസാദിഭാവേന ച യൂസാകാരസണ്ഠിതായ ആപോധാതുയാ സുസ്സിത്വാ ഘനപഥവിഭാവം ആപജ്ജമാനായ പുരിമഭാവോ വിഗച്ഛതി, ഭാവഞ്ഞഥത്തം പഞ്ഞായതി. ലക്ഖണം പന ന വിഗച്ഛതി, ആബന്ധനലക്ഖണാവ ഹോതി. തത്രിദം അഞ്ഞഥത്തന്തി ഏത്ഥ പന ഗതിഅഞ്ഞഥത്തം അധിപ്പേതം, തഞ്ഹി അരിയസാവകസ്സ നത്ഥി. പസാദഞ്ഞഥത്തമ്പി നത്ഥിയേവ, ഇധ പന പസാദഫലം പകാസേതും ഗതിഅഞ്ഞഥത്തമേവ ദസ്സിതം. സേസം സബ്ബത്ഥ ഉത്താനമേവാതി.
1013. Sattame aññathattaṃ nāma pasādaññathattaṃ bhāvaññathattaṃ gatiaññathattaṃ lakkhaṇaññathattaṃ vipariṇāmaññathattanti anekavidhaṃ. Tattha mahābhūtesu bhāvaññathattaṃ adhippetaṃ. Suvaṇṇādibhāvena hi ghanasaṇṭhitāya pathavidhātuyā vilīyitvā udakabhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, kakkhaḷalakkhaṇāva hoti. Ucchurasādibhāvena ca yūsākārasaṇṭhitāya āpodhātuyā sussitvā ghanapathavibhāvaṃ āpajjamānāya purimabhāvo vigacchati, bhāvaññathattaṃ paññāyati. Lakkhaṇaṃ pana na vigacchati, ābandhanalakkhaṇāva hoti. Tatridaṃ aññathattanti ettha pana gatiaññathattaṃ adhippetaṃ, tañhi ariyasāvakassa natthi. Pasādaññathattampi natthiyeva, idha pana pasādaphalaṃ pakāsetuṃ gatiaññathattameva dassitaṃ. Sesaṃ sabbattha uttānamevāti.
രാജകാരാമവഗ്ഗോ ദുതിയോ.
Rājakārāmavaggo dutiyo.
Related texts:
തിപിടക (മൂല) • Tipiṭaka (Mūla) / സുത്തപിടക • Suttapiṭaka / സംയുത്തനികായ • Saṃyuttanikāya / ൭. ദുതിയമിത്താമച്ചസുത്തം • 7. Dutiyamittāmaccasuttaṃ
ടീകാ • Tīkā / സുത്തപിടക (ടീകാ) • Suttapiṭaka (ṭīkā) / സംയുത്തനികായ (ടീകാ) • Saṃyuttanikāya (ṭīkā) / ൭. ദുതിയമിത്താമച്ചസുത്തവണ്ണനാ • 7. Dutiyamittāmaccasuttavaṇṇanā
