| Library / Tipiṭaka / តិបិដក • Tipiṭaka / អង្គុត្តរនិកាយ • Aṅguttaranikāya |
៦. ទុតិយមិត្តសុត្តំ
6. Dutiyamittasuttaṃ
៣៧. ‘‘សត្តហិ , ភិក្ខវេ, ធម្មេហិ សមន្នាគតោ ភិក្ខុ មិត្តោ សេវិតព្ពោ ភជិតព្ពោ បយិរុបាសិតព្ពោ អបិ បនុជ្ជមានេនបិ 1។ កតមេហិ សត្តហិ? បិយោ ច ហោតិ មនាបោ ច គរុ ច ភាវនីយោ ច វត្តា ច វចនក្ខមោ ច គម្ភីរញ្ច កថំ កត្តា ហោតិ, នោ ច អដ្ឋានេ និយោជេតិ ។ ឥមេហិ ខោ, ភិក្ខវេ, សត្តហិ ធម្មេហិ សមន្នាគតោ ភិក្ខុ មិត្តោ សេវិតព្ពោ ភជិតព្ពោ បយិរុបាសិតព្ពោ អបិ បនុជ្ជមានេនបី’’តិ។
37. ‘‘Sattahi , bhikkhave, dhammehi samannāgato bhikkhu mitto sevitabbo bhajitabbo payirupāsitabbo api panujjamānenapi 2. Katamehi sattahi? Piyo ca hoti manāpo ca garu ca bhāvanīyo ca vattā ca vacanakkhamo ca gambhīrañca kathaṃ kattā hoti, no ca aṭṭhāne niyojeti . Imehi kho, bhikkhave, sattahi dhammehi samannāgato bhikkhu mitto sevitabbo bhajitabbo payirupāsitabbo api panujjamānenapī’’ti.
‘‘បិយោ គរុ ភាវនីយោ, វត្តា ច វចនក្ខមោ;
‘‘Piyo garu bhāvanīyo, vattā ca vacanakkhamo;
‘‘យម្ហិ ឯតានិ ឋានានិ, សំវិជ្ជន្តីធ បុគ្គលេ;
‘‘Yamhi etāni ṭhānāni, saṃvijjantīdha puggale;
សោ មិត្តោ មិត្តកាមេន, អត្ថកាមានុកម្បតោ;
So mitto mittakāmena, atthakāmānukampato;
អបិ នាសិយមានេន, ភជិតព្ពោ តថាវិធោ’’តិ។ ឆដ្ឋំ;
Api nāsiyamānena, bhajitabbo tathāvidho’’ti. chaṭṭhaṃ;
Footnotes:
Related texts:
អដ្ឋកថា • Aṭṭhakathā / សុត្តបិដក (អដ្ឋកថា) • Suttapiṭaka (aṭṭhakathā) / អង្គុត្តរនិកាយ (អដ្ឋកថា) • Aṅguttaranikāya (aṭṭhakathā) / ៦. ទុតិយមិត្តសុត្តវណ្ណនា • 6. Dutiyamittasuttavaṇṇanā
ដីកា • Tīkā / សុត្តបិដក (ដីកា) • Suttapiṭaka (ṭīkā) / អង្គុត្តរនិកាយ (ដីកា) • Aṅguttaranikāya (ṭīkā) / ៦-១១. ទុតិយមិត្តសុត្តាទិវណ្ណនា • 6-11. Dutiyamittasuttādivaṇṇanā
