| Library / Tipiṭaka / တိပိဋက • Tipiṭaka / အင္ဂုတ္တရနိကာယ (ဋီကာ) • Aṅguttaranikāya (ṭīkā) |
၆-၁၁. ဒုတိယမိတ္တသုတ္တာဒိဝဏ္ဏနာ
6-11. Dutiyamittasuttādivaṇṇanā
၃၇-၄၂. ဆဋ္ဌေ ပိယော စ ဟောတိ မနာပော စာတိ ကလ္ယာဏမိတ္တလက္ခဏံ ဒသ္သိတံ။ ကလ္ယာဏမိတ္တော ဟိ သဒ္ဓာသမ္ပန္နော စ ဟောတိ သီလသမ္ပန္နော သုတသမ္ပန္နော စာဂသမ္ပန္နော ဝီရိယသမ္ပန္နော သတိသမ္ပန္နော သမာဓိသမ္ပန္နော ပညာသမ္ပန္နော။ တတ္ထ သဒ္ဓာသမ္ပတ္တိယာ သဒ္ဒဟတိ တထာဂတသ္သ သမ္ဗောဓိံ ကမ္မဉ္စ ကမ္မဖလဉ္စ, တေန သမ္ဗောဓိယာ ဟေတုဘူတံ သတ္တေသု ဟိတသုခံ န ပရိစ္စဇတိ ။ သီလသမ္ပတ္တိယာ သတ္တာနံ ပိယော ဟောတိ ဂရု ဘာဝနီယော စောဒကော ပာပဂရဟီ ဝတ္တာ ဝစနက္ခမော။ သုတသမ္ပတ္တိယာ သစ္စပဋိစ္စသမုပ္ပာဒာဒိပဋိသံယုတ္တာနံ ဂမ္ဘီရာနံ ကထာနံ ကတ္တာ ဟောတိ။ စာဂသမ္ပတ္တိယာ အပ္ပိစ္ဆော ဟောတိ သန္တုဋ္ဌော ပဝိဝိတ္တော အသံသဋ္ဌော။ ဝီရိယသမ္ပတ္တိယာ အာရဒ္ဓဝီရိယော ဟောတိ အတ္တဟိတပရဟိတပဋိပတ္တိယံ။ သတိသမ္ပတ္တိယာ ဥပဋ္ဌိတသ္သတီ ဟောတိ။ သမာဓိသမ္ပတ္တိယာ အဝိက္ခိတ္တော ဟောတိ သမာဟိတစိတော။ ပညာသမ္ပတ္တိယာ အဝိပရီတံ ပဇာနာတိ။ သော သတိယာ ကုသလာကုသလာနံ ဓမ္မာနံ ဂတိယော သမန္နေသမာနော ပညာယ သတ္တာနံ ဟိတာဟိတံ ယထာဘူတံ ဇာနိတ္ဝာ သမာဓိနာ တတ္ထ ဧကဂ္ဂစိတ္တော ဟုတ္ဝာ ဝီရိယေန သတ္တေ အဟိတေ နိသေဓေတ္ဝာ ဟိတေ နိယောဇေတိ။ တေန ဝုတ္တံ ‘‘ပိယော။ပေ.။ နိယောဇေတီ’’တိ။ သတ္တမာဒီနိ ဥတ္တာနတ္ထာနိ။
37-42. Chaṭṭhe piyo ca hoti manāpo cāti kalyāṇamittalakkhaṇaṃ dassitaṃ. Kalyāṇamitto hi saddhāsampanno ca hoti sīlasampanno sutasampanno cāgasampanno vīriyasampanno satisampanno samādhisampanno paññāsampanno. Tattha saddhāsampattiyā saddahati tathāgatassa sambodhiṃ kammañca kammaphalañca, tena sambodhiyā hetubhūtaṃ sattesu hitasukhaṃ na pariccajati . Sīlasampattiyā sattānaṃ piyo hoti garu bhāvanīyo codako pāpagarahī vattā vacanakkhamo. Sutasampattiyā saccapaṭiccasamuppādādipaṭisaṃyuttānaṃ gambhīrānaṃ kathānaṃ kattā hoti. Cāgasampattiyā appiccho hoti santuṭṭho pavivitto asaṃsaṭṭho. Vīriyasampattiyā āraddhavīriyo hoti attahitaparahitapaṭipattiyaṃ. Satisampattiyā upaṭṭhitassatī hoti. Samādhisampattiyā avikkhitto hoti samāhitacito. Paññāsampattiyā aviparītaṃ pajānāti. So satiyā kusalākusalānaṃ dhammānaṃ gatiyo samannesamāno paññāya sattānaṃ hitāhitaṃ yathābhūtaṃ jānitvā samādhinā tattha ekaggacitto hutvā vīriyena satte ahite nisedhetvā hite niyojeti. Tena vuttaṃ ‘‘piyo…pe… niyojetī’’ti. Sattamādīni uttānatthāni.
ဒုတိယမိတ္တသုတ္တာဒိဝဏ္ဏနာ နိဋ္ဌိတာ။
Dutiyamittasuttādivaṇṇanā niṭṭhitā.
ဒေဝတာဝဂ္ဂဝဏ္ဏနာ နိဋ္ဌိတာ။
Devatāvaggavaṇṇanā niṭṭhitā.
Related texts:
တိပိဋက (မူလ) • Tipiṭaka (Mūla) / သုတ္တပိဋက • Suttapiṭaka / အင္ဂုတ္တရနိကာယ • Aṅguttaranikāya
၆. ဒုတိယမိတ္တသုတ္တံ • 6. Dutiyamittasuttaṃ
၇. ပဌမပဋိသမ္ဘိဒာသုတ္တံ • 7. Paṭhamapaṭisambhidāsuttaṃ
၈. ဒုတိယပဋိသမ္ဘိဒာသုတ္တံ • 8. Dutiyapaṭisambhidāsuttaṃ
၉. ပဌမဝသသုတ္တံ • 9. Paṭhamavasasuttaṃ
၁၀. ဒုတိယဝသသုတ္တံ • 10. Dutiyavasasuttaṃ
၁၁. ပဌမနိဒ္ဒသသုတ္တံ • 11. Paṭhamaniddasasuttaṃ
အဋ္ဌကထာ • Aṭṭhakathā / သုတ္တပိဋက (အဋ္ဌကထာ) • Suttapiṭaka (aṭṭhakathā) / အင္ဂုတ္တရနိကာယ (အဋ္ဌကထာ) • Aṅguttaranikāya (aṭṭhakathā)
၆. ဒုတိယမိတ္တသုတ္တဝဏ္ဏနာ • 6. Dutiyamittasuttavaṇṇanā
၇. ပဌမပဋိသမ္ဘိဒာသုတ္တဝဏ္ဏနာ • 7. Paṭhamapaṭisambhidāsuttavaṇṇanā
