| Library / Tipiṭaka / तिपिटक • Tipiṭaka / अङ्गुत्तरनिकाय (टीका) • Aṅguttaranikāya (ṭīkā) |
६-११. दुतियमित्तसुत्तादिवण्णना
6-11. Dutiyamittasuttādivaṇṇanā
३७-४२. छट्ठे पियो च होति मनापो चाति कल्याणमित्तलक्खणं दस्सितं। कल्याणमित्तो हि सद्धासम्पन्नो च होति सीलसम्पन्नो सुतसम्पन्नो चागसम्पन्नो वीरियसम्पन्नो सतिसम्पन्नो समाधिसम्पन्नो पञ्ञासम्पन्नो। तत्थ सद्धासम्पत्तिया सद्दहति तथागतस्स सम्बोधिं कम्मञ्च कम्मफलञ्च, तेन सम्बोधिया हेतुभूतं सत्तेसु हितसुखं न परिच्चजति । सीलसम्पत्तिया सत्तानं पियो होति गरु भावनीयो चोदको पापगरही वत्ता वचनक्खमो। सुतसम्पत्तिया सच्चपटिच्चसमुप्पादादिपटिसंयुत्तानं गम्भीरानं कथानं कत्ता होति। चागसम्पत्तिया अप्पिच्छो होति सन्तुट्ठो पविवित्तो असंसट्ठो। वीरियसम्पत्तिया आरद्धवीरियो होति अत्तहितपरहितपटिपत्तियं। सतिसम्पत्तिया उपट्ठितस्सती होति। समाधिसम्पत्तिया अविक्खित्तो होति समाहितचितो। पञ्ञासम्पत्तिया अविपरीतं पजानाति। सो सतिया कुसलाकुसलानं धम्मानं गतियो समन्नेसमानो पञ्ञाय सत्तानं हिताहितं यथाभूतं जानित्वा समाधिना तत्थ एकग्गचित्तो हुत्वा वीरियेन सत्ते अहिते निसेधेत्वा हिते नियोजेति। तेन वुत्तं ‘‘पियो…पे॰… नियोजेती’’ति। सत्तमादीनि उत्तानत्थानि।
37-42. Chaṭṭhe piyo ca hoti manāpo cāti kalyāṇamittalakkhaṇaṃ dassitaṃ. Kalyāṇamitto hi saddhāsampanno ca hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa sambodhiṃ kammañca kammaphalañca, tena sambodhiyā hetubhūtaṃ sattesu hitasukhaṃ na pariccajati . Sīlasampattiyā sattānaṃ piyo hoti garu bhāvanīyo codako pāpagarahī vattā vacanakkhamo. Sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti. Cāgasampattiyā appiccho hoti santuṭṭho pavivitto asaṃsaṭṭho. Vīriyasampattiyā āraddhavīriyo hoti attahitaparahitapaṭipattiyaṃ. Satisampattiyā upaṭṭhitassatī hoti. Samādhisampattiyā avikkhitto hoti samāhitacito. Paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samannesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena satte ahite nisedhetvā hite niyojeti. Tena vuttaṃ ‘‘piyo…pe… niyojetī’’ti. Sattamādīni uttānatthāni.
दुतियमित्तसुत्तादिवण्णना निट्ठिता।
Dutiyamittasuttādivaṇṇanā niṭṭhitā.
देवतावग्गवण्णना निट्ठिता।
Devatāvaggavaṇṇanā niṭṭhitā.
Related texts:
तिपिटक (मूल) • Tipiṭaka (Mūla) / सुत्तपिटक • Suttapiṭaka / अङ्गुत्तरनिकाय • Aṅguttaranikāya
६. दुतियमित्तसुत्तं • 6. Dutiyamittasuttaṃ
७. पठमपटिसम्भिदासुत्तं • 7. Paṭhamapaṭisambhidāsuttaṃ
८. दुतियपटिसम्भिदासुत्तं • 8. Dutiyapaṭisambhidāsuttaṃ
९. पठमवससुत्तं • 9. Paṭhamavasasuttaṃ
१०. दुतियवससुत्तं • 10. Dutiyavasasuttaṃ
११. पठमनिद्दससुत्तं • 11. Paṭhamaniddasasuttaṃ
अट्ठकथा • Aṭṭhakathā / सुत्तपिटक (अट्ठकथा) • Suttapiṭaka (aṭṭhakathā) / अङ्गुत्तरनिकाय (अट्ठकथा) • Aṅguttaranikāya (aṭṭhakathā)
६. दुतियमित्तसुत्तवण्णना • 6. Dutiyamittasuttavaṇṇanā
७. पठमपटिसम्भिदासुत्तवण्णना • 7. Paṭhamapaṭisambhidāsuttavaṇṇanā
