| Library / Tipiṭaka / তিপিটক • Tipiṭaka / অঙ্গুত্তরনিকায (টীকা) • Aṅguttaranikāya (ṭīkā) |
৬-১১. দুতিযমিত্তসুত্তাদিৰণ্ণনা
6-11. Dutiyamittasuttādivaṇṇanā
৩৭-৪২. ছট্ঠে পিযো চ হোতি মনাপো চাতি কল্যাণমিত্তলক্খণং দস্সিতং। কল্যাণমিত্তো হি সদ্ধাসম্পন্নো চ হোতি সীলসম্পন্নো সুতসম্পন্নো চাগসম্পন্নো ৰীরিযসম্পন্নো সতিসম্পন্নো সমাধিসম্পন্নো পঞ্ঞাসম্পন্নো। তত্থ সদ্ধাসম্পত্তিযা সদ্দহতি তথাগতস্স সম্বোধিং কম্মঞ্চ কম্মফলঞ্চ, তেন সম্বোধিযা হেতুভূতং সত্তেসু হিতসুখং ন পরিচ্চজতি । সীলসম্পত্তিযা সত্তানং পিযো হোতি গরু ভাৰনীযো চোদকো পাপগরহী ৰত্তা ৰচনক্খমো। সুতসম্পত্তিযা সচ্চপটিচ্চসমুপ্পাদাদিপটিসংযুত্তানং গম্ভীরানং কথানং কত্তা হোতি। চাগসম্পত্তিযা অপ্পিচ্ছো হোতি সন্তুট্ঠো পৰিৰিত্তো অসংসট্ঠো। ৰীরিযসম্পত্তিযা আরদ্ধৰীরিযো হোতি অত্তহিতপরহিতপটিপত্তিযং। সতিসম্পত্তিযা উপট্ঠিতস্সতী হোতি। সমাধিসম্পত্তিযা অৰিক্খিত্তো হোতি সমাহিতচিতো। পঞ্ঞাসম্পত্তিযা অৰিপরীতং পজানাতি। সো সতিযা কুসলাকুসলানং ধম্মানং গতিযো সমন্নেসমানো পঞ্ঞায সত্তানং হিতাহিতং যথাভূতং জানিত্ৰা সমাধিনা তত্থ একগ্গচিত্তো হুত্ৰা ৰীরিযেন সত্তে অহিতে নিসেধেত্ৰা হিতে নিযোজেতি। তেন ৰুত্তং ‘‘পিযো…পে॰… নিযোজেতী’’তি। সত্তমাদীনি উত্তানত্থানি।
37-42. Chaṭṭhe piyo ca hoti manāpo cāti kalyāṇamittalakkhaṇaṃ dassitaṃ. Kalyāṇamitto hi saddhāsampanno ca hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa sambodhiṃ kammañca kammaphalañca, tena sambodhiyā hetubhūtaṃ sattesu hitasukhaṃ na pariccajati . Sīlasampattiyā sattānaṃ piyo hoti garu bhāvanīyo codako pāpagarahī vattā vacanakkhamo. Sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti. Cāgasampattiyā appiccho hoti santuṭṭho pavivitto asaṃsaṭṭho. Vīriyasampattiyā āraddhavīriyo hoti attahitaparahitapaṭipattiyaṃ. Satisampattiyā upaṭṭhitassatī hoti. Samādhisampattiyā avikkhitto hoti samāhitacito. Paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samannesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena satte ahite nisedhetvā hite niyojeti. Tena vuttaṃ ‘‘piyo…pe… niyojetī’’ti. Sattamādīni uttānatthāni.
দুতিযমিত্তসুত্তাদিৰণ্ণনা নিট্ঠিতা।
Dutiyamittasuttādivaṇṇanā niṭṭhitā.
দেৰতাৰগ্গৰণ্ণনা নিট্ঠিতা।
Devatāvaggavaṇṇanā niṭṭhitā.
Related texts:
তিপিটক (মূল) • Tipiṭaka (Mūla) / সুত্তপিটক • Suttapiṭaka / অঙ্গুত্তরনিকায • Aṅguttaranikāya
৬. দুতিযমিত্তসুত্তং • 6. Dutiyamittasuttaṃ
৭. পঠমপটিসম্ভিদাসুত্তং • 7. Paṭhamapaṭisambhidāsuttaṃ
৮. দুতিযপটিসম্ভিদাসুত্তং • 8. Dutiyapaṭisambhidāsuttaṃ
৯. পঠমৰসসুত্তং • 9. Paṭhamavasasuttaṃ
১০. দুতিযৰসসুত্তং • 10. Dutiyavasasuttaṃ
১১. পঠমনিদ্দসসুত্তং • 11. Paṭhamaniddasasuttaṃ
অট্ঠকথা • Aṭṭhakathā / সুত্তপিটক (অট্ঠকথা) • Suttapiṭaka (aṭṭhakathā) / অঙ্গুত্তরনিকায (অট্ঠকথা) • Aṅguttaranikāya (aṭṭhakathā)
৬. দুতিযমিত্তসুত্তৰণ্ণনা • 6. Dutiyamittasuttavaṇṇanā
৭. পঠমপটিসম্ভিদাসুত্তৰণ্ণনা • 7. Paṭhamapaṭisambhidāsuttavaṇṇanā
