| Library / Tipiṭaka / តិបិដក • Tipiṭaka / អង្គុត្តរនិកាយ (ដីកា) • Aṅguttaranikāya (ṭīkā) |
៦-១១. ទុតិយមិត្តសុត្តាទិវណ្ណនា
6-11. Dutiyamittasuttādivaṇṇanā
៣៧-៤២. ឆដ្ឋេ បិយោ ច ហោតិ មនាបោ ចាតិ កល្យាណមិត្តលក្ខណំ ទស្សិតំ។ កល្យាណមិត្តោ ហិ សទ្ធាសម្បន្នោ ច ហោតិ សីលសម្បន្នោ សុតសម្បន្នោ ចាគសម្បន្នោ វីរិយសម្បន្នោ សតិសម្បន្នោ សមាធិសម្បន្នោ បញ្ញាសម្បន្នោ។ តត្ថ សទ្ធាសម្បត្តិយា សទ្ទហតិ តថាគតស្ស សម្ពោធិំ កម្មញ្ច កម្មផលញ្ច, តេន សម្ពោធិយា ហេតុភូតំ សត្តេសុ ហិតសុខំ ន បរិច្ចជតិ ។ សីលសម្បត្តិយា សត្តានំ បិយោ ហោតិ គរុ ភាវនីយោ ចោទកោ បាបគរហី វត្តា វចនក្ខមោ។ សុតសម្បត្តិយា សច្ចបដិច្ចសមុប្បាទាទិបដិសំយុត្តានំ គម្ភីរានំ កថានំ កត្តា ហោតិ។ ចាគសម្បត្តិយា អប្បិច្ឆោ ហោតិ សន្តុដ្ឋោ បវិវិត្តោ អសំសដ្ឋោ។ វីរិយសម្បត្តិយា អារទ្ធវីរិយោ ហោតិ អត្តហិតបរហិតបដិបត្តិយំ។ សតិសម្បត្តិយា ឧបដ្ឋិតស្សតី ហោតិ។ សមាធិសម្បត្តិយា អវិក្ខិត្តោ ហោតិ សមាហិតចិតោ។ បញ្ញាសម្បត្តិយា អវិបរីតំ បជានាតិ។ សោ សតិយា កុសលាកុសលានំ ធម្មានំ គតិយោ សមន្នេសមានោ បញ្ញាយ សត្តានំ ហិតាហិតំ យថាភូតំ ជានិត្វា សមាធិនា តត្ថ ឯកគ្គចិត្តោ ហុត្វា វីរិយេន សត្តេ អហិតេ និសេធេត្វា ហិតេ និយោជេតិ។ តេន វុត្តំ ‘‘បិយោ…បេ.… និយោជេតី’’តិ។ សត្តមាទីនិ ឧត្តានត្ថានិ។
37-42. Chaṭṭhe piyo ca hoti manāpo cāti kalyāṇamittalakkhaṇaṃ dassitaṃ. Kalyāṇamitto hi saddhāsampanno ca hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa sambodhiṃ kammañca kammaphalañca, tena sambodhiyā hetubhūtaṃ sattesu hitasukhaṃ na pariccajati . Sīlasampattiyā sattānaṃ piyo hoti garu bhāvanīyo codako pāpagarahī vattā vacanakkhamo. Sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti. Cāgasampattiyā appiccho hoti santuṭṭho pavivitto asaṃsaṭṭho. Vīriyasampattiyā āraddhavīriyo hoti attahitaparahitapaṭipattiyaṃ. Satisampattiyā upaṭṭhitassatī hoti. Samādhisampattiyā avikkhitto hoti samāhitacito. Paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samannesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena satte ahite nisedhetvā hite niyojeti. Tena vuttaṃ ‘‘piyo…pe… niyojetī’’ti. Sattamādīni uttānatthāni.
ទុតិយមិត្តសុត្តាទិវណ្ណនា និដ្ឋិតា។
Dutiyamittasuttādivaṇṇanā niṭṭhitā.
ទេវតាវគ្គវណ្ណនា និដ្ឋិតា។
Devatāvaggavaṇṇanā niṭṭhitā.
Related texts:
តិបិដក (មូល) • Tipiṭaka (Mūla) / សុត្តបិដក • Suttapiṭaka / អង្គុត្តរនិកាយ • Aṅguttaranikāya
៦. ទុតិយមិត្តសុត្តំ • 6. Dutiyamittasuttaṃ
៧. បឋមបដិសម្ភិទាសុត្តំ • 7. Paṭhamapaṭisambhidāsuttaṃ
៨. ទុតិយបដិសម្ភិទាសុត្តំ • 8. Dutiyapaṭisambhidāsuttaṃ
៩. បឋមវសសុត្តំ • 9. Paṭhamavasasuttaṃ
១០. ទុតិយវសសុត្តំ • 10. Dutiyavasasuttaṃ
១១. បឋមនិទ្ទសសុត្តំ • 11. Paṭhamaniddasasuttaṃ
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā)
៦. ទុតិយមិត្តសុត្តវណ្ណនា • 6. Dutiyamittasuttavaṇṇanā
៧. បឋមបដិសម្ភិទាសុត្តវណ្ណនា • 7. Paṭhamapaṭisambhidāsuttavaṇṇanā
