| Library / Tipiṭaka / ติปิฎก • Tipiṭaka / องฺคุตฺตรนิกาย • Aṅguttaranikāya |
๖. ทุติยมิตฺตสุตฺตํ
6. Dutiyamittasuttaṃ
๓๗. ‘‘สตฺตหิ , ภิกฺขเว, ธเมฺมหิ สมนฺนาคโต ภิกฺขุ มิโตฺต เสวิตโพฺพ ภชิตโพฺพ ปยิรุปาสิตโพฺพ อปิ ปนุชฺชมาเนนปิ 1ฯ กตเมหิ สตฺตหิ? ปิโย จ โหติ มนาโป จ ครุ จ ภาวนีโย จ วตฺตา จ วจนกฺขโม จ คมฺภีรญฺจ กถํ กตฺตา โหติ, โน จ อฎฺฐาเน นิโยเชติ ฯ อิเมหิ โข, ภิกฺขเว, สตฺตหิ ธเมฺมหิ สมนฺนาคโต ภิกฺขุ มิโตฺต เสวิตโพฺพ ภชิตโพฺพ ปยิรุปาสิตโพฺพ อปิ ปนุชฺชมาเนนปี’’ติฯ
37. ‘‘Sattahi , bhikkhave, dhammehi samannāgato bhikkhu mitto sevitabbo bhajitabbo payirupāsitabbo api panujjamānenapi 2. Katamehi sattahi? Piyo ca hoti manāpo ca garu ca bhāvanīyo ca vattā ca vacanakkhamo ca gambhīrañca kathaṃ kattā hoti, no ca aṭṭhāne niyojeti . Imehi kho, bhikkhave, sattahi dhammehi samannāgato bhikkhu mitto sevitabbo bhajitabbo payirupāsitabbo api panujjamānenapī’’ti.
‘‘ปิโย ครุ ภาวนีโย, วตฺตา จ วจนกฺขโม;
‘‘Piyo garu bhāvanīyo, vattā ca vacanakkhamo;
‘‘ยมฺหิ เอตานิ ฐานานิ, สํวิชฺชนฺตีธ ปุคฺคเล;
‘‘Yamhi etāni ṭhānāni, saṃvijjantīdha puggale;
โส มิโตฺต มิตฺตกาเมน, อตฺถกามานุกมฺปโต;
So mitto mittakāmena, atthakāmānukampato;
อปิ นาสิยมาเนน, ภชิตโพฺพ ตถาวิโธ’’ติฯ ฉฎฺฐํ;
Api nāsiyamānena, bhajitabbo tathāvidho’’ti. chaṭṭhaṃ;
Footnotes:
Related texts:
อฎฺฐกถา • Aṭṭhakathā / สุตฺตปิฎก (อฎฺฐกถา) • Suttapiṭaka (aṭṭhakathā) / องฺคุตฺตรนิกาย (อฎฺฐกถา) • Aṅguttaranikāya (aṭṭhakathā) / ๖. ทุติยมิตฺตสุตฺตวณฺณนา • 6. Dutiyamittasuttavaṇṇanā
ฎีกา • Tīkā / สุตฺตปิฎก (ฎีกา) • Suttapiṭaka (ṭīkā) / องฺคุตฺตรนิกาย (ฎีกา) • Aṅguttaranikāya (ṭīkā) / ๖-๑๑. ทุติยมิตฺตสุตฺตาทิวณฺณนา • 6-11. Dutiyamittasuttādivaṇṇanā
