| Library / Tipiṭaka / ติปิฎก • Tipiṭaka / องฺคุตฺตรนิกาย (ฎีกา) • Aṅguttaranikāya (ṭīkā) |
๖-๑๑. ทุติยมิตฺตสุตฺตาทิวณฺณนา
6-11. Dutiyamittasuttādivaṇṇanā
๓๗-๔๒. ฉเฎฺฐ ปิโย จ โหติ มนาโป จาติ กลฺยาณมิตฺตลกฺขณํ ทสฺสิตํฯ กลฺยาณมิโตฺต หิ สทฺธาสมฺปโนฺน จ โหติ สีลสมฺปโนฺน สุตสมฺปโนฺน จาคสมฺปโนฺน วีริยสมฺปโนฺน สติสมฺปโนฺน สมาธิสมฺปโนฺน ปญฺญาสมฺปโนฺนฯ ตตฺถ สทฺธาสมฺปตฺติยา สทฺทหติ ตถาคตสฺส สโมฺพธิํ กมฺมญฺจ กมฺมผลญฺจ, เตน สโมฺพธิยา เหตุภูตํ สเตฺตสุ หิตสุขํ น ปริจฺจชติ ฯ สีลสมฺปตฺติยา สตฺตานํ ปิโย โหติ ครุ ภาวนีโย โจทโก ปาปครหี วตฺตา วจนกฺขโมฯ สุตสมฺปตฺติยา สจฺจปฎิจฺจสมุปฺปาทาทิปฎิสํยุตฺตานํ คมฺภีรานํ กถานํ กตฺตา โหติฯ จาคสมฺปตฺติยา อปฺปิโจฺฉ โหติ สนฺตุโฎฺฐ ปวิวิโตฺต อสํสโฎฺฐฯ วีริยสมฺปตฺติยา อารทฺธวีริโย โหติ อตฺตหิตปรหิตปฎิปตฺติยํฯ สติสมฺปตฺติยา อุปฎฺฐิตสฺสตี โหติฯ สมาธิสมฺปตฺติยา อวิกฺขิโตฺต โหติ สมาหิตจิโตฯ ปญฺญาสมฺปตฺติยา อวิปรีตํ ปชานาติฯ โส สติยา กุสลากุสลานํ ธมฺมานํ คติโย สมเนฺนสมาโน ปญฺญาย สตฺตานํ หิตาหิตํ ยถาภูตํ ชานิตฺวา สมาธินา ตตฺถ เอกคฺคจิโตฺต หุตฺวา วีริเยน สเตฺต อหิเต นิเสเธตฺวา หิเต นิโยเชติฯ เตน วุตฺตํ ‘‘ปิโย…เป.… นิโยเชตี’’ติฯ สตฺตมาทีนิ อุตฺตานตฺถานิฯ
37-42. Chaṭṭhe piyo ca hoti manāpo cāti kalyāṇamittalakkhaṇaṃ dassitaṃ. Kalyāṇamitto hi saddhāsampanno ca hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa sambodhiṃ kammañca kammaphalañca, tena sambodhiyā hetubhūtaṃ sattesu hitasukhaṃ na pariccajati . Sīlasampattiyā sattānaṃ piyo hoti garu bhāvanīyo codako pāpagarahī vattā vacanakkhamo. Sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti. Cāgasampattiyā appiccho hoti santuṭṭho pavivitto asaṃsaṭṭho. Vīriyasampattiyā āraddhavīriyo hoti attahitaparahitapaṭipattiyaṃ. Satisampattiyā upaṭṭhitassatī hoti. Samādhisampattiyā avikkhitto hoti samāhitacito. Paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samannesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena satte ahite nisedhetvā hite niyojeti. Tena vuttaṃ ‘‘piyo…pe… niyojetī’’ti. Sattamādīni uttānatthāni.
ทุติยมิตฺตสุตฺตาทิวณฺณนา นิฎฺฐิตาฯ
Dutiyamittasuttādivaṇṇanā niṭṭhitā.
เทวตาวคฺควณฺณนา นิฎฺฐิตาฯ
Devatāvaggavaṇṇanā niṭṭhitā.
Related texts:
ติปิฎก (มูล) • Tipiṭaka (Mūla) / สุตฺตปิฎก • Suttapiṭaka / องฺคุตฺตรนิกาย • Aṅguttaranikāya
๖. ทุติยมิตฺตสุตฺตํ • 6. Dutiyamittasuttaṃ
๗. ปฐมปฎิสมฺภิทาสุตฺตํ • 7. Paṭhamapaṭisambhidāsuttaṃ
๘. ทุติยปฎิสมฺภิทาสุตฺตํ • 8. Dutiyapaṭisambhidāsuttaṃ
๙. ปฐมวสสุตฺตํ • 9. Paṭhamavasasuttaṃ
๑๐. ทุติยวสสุตฺตํ • 10. Dutiyavasasuttaṃ
๑๑. ปฐมนิทฺทสสุตฺตํ • 11. Paṭhamaniddasasuttaṃ
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā)
๖. ทุติยมิตฺตสุตฺตวณฺณนา • 6. Dutiyamittasuttavaṇṇanā
๗. ปฐมปฎิสมฺภิทาสุตฺตวณฺณนา • 7. Paṭhamapaṭisambhidāsuttavaṇṇanā
